الموضوع: عرض اللاصقه السحريه حقيقة أم كذب واحتيال ...!!!

المشاركة الأصلية كتبت بواسطة egyzizo

والسؤال هنا : بالرغم من التأكد من عدم فائدتها الطبية هل يجب منعها ؟؟
أنا أرى أن الإجابة هى : (لا) طالما هى غير ضارة حتى لو كانت غير مفيدة.
فهناك من يستفيدون منها ولو بالايحاء.

أنا رأيي يتم منعها لأن الدعاية عنها كاذبة وفيها غش وتدليس

لو عاوزين يمشوا بما يرضوا الله يبقى يقولوا بقى في الإعلان إنها مالهاش أي فوائد طبية غير إننا هنضحك عليك وهنحسسك براحة وهمية بناء على كذبنا والافتكاسات اللي هنوريهالك دلوقتي ولو عايز تضحك على نفسك وتحس بالراحة فده شئ يرجعلك وتقدر تدفعلنا اللي في جيبك على العنوان التالي

لو هيعملوا كده يبقى لهم حق يعلنوا ويبيعوا منتجاتهم


وإلا بلاها بقى حماية المستهلك ومنع الغش والتدليس والكلام ده كله ونسمح للبعض بيع مية بصابون على أساس إنها كريم أساس يمكن بشرة البعض ترتاح مع المية والصابون أكتر


.

المشاركة الأصلية كتبت بواسطة Egyzizo

ولكنها لا تخلو من فوائد .. فهناك أعداد متزايدة من الناس يشعرون بتحسن بعد استخدامها .. تحسن فى الطريقة التى ينامون بها، تصلب المفاصل ، آلام العظام و تحسن فى قضايا البشرة .

وهذا قد يكون عائداً إلى ما يسمى wishful thinking وهو ما يعنى التفكير بالتمنى بحدوث أشياء إيجابية ، أو يعود إلى شئ آخر يسمى placebo effect وهى ما يعنى التأثير الوهمى لعلاج غير فعال فيشعر المريض بتحسن ملحوظ بعد تناول ما يعتقد أنه دواء شافى بناءاً على الدعاية للدواء حتى لو كان هذا الدواء مجرد بودرة لا معنى لها.

والسؤال هنا : بالرغم من التأكد من عدم فائدتها الطبية هل يجب منعها ؟؟
أنا أرى أن الإجابة هى : (لا) طالما هى غير ضارة حتى لو كانت غير مفيدة.
فهناك من يستفيدون منها ولو بالايحاء.

بس هل ينفع حاجة تمنها 10 جنيه تتباع ب 100 جنيه (اعتقد ده غش وتدليس)
وافرض ان حد حس بتحسن وهمي أو مجرد اعتقد انه افضل وهو مريض بالسكر او الضغط بالفعل وامتنع عن العلاج الحقيقي مين المسؤول لو الرجل ده اتضرر بجد (متهيالى ده اكبر ضرر)
ده غير الناس اللى ممكن توصفوا لبعضها كعلاج وما يروحوش لدكتور يتعالجوا بجد (دى كلها كوارث)

المشاركة الأصلية كتبت بواسطة funnymickey

كله كوم والشئ بالشئ يذكر
حد شاف الاعلان بتاع
لا للدجل
ولا للذين لا يخشون الله عز وجل
العلاج عن طريق الرقيه الشرعيه
عن طريق المصنف الاول علي العالم في الرقيه الشرعيه

انا اعرف المصنف الاول علي العالم في التنس
المصنف الاول علي العالم في ححفظ القرءان

انما المصنف الاول عالعالم في الرقيه الشرعيه
يعني ده اكتر واحد دعاءه مستجاب يعني ولا ايه مش فاهم

الاعلان دا تيييييييييييييييييييييييي ييييييييت بجد والراجل أصلا شكلة من ألى بيبيعو سبح على ابواب الجوامع ههههههههههههههههههههههههه هههه