الموضوع: الناس كييفة القهوة

تمام نفس الطريقة
بس جرب مياه من التلاجة
وبن العميد شوف أي حد نازل من الخليج يجبهولك (الكويت تحديداً)
وهتحلف إنك مشربتش قهوة قبل كده

المشاركة الأصلية كتبت بواسطة medododo

تمام نفس الطريقة
بس جرب مياه من التلاجة
وبن العميد شوف أي حد نازل من الخليج يجبهولك (الكويت تحديداً)
وهتحلف إنك مشربتش قهوة قبل كده

تمام هجرب ... مع اني بتعذب الصبح في اني أدوب القهوة في مية من الحنفية :)

جرب تجيب برطمان تعملة مخصوص للبن يا جورج يكون بيقفل كويس
انا عامل كدا عندي و بيحافظ على ريحة القهوة فترة كبيرة
و بعمل القهوة بنفس الطريقة بالظبط كدا
بس مش بشرب قهوة كتير زيك .. انا كييف شاي احمد للاسف و مش بعرف اشرب شاي غيرة

احسن الانواع بالترتيب

العميد
شاهين
المحمصة اللبنانية

احسن طريقة : حط الماية والقهوة والسكر (ماية ساقعة يفضل) وتقلبهم كويس وتحطهم على نار هاااااااااااادية اوى لحد ما يبد يرففع الوش وتشيلة تصبة بالراحة ولو الفنجان ساقع بيخلى الوش يقعد اكتر ( دى قالهالى واحد اردنى ومن يومها والقهوة بتطلع معايا حاجة تانى خاللص)
جرب تحط مكعب ثلج فى الفنجان لحد ما القهوة تجهز وشيل الثلج طبعا وصفي الفنجان من الماية وصب القهوة :)

بص بقى عاشان تحفظ البن وكل ما تعمل منة تحس انة لسة طالع من المطحنة

حطة فى برطمان كويس زجاج وحطة فى الفريزر :)

ايوة الفريزر صدقنى مش بيتجمد خالص وبيكون طعمها تحححححححححححححححححححححححف ة بس البرطمان يكون لية شفة جلد او بلاستيك الى هيا بتمنع الهواء من الدخول والخروج علشان البن ماياخدش ريحة الحاجات الى فى الفريزر

انا باشربة تريبل (مج ) وسكر مظبوط والبن بيكون وسط لا غامق ولا فاتح ومحوج وحبهان قليل

احلى نوع بن جربتة فى حياتى وكل الى داقوة بيحلفو بية لحد دلوقتى كان اسمة شيروزا تقريبا وصناعة سويسرى (مش عارف لية : )

اشتريتة من محلات جورميت فرع داندى مول الى قصاد كارفور علطول كان كيس 350 جرام ب حاجة وتمانين بس اية تححححححفة والله الفنجان باعملة الساعة 9 الصبح واشربة فى الاوضة لما ارجع على الساعة 4 اول ما افتح باب الاوضة اشم ريحة القهوة اوووووووووف

بس من بداية الثورة وهما مش عندهم البن دة خالص وكل ما اروح اسأل يقولو التصدير بتاعة وقف
طيب يا عمو شوفلى فى اى فرع تانى يقولى اسف :((((


نداااااااااااااااااء الى كل من يجد البن دة يقولى :) كان فى علبة صفيح زى بتاعة التونة مربعة ولونها دهبى فى اسود