تجارب واراء الاعضاء .. فى تركـيب قـطع غيـار نيـسان غـير اصـلية
http://img593.imageshack.us/img593/1...epartscopy.jpg فكرة الموضوع بسيطة وفكرتها مستمدة من مشاركتكم وتجاربكم اللى بقرائها انا عارف ان فى ناس احيانا بيركبوا قطع غيار مش اصلى .. وبيتجهوا الى بدائل ارخص سواء ماليزى او تايوانى او صينى او تركى او يابانى بس مش اصلى والكلام ده على قطع غيار جديدة بديلة للاصلى لان الاصلى بيكون غالى احيانا عليهم .. والقطع دى على سبيل المثيال زى السيور اللى مش اصلى وبتصفر و البوجيهات لو مكنتش بالرقم ومش اصلى ممكن تاثر فى السحب وخلافه فى داء العربية وكمان التيل وتاثيره على الطنابير او طنابير تايوانى او مساعدين مش اصلى وبتضرب بعد فترة وبيضطر يشترى تانى وفى الاخر يلاقى تلكفة الحاجة اللى اشتراها بعد ما باظت وصل تمنها الى سعر الاصلى منها ..!!!! وغير كدا حتى لو بردوا شغالة لكن كفائتها مش بتقعد زى الاصلى سنين او بتتحمل معاه فعشان كدا عملت الموضوع ده عشان اسمع رائكم فيه وتجاربكم او تجارب اقاربكم واصدقائكم عشان يكون فى افادة عامة للجميع بعض التجارب من القسم اقتباس:
المشاركة الأصلية كتبت بواسطة tarek08
معلهش نصيحة للجميع انا كنت ركبت تيل امامى ماليزى وبهدلى الدنيا اصوات تزييق وتصفير حتى بوظ الطنابير وغيرت كله اصلي فى التوكيل بس الرعشة موجودة من قبل القصة دي فياريت بلاش النوعية دي من التيل وما حدش يشتري اي حاجة الا لما تكون متجربة
اقتباس:
المشاركة الأصلية كتبت بواسطة walidadel
رابعا : قطع الغيار
تنبيه هام بخصوص قطع الغيار الغير اصلية:
فى نقطه مهمه اوي و لازم ناخد بالنا منها وهى اي قطعة غيار اصلي هاتفرق في كفاءة العربيه , وحتوفر معايا , حتى وان كانت غالية :eee: , وكمان ححافظ بكدا على كفاءة العربية على المستوى البعيد,
واليكم القصص والتجارب عن قطع الغيار الغير اصلية واللى حصل معايا:-:B4_556:
* تيل الفرامل وماحدث معى:
لازم يكون اصلي سواء امامي اوخلفي لانه اي تيل و بالاخص الفرنساوي ابو 140 جنيه دا لما بيسخن مش بيقفش كويس في العربيه و بالتالي هاتسمع صوت و ممكن لو حد وراك هايقولك ان التيل و الطنابير كانت محمره من الاحتكاك و الله شوفتها قدامي في تويوتا كرولا الشكل القديم بتفرمل علي مطب و الطنابير حمرا و متوهجه و العربيه ماقفشتش فرامل وانا بسافر كتير و بجري بالعربيه و ممكن اضرب فرامل وانا علي 140 و 160 الاول كانت بتسعفني والله كويس اوي لكن بعد التيل الاسباني دا ولا الهوا واخري فقط بسمع الصوت مش اكتر
*المساعدين الياباني (KYB)وما حدث معى:
حدث ولا حرج بقي جيبت الامامي ب 450 و جلدة التراب ب 15 الكلام ده من 4 شهور تقريبا بعد ماركبتهم بشهر اكلت مطب زي الفل وانا في طريق مصر اسكندريه الصحراوي امام شركه السكر والحته دي مكسره تكسير , المهم وانا ماشي علي 100 اكلت مطبين ورا بعض في الشمال رجعت للميكانيكي لاقينا المساعد اليمين بيجيب زيت و هما اصلا وحشين و مش هايقعدوا في العربيه وانا عارف بكده و لما روحت كشفت في الصيانه يوم الخميس اللي فات قالي انهم وحشين و عايز يغيرهم , وكل ده طبعا عشان مش اصلى
*السيور وماحدث معى:
لسه جديده وشريها من بره التوكيل و بعد مركبتها ظهر صوت عبارة عن ونه لما بتكون العربية سخنة ,
وطبعا انا ودني حساسه من الاصوات دي اوي وابويا مكنش سامع الصوت و لاحتي الميكانيكي ,
فاخدت الميكانيكي و دخلنا الجراج و قفلنا الباب علشان نركز ونسمع الصوت ده بيظهر منين ,وطلع الصوت جى من ناحية السيور فقولت لما اتاكد,فكبيت عليها شويه ميه الصوت رااح ,
المهم كلمت الاخ الفاضل ahmed.tv علشان يساعدنى ويكلم حد في توكيل السبع علشان العربيه تخش الصيانة على طول و هي سخنه والصوت ظاهر ,عشان لو اخدت دورها وبردت وجم يكشفوا عليها حيكون الصوت اختفى
وباذن الله اغيرهم ان شاء الله في التوكيل وابقا اقولكم على الاخبار
ودى كانت اهم تجاربى السيئة:fun_36_3_4[1]: مع قطع الغيار الغير اصلية :funny34d:
كل قطعة غيار تكون مهمة فى العربية يفضل لما تغيرها تكون اصلية :M_yes[1]: عشان ترتاح معاها وتشترى دماغك من وجع الدماغ ,والمرواح والمجى وعشان تحافظ على عربيتك
زى ما شوفتوا .. ضفت فى الموضوع بعض من تجارب الاعضاء فى القسم ..
واتمنى انكم تضيفوا تجارب اخرى وردت عليكم فى القسم عند قرائتكم لاى موضوع
ورد فيه مشاركة لعضو اشتكى من تجربة سيئة مع قطع غيار مش اصلية
او تضيفوا تجاربكم الخاصة فيه وارائكم
تحياتى للجميع
اخوكم فى الله
احمد مصطفى
