صيانة 20,000 كم (كيا السبع)

**ahmed_201091** · 10-01-2012 02:46 PM

السلام عليكم يارجالة و شباب و نور الكيا
يارب تكونوا فى احسن حال انشاء الله

ندخل فى الموضوع
الاول حجزت يوم الجمعة على اساس انى اروح الخميس بعد الامتحان و اكتشفت ان مواعيد العمل من 9 ص الى 5 م
- حجزت على يوم السبت 7-1 الساعة 9 الصبح اول ما يفتح المركز كدا يصتبحوا بعربتى
طلعت من اسماعيلية الساعة 7 تقريبا و وصلت هناك الساعة 8:40 و كان المركز فتح لكن اسه مشتغلش ركنت العربية و دخلت و قالى اتفضل حضرتك فى الاستراحة و ربع ساعة و نبدء . طلعت فوق و الاستراحة كان شيك جدا و كانت كشفا كل حاجة فى ورشة المركز تحت و بتشوف كل حاجة بتحصل فى العربية الساعة 9 نزلت تحت و بدء الشغل و حجزت للعربية و قولت ملاحظاتى وكانت كالاتى
1- صوت الموتور عالى نسبيا
2- صوت نزيق (مستفز جدا ) لما كنت اجى افرمل و العربة خلاص هتوقف بيتسمع و كان جاى من العجل اللى ورا فى التيل
3-بدال الفرامل بحسوه واطى و فى جزء زى هوا فى الاول و بعد كدا تبدا تمسك (روحت مركزين و محدش فادنى فى حاجة )

تمام كدا مع م.حسام و تكلفى الصيانة 855 و كنت عايز اعمل زواية و كان التوتال 900 و مضيت و طلع استلم العربية و كلوا تمام و قالى على الساعة 11 انشاء الله تخلص
طلعت الاستراحة الاول كشف على ال 27 نقطة و بعد كدا ربط المساعدين قدام و رفع العربيية كشف على التيل قدام تمام و ورا و دى اللى كان فيها المشكلة و صنفر التيل و رجلش الهاند و جاب اسبراى اسموا (كيرو حاجة ) هتاكد من الاسم و اقولكم و قفل على العجل و بعت جاب قطع الغيار و الزيت (شل الترا هيلكس 10000 ) و رفع العربية غير فلتر الزيت و نزل الزيت و نزل العربة وحط ازيت الجديد و غير البوجيهات و فلتر الهواء (زفتتتتتتتتتتتتت كلمة قليلة ) و راحت على رافع الزواية و زود الكاوتشات و ظبط الزوايا و طلع جرب و كله تمام قالى العربة خلاص هتتغسل و خلاص
كان فى اعلان على الفيس ان فى خصومات 50 % على المصنعيات و زيت و فلتر مجانا فسالت م.حسام و عملى الخصم ص دفعت 420 بدل 900 هصور القاتورة و احطها و معاها فلتر الهواء و البوجيهات

تقيمى للمكان و الاستراحة :-ممتاز
للكفاءة فى الشغل :- ممتاز

المهندسين و الناس هناك محترمة جدا جدا جدا وشها بشوش جدا و التعامل باحترام

جربت العربية على الطريق فرق شاسع بين السحب وانا مروح عن وانا جاى كان rpm 4 على 120 وانا راجع كان على 3 و استهلاك بنزين قليل جدا
صوت الموتور هدى جدا (نتيجة تغير الزيت (
صوت التزيق مش موجود خالص الحمد لله
ظيط الزواية تمتم الحمد لله فى جزء فى الطريق وانا راجع كويس و كنت 150 و سايب ايدى والله و العربية ماشاء الله

معلش انا عارف انى طولت عليكم جدا جدا بس حبيت انقل انطباعى عن المركز و لو حد عايز يسال ف اى حاجة انا تحت امره

اشوفكم فى المقابلةانشاء الله على خير

**moha4tec** · 10-01-2012 03:16 PM

الف مبروك على الصيانه
و فعلا المركز ده محترم جدا جدا

**ahmed_201091** · 10-01-2012 06:48 PM

المشاركة الأصلية كتبت بواسطة moha4tec

الف مبروك على الصيانه
و فعلا المركز ده محترم جدا جدا

الله يبارك فيك ياباشا

المشاركة الأصلية كتبت بواسطة temo85

تمام ياباشا بس بالنسبه للزيت كان 5w-40 ولا 5w-30 ؟

الزيت كان 5w-30 و قولت هنزله قبل الصيف
انا حطيت الشل علشان مكنش عندى وقت اغير زيت برا و اروحلهم لكن انا مش مقتنع بيه خالص الصراحة (مبيستحملش )

**ls1090** · 10-01-2012 09:10 PM

الف مبروك على الصيانة

**Arabino** · 11-01-2012 09:32 AM

مكانه بالظبط فين يا باشا ؟

**ahmed_201091** · 11-01-2012 05:40 PM

المشاركة الأصلية كتبت بواسطة ls1090

الف مبروك على الصيانة

الله يبارك فيك
دا بعد ما قرفتك معايا :))

**ahmed_201091** · 11-01-2012 05:44 PM

المشاركة الأصلية كتبت بواسطة arabino

مكانه بالظبط فين يا باشا ؟

بص ياباشا انت هتمشى الدائرى عادى لحد ما توصل نزلت الزهراء و بعد كدا هتلاقى كارفور المعادى على يمينك و تكمل على طول هتلاقى شيل على يمينك كمل برضوا لحد ما الطريق هيلف بيك شمال ادخل انت من اول يمين و على طول بعد كدا و من هناك هتلاقى اعلانات كتير ليهم و عليها اسهم