عرض للطباعة
السلام عليكم
لو سمحتوا لو انا عايز اتخصص في ادارة المستشفيات ايه الكورسات اللي مفروض ادرسها و ايه افضل اماكن ادرس فيها الكورسات دي مع العلم اني بكالوريوس تجاره لأني لاحظت ان في كورسات بتشترط خريجين طب فقط و ياريت اي حد عنده معلومات عن الموضوع ده يفيدني و جزاكم الله خير
افضل كورسات ادارة المستشفيات فى مصر هو الدبلومة بتاعة الجامعة الامريكية
ودى مدتها سنتين و تكلفتها حوالى عشرون الف جنيه
وكان فى بردة فى جامعة حلوان دبلومة ادارة المستشفيات
نصيحه مني بلاش تتعب نفسك في الموضوع ده علشان المستشفي يا اما دكتور او مريض وبعد كده الناس بتتساوي..
تاني حاجه دكاتره كتير اوي اوي معاهم كورسات كتيره في الموضوع ده لان في نسبه من الاطباء بتتفرغ للعمل الاداري فقط وطبعا جحا اولي بلحم طوره فالاولويه هاتبقي ليهم (طبعا فاهم قصدي)
شكرا يا جماعة لكل الناس اللي ردت
و بالنسبة لرد استاذ بكار المشروع اصلا بتاع جوز اختي و المستشفي لسه تحت الانشاء و انا ماسك فيها حاليا محاسبة و مشتريات و كمان اشراف علي مقاولين وعمال و مراجعة و كده يعني الحمد لله ماسك فيها حاجات كتير فاعتقد ده لما هانبدأ نشغل المستشفي هابقي عندي فكرة عن كل صغيرة و كبيرة اتعملت في المستشفي فا ان شاء الله كده كده هابقي موجود في الادارة بس انا عايز اطور نفسي و ادرس كورسات عشان ابقي استاهل المكان اللي هاكون فيه ان شاء الله ولا ايه رأيكوا ؟
المشكلة ان بتاع جامعة حلوان ده لازم فيه حضور تقريبا نسبة 75 % و ده صعب بالنسبالي عشان الشغل و كده
فهل في حاجة غيره هو وبتاع الجامعة الامريكية او بمعني اصح انا عايز مكان يكون كويس بس مش شرط يكون مشهور و ممكن مع الوقت باذن الله ابدأ في mba بس انا عايز حاجات ابدأ بيها دلوقت تكون معقولة برده
مافيش حد عنده اي معلومات جديده ؟؟
السلام عليكم
توجد هذه الدراسة في الاكاديمية العربية للعلوم و التكنولوجيا ( الاكاديمية البحرية ) مساكن شيراتون
و بالتوفيق ان شاء الله
بوص يا باشا بعد بحث وتقصى وتعب ولف ودوران... أنا طبيب وفررت أتخصص فى الطب الاداراى فعلا وفى موضوع المستشفيات ده فى نوعين من الدراسة يا اما كورسات مكثفة بس مش هتعطيك درجة الاخصائى لأن الدراسة بيها اعتقد أربع شهور بس هتعلى السى فى بتاعك وفى نفس الوقت أقل تكلفة...يا اما دراسة سنة كاملة على الأقل ودى بتعتبر دبلومة يعنى تعطيك لقب الاخصائى عشان هى دى قواعد المجلس الأعلى للجامعات وهو ده الفرق بين كورس وبين دبلومة...بالنسبة ليا بدأت بحاجة اسمها الجودة الشاملة فى مجال الرعاية الصحية tqmh ودى هبتديها ان شاء الله فى الجامعة الأمريكية لمدة عام تكلفتها 16 ألف ونص على 3 أقساط -سبحان الله كانت تكلفتها 9ألاف فقط-...وأيضا يوجد ادارة المستشفيات ودى لمدة سنة و3 شهور وتكلفتها 25 ألف جنيه على 4أقساط بس طبعا لما اخلص اللى أنا فيها الأول هيدونى ساعتها خصم 10% واختصار جزء من المنهج المقرر... الجميع بيشتركم ان فى يوم حضور فى الأسبوع لمدة 4 ساعات ونصف... أما بالنسبة لكونك غير طبيب بصراحة مش متأكد اذا كان مقبول ولا لاء وده بالنسبة للجامعة الأمريكية...بس اللى متأكد منه ان كلية التجارة فى عين شمس بتعملها لخريج أى كلية لمدة سنتين والتسجيل فيها من شهر 9 وكان معايا فى الشغل خريج معهد عملها وأصبح أخصائى بيها...ويستحسن انك تسأل فى كلية التجارة برده...وعلى فكرة بالنسبة لأى دراسات عليا فى الجامعة الأمريكية بيشترطوا اجتياز اختبار انجليزى خاص بيهم ورسومه 115 جنيه بيتعمل السبت من كل أسبوع ...أرجو انى أكون أفدتكاقتباس:
المشاركة الأصلية كتبت بواسطة mr_shims_49
متشكر جدا لردكاقتباس:
المشاركة الأصلية كتبت بواسطة samyyousef
انا متشكر جدا جدا لرد حضرتك انت افدتني جدا بالمعلومات دي بس معلش هاتقل عليك شويةاقتباس:
المشاركة الأصلية كتبت بواسطة dr_asaos
لو انا مثلا عايز ابدأ دلوقت بالكورسات المكثفة دي بس و اخلي موضوع الدبلومة بعدين ايه هي الاماكن اللي فيها الكورسات دي و ياريت لو حاجة قريبة من اكتوبر او المهندسين او الدقي او العجوزة
تمام بوص يا باشا المركز الوحيد اللى أعرفه هو مركز اسمه أكتيف 34 عمارات العبور شارع صلاح سالم أمام كوبرى الفنجرى وللتواصل معاه على التليفوناقتباس:
المشاركة الأصلية كتبت بواسطة mr_shims_49
Tel : 02 2 26 28 755
Mob : 019 052 1001
وبعتلك معلومات تانية عنه كمان على الخاص عشان فيه لينكات وربنا يوفقك