الزجاج الخلفى و توكيل كيا فى العامريه
الموضوع ببساطه انى لسه جايب سيراتو كوبيه 2011 وكيل من حوالى اسبوعيين
العربيه لسه ممشيتش 700 ك المهم كنت رايح التوكيل فى العامريه عشان اشيك على الزوايا وفجاه
بوووووووم الزجاج الخلفى فرقع لوحده كده من غير اى سبب قولت ماشى ادينى رايح التوكيل و
حاغيرو بالمره فى الضمان المهم وصلت التوكيل وكانت المفاجاه الكبرى ...
المهندس(محمد جلال) مدير الصيانه صعقنى بان الزجاج مش فى الضمان .
المهم قولت اعمل هوليله كده شويه يمكن يرتجعوا:36_2_33:
لكن مفيش فايده المهندس الى اسمه (محمد جلال) ده طلع بجد راجل جدا ووقف جنبى للاخر
المهم محمد جلال اقترح عليا انه يصور العربيه و يبعتها لاداره الضمان بالقاهره بابو رواش
قولت ماشى المهم بعتوا الصور على الميل بتاع eit طبعا الرد جاء بعد ساعتين بالرفض:flower4u:
المهم المهندس(محمد جلال) اقترح عليا انى اتصل بالكول ينتر بتاعهم و اسجل شكوى عند مدير
الصيانه بكل الفروع
المهم اتصلت ب 19542 وكلمت مدير الصيانه اسمه مش فاكره بصراحه المهم الراجل ملاوع
بطريقه فظيعه و مش عايز يدينى فرصه حتى اتكلم... فين و فين بعد 28 دقيقه من الشد و الجذب
الراجل عشان يرضينى قالى حاعملك خصم من المصنعيه و من ثمن الزجاج
المهم قفلت معاه و رحت مكلم التوكيل و عرفت التخفيض
الزجاج سعره قبل التخفيض1250
مصنعيه 250 (يا اولاد المفتريه) + 250 ثمن السيليكون الالمانى (كان خلاص الكورى بقى وحش)
300 ثمن الفريم( frame) الى مكانه بين الزجاج و الصاج
اذن التوتال 2050
بعد التخفيض دفعت 1600
المهم العربيه باتت فى التوكيل يوم
المهم بعد يوم استلمت العربيه و المهندس(نظرا لاقتناعه بانى ماليش ذنب فى كسر الزجاج ) وعدنى
ان كل صيانه حايحاول يعملى تخفيض بحيث على المدى الطويل ابقى واخد الزجاج ببلاش
المهم الخلاصه ان توكيل كيا هو توكيل محترم كافراد (مهندسين و فنيين) لكن الكول سنتر بتاعهم
مش على نفس القدر من التفاهم (حسيت انهم حافظين مش فاهمين):36_2_33:
