تحزير ..اسلوب جديد لقطاع الطرق في وصله بورسعيد!!

السلام عليكم ورحمه الله وبركاته..
امبارح كنت راجع من القاهره لدمياط بالليل عن طريق الاسماعيليه الصحراوي وعند وصله بورسعيد لقيت عربيه سوزوكي تمن مقلوبه علي جنبها اليمين وعليها اشوله مرميه في الارض والعربيه مشغله الانتظار يعني الحادث لسه حاصل حالا..طبعا ده كان كمين!!!!!!

-زرار الانتظار في السوزوكي زي مسوجر الباب علشان يشتغل محتاج جهد ومكانه علي قطمه الدركسيون مش منطقي انه اشتغل لوحده او السواق ايده جت فيه شغلته انما المقصود لفت نظر المسافرين
-العربيه حمولتها كانت متوزعه علي الارض بطريقه غير منطقيه المفروض معظمها يقع علي ناحيه الانقلاب مش ورا العربيه
-مفيش علي الاسفلت اي اثار فرامل او ازاز مكسور
-مكان انقلاب العربيه اساسا برده مش منطقي علي طرف الاسفلت الطبيعي انها تنزل علي الاقل 5 متر في الملاحات ده لو كان جاي بسرعه حتي 60 كم .
-كان في تريللا قدامي وطبعا الراجل شايف المنظر من الدور الرابع عنده وهدي السرعه لكن ماوقفش فيبدو انه شاف حد مستخبي او حاجه
-الفايده ان ماحدش يقف في الحالات دي الا لو كان في ناس كتير واقفه وربنا يكفينا جميعا شر المصائب

والله الواحد من كتر ال بيسمعه وبيشوفه وبيقول مش هقف لحد فى الطريق مهما كان بس المشكله ان ممكن يكون فى واحد فعلا محتاج مساعده ومش هيلاقى اى حد يساعده اطلاقا مهما حصل علشان كله خايف


معادله صعبه جدااااااااااا بس ملهاش حل فى الزمن دا

الله اعلم ممكن تكون حادثه حقيقية وممكن تكون مخاوفك فى محلها

والله احنا فى مصيبه بجد الواحد مش عارف يعمل ايه يصدق الحادثه ولا لا
غالبا طبعا محدش يقف مبقاش حاجه مضمونه وذهن الحراميه شغال الله ينور
بس الواحد بيسال لو هو لاقدر الله اللى جرى له حاجه وتفتكروا مين هيساعده
الله المعين

الله يحرقهم بجاز

اعتقد التصرف السليم دلوقتي تبلغ البوليس يبعتو دوريه لو لقيت حاجه زي كدا
و قولهم طبعا انك شاكك فيهم و مارضيتش تقف

اشكرك على التحذير

اقتباس:

---

المشاركة الأصلية كتبت بواسطة saadelden

اعتقد التصرف السليم دلوقتي تبلغ البوليس يبعتو دوريه لو لقيت حاجه زي كدا
و قولهم طبعا انك شاكك فيهم و مارضيتش تقف

---

+1111111111111111111

فعلا الموضوع بقي صعب اليومين دول الواحد يخاف يقف ينفضوه ومش بعيد يخلصوا عليه
تحذير حضرتك ف محله ومن رايي لو في ناس بردو متنزلش مهو ممكن يكونوا هما قطاع الطريق :)

انا قررت امش في طريقي ومقفش لي حد ابدآآآآ والي هيقف في وشي هحطة علي كبوت عربيه وههدس امه حتي لو بيعدي السكه ومش قصده لي سبب دلوقتي كماينن الشرطة بتقفل من بعدالساعه 10 بليل مابتشفش لاظبطولا حاجة ولغايه دولوقتي مسمعتش انهم وقعه عصابة كذا قبضو علي كذا

شكرا ع التحذير بس ياريت المكان بالزبط فين بين اسماعيلية وبورسعيد وكمان توقيت مرور حضرتك

اقتباس:

---

المشاركة الأصلية كتبت بواسطة y2y1500

شكرا ع التحذير بس ياريت المكان بالزبط فين بين اسماعيلية وبورسعيد وكمان توقيت مرور حضرتك

---

عفوا ياباشا..
المكان في وصله بورسعيد لدمياط مش في الاسماعيليه
في ملف كده يمين بورسعيد وشمال دمياط والاسكندريه
هو الملف ده وكانت الساعه 9 ليلا .

اقتباس:

---

المشاركة الأصلية كتبت بواسطة hellboy

عفوا ياباشا..
المكان في وصله بورسعيد لدمياط مش في الاسماعيليه
في ملف كده يمين بورسعيد وشمال دمياط والاسكندريه
هو الملف ده وكانت الساعه 9 ليلا .

---

ده اسمه الطريق الساحلى الدولى وطبعا مش امان خااااااااااااالص بعد غروب الشمس من اوله لآخره وكثافة المرور عليه اقل من الصحراوى
ربنا يسترها علينا

شكرا على التحذير

يا رجالة انا اتسرقت الساعة 7 بالليل بعد مخرج بورسعيد في اتجاة الاسماعيلة قبل مدخل بحر البقر ب 150 متر.
كانت سيارة ايسوزو دي ماكس 2 كابينة. وقفوا ادامنا و الشمال مليان تريللات بتجري. خرجوا علينا بالرشاشات..سبنا العربية و الحمد لله و ارواحنا لسا فينا......لا تقف اذا حاول احد الكسر عليك....و لا تسال اتجاة الطريق الا في بنزيمة او محطة سيارات.

اظن انها حادثة حقيقية

فعلا بيخلوا الواحد مش يثقف في اى حاجة
يعنى وانا ماشى على طريق الجيش من المنيا لاسيوط مفيش صريخ ابن يومين ولا مليون سنة
فقولت يارب سامحنى مش هقف لحد لان بجد الطريق مرعب والدنيا مفيهاش امان
بجد فعلا معادلة صعبة مش عارف ازاى الواحد يحلها