الموضوع: الناس كييفة القهوة

المشاركة الأصلية كتبت بواسطة أبو إياد

انا بشرب يوميا 3 فنجان قهوه ماعدا الجمعه والسبت هو فنجان واحد
اعتمادى كله كان على بن العميد وكان بيجيلى من الكويت
ولقيته بيتباع هنا الكيلو ب 104ج بس لقيته مختلف
حاليا مش لاقى بن نوعه كويس غير بن شاهين نوعاما وبجيب من عنده بن اسبيشيال وسط وده ب136ج وعن اقتناع ان كل اللى فى السوق سودانى محروق
لو عملتها بنفسى باعملها بمياه ساقعه وباشربها مظبوط وساده احيانا

بسمع عن العميد ده كتير
طاب محدش بيبيعه هنا خالص ؟

المشاركة الأصلية كتبت بواسطة osama.m

جرب تجيب برطمان تعملة مخصوص للبن يا جورج يكون بيقفل كويس
انا عامل كدا عندي و بيحافظ على ريحة القهوة فترة كبيرة
و بعمل القهوة بنفس الطريقة بالظبط كدا
بس مش بشرب قهوة كتير زيك .. انا كييف شاي احمد للاسف و مش بعرف اشرب شاي غيرة

انا بحب شاي أحمد جدااااااااا بالذات الأير جراي
وقريب جبت شاي أحمد أخضر وبشرب منه كتير

المشاركة الأصلية كتبت بواسطة mrbebo

باشا انا شوفت الناس الكييفه قوي بتجيب البن الاخضر تحمصه وتطحنه عندها

وطبعا صباح الطعم الطازه اللي مش هتلقيه في اي حته

انا نفسي اعرف البن الاخضر ده بيتجاب منيييييييييين وبكام

معرفش الحقيقة
بس ممكن المطاحن ... لأنهم بيحمصوا عندهم

المشاركة الأصلية كتبت بواسطة eng.octooo

احسن الانواع بالترتيب

العميد
شاهين
المحمصة اللبنانية

احسن طريقة : حط الماية والقهوة والسكر (ماية ساقعة يفضل) وتقلبهم كويس وتحطهم على نار هاااااااااااادية اوى لحد ما يبد يرففع الوش وتشيلة تصبة بالراحة ولو الفنجان ساقع بيخلى الوش يقعد اكتر ( دى قالهالى واحد اردنى ومن يومها والقهوة بتطلع معايا حاجة تانى خاللص)
جرب تحط مكعب ثلج فى الفنجان لحد ما القهوة تجهز وشيل الثلج طبعا وصفي الفنجان من الماية وصب القهوة :)

بص بقى عاشان تحفظ البن وكل ما تعمل منة تحس انة لسة طالع من المطحنة

حطة فى برطمان كويس زجاج وحطة فى الفريزر :)

ايوة الفريزر صدقنى مش بيتجمد خالص وبيكون طعمها تحححححححححححححححححححححححف ة بس البرطمان يكون لية شفة جلد او بلاستيك الى هيا بتمنع الهواء من الدخول والخروج علشان البن ماياخدش ريحة الحاجات الى فى الفريزر

انا باشربة تريبل (مج ) وسكر مظبوط والبن بيكون وسط لا غامق ولا فاتح ومحوج وحبهان قليل

طاب أحط الفنجان أو الكوباية من بالليل في الفريزر ؟ :)

المشاركة الأصلية كتبت بواسطة eng.octooo

اة نصيحة محدش يعملها فى كنكة تيفال او المونيوم او ستيل لانهم بيحرقوا القهوة وخصوصا لما تييجى تصبها :)

اعملها فى كنكة نحاس او صاج

والجديد بقى انا باعملها فى كوباية بايركس :) بتطلع حلوة بس مش زى النحاااااس حبيبى :) وخلى بالكم تكون نحاس نحاس مش المونيوم ومطلية نحاس

تمام
بس الصاج برضه بيحرقها
هو النحاس أحسنهم
حل الصاج انك تستني علي القهوة شوية بعد ما تعمل وش وماتصبهاش علي طول
الجزء اللي بيكون في الهوا ومعليهوش قهوة بيكون سخن جدا ولما القهوة بتيجي عليه بتتحرق
لما بتستني شوية الجزء ده بيبرد ومش هتتحرق

المشاركة الأصلية كتبت بواسطة tjp

القهوه الساده معروفه والقهوه الزياده معروفه اما عن القهوه المظبوطه فما معيارها هل ملعقة سكر ام بن قليل حد يفهمنا يا جماعه لو سمحتو طبعا اتحدث عن معيار الفنجان بالتحديد وعلى فكره مره شربتها فى كافيه فى محطة الرمل _ الاسكندريه وتقريبا اول مره فى حياتى اشرب واحد قهوه بجد ساعتها اكتشفت انى ما كنتش بشرب قهوه خالص تخيلوا سألت الراجل عملتها ازاى وكأنها سر المهم جبت من النوع اللى شربته ربع كيلو وطبعا لا اعرف اسمه وللان تايه ومش قادر احصل على نتيجة الكافيه ابدا

انا بحط علي كوباية الشاي معلقتين سكر
لما بعمل قهوة بحطها في كوباية نص كوباية الشاي
بحط معلقة ونص قهوة ومعلقة ونص سكر
كدة بتبقي مظبوطة بالنسبالي

المشاركة الأصلية كتبت بواسطة أبو إياد

موجود عند شاهين اخر كوبرى الدقى 104 الكيلو بس مش زى بتاع الكويت باردو

بعيد قوي
طاب هو جمب سمير وعلي ؟

المشاركة الأصلية كتبت بواسطة MRBEBO

طب محدش جرب الانواع اللي بتتباع في السوبر ماركت

زي بن النجار وغيره ؟؟

مش بفتكر أسامي الحاجة اللي كان طعمها وحش :)
عامة انا اللي بستعمله دلوقتي طلع بيتباع في أولاد رجب
هو ده صورته


بالهال ... يعني محوج تقريبا بالحبهان
وفي موكا بدون هال ... اللي صورته فوق ده
وفي سادة
الموكا واللي بالهال جامدين جدا

بن العميد
قارنه باى بن تريد
نفسى اشرب فنجان منه