حاجة قلقانى بقالها فترة وعاوز نصحيتكم انا لما بمشى مشوار طويل بحس بدفا عند الدواسات كده تحت يعنى مش سخونية بس دفا كده هلى ده طبيعى ولا فيه حاجة فى عزل العربية العربية شارك 2009
عرض للطباعة
حاجة قلقانى بقالها فترة وعاوز نصحيتكم انا لما بمشى مشوار طويل بحس بدفا عند الدواسات كده تحت يعنى مش سخونية بس دفا كده هلى ده طبيعى ولا فيه حاجة فى عزل العربية العربية شارك 2009
فعلا ده حل الموضوع انك تشغل مفتاح هواء داخلى لان حتى لو المروحه مش شغاله الهواء الساخن بتاع الموتور بيدخل على هوايات العربيه وعلشان الحو برد بتحس بيه جامد لكن المشكله مش دلوقتى المشكله فى الصيف لان للاسف العربيه تكاد تكون بدون عزل خالص لا فى الكبوت ولا فى صدر الحوض والدنيا واقفه بس على اللباد والموكيت الداخلى -ده ان كان فى لباد من الاصل
للاسف قبل العربيه دى كنت متخيل ان اليابانى لا يعلى عليه لقيت مفيش فرق بينه وبين الكورى والماليزى بل والصينى والناس دى عايشه بنظام الصيت ولا الغنى ولو فى فروق فى العمر الافتراضى للمكونات فالفروق ليست بدرجة فرق السعر
يعنى الالمانى غالى بس تجيب قطعة الغيار وتنساها عشره خمستاشر سنه ولما قريت على المنتدى هنا الناس بتغير علبة الدركسيون والعفشه على كام كيلو وبتغير مساعدين على كام كيلو قلت فى عقلى ده اللادا كانت نعمه عدت ال86 الف ومغيرتش غير مساعد فى الاول عيب صناعه وجوز قبل ما ابيع علشان اتنوا فى حادثة وكانت حادثة موت بس ربنا ستير والعربيه اصيله
ربنا يعينا ويرزقنا ان نركب عربيه من صنع ايدينا بدل ما نلف على بلاد الله نجرب بضاعتهم ومعندناش بدائل وبنجيب الحاجه بضعف تمنها او اكتر
متقلقش يا احمد باشا السخونه دى طبيعى وكنت فاكر ان اصحاب الهاى لاين مش حاسين بيها زىى طلع الحال من بعده -طب اخبار عزل الصوت ايه لانى حاسس انى راكب عربيه سباق وصوت الكوتش على الاسفلت زى الطياره على الرن واى وطبعا مش هقولك على السحب حاسس انى كل لما اجى اسرع شويه لازم اعمل كيك طاوت لاخر الدواسه علشان الار بى ام يبدأ يعلى والاقيه مره واحده جاب 5000 وبدأت تجرى والبنزين اتشرب والمؤشر وقع لتحت
بصراحه زهقت من العربيه وهيا لسه جديده ومش عارف افرح بيها وده مخلينى وقفت اى تفكير فى التوضيب يا دوب الستائر والفرش الجلد وخلاص
والتوكيل فى صيانة الالف قالوا العربيه تمام
اكيد العربيه تمام والعيب فى صاحبها مش عارف يخليها تسمع الكلام وتمشى وتبطل طفاسه فى البنزين
انا خايف اروح افول لان المؤشر نزل عن النص وعملت 255 كيلو يعنى بالتأكيد مش هتعدى 190 كيلو/صفيحه يعنى ولا النيسان ال1600
بص ياياشا هو عزلها مش اوى بصراحه يعنى عزل المازدا والكورولا احسن بس انا بشغل الكاسيت ومش بعليه كمان ومبسمعش اى حاجة عيش حياتك اصل مفيش حاجة كاملة المكال لله وحده العربية ماشاء الله جميلة وصدقنى احسن من اى كورى ومعمرة وقطع غيارها معمرة فيع معانا هنا عضور بيعمل الصيانات الدورية بس وكان عامل 250000 الف كبلو او اكتر تقريبا وكل اليابانى كده صدقنى اللى راكبين كورى بيشتمه فيه منظر بس العربية اللى معاك دى ياباشا عيبها بس عزلها مش اوى وصوت موتورها عالى شوية بس انا بحبه بصراحه صوته جميل اى حاجة تانية فيها تمام ماشاء الله استهلاك البنزين ده غريب شوية بس انت ممكن عشان لسه جديدة وبص غير زيت ليكوى مولى او كاسترول ايدج وفتحتلها كده على طريق سريع طلعه حلوة العربية علفكرة مش بطه بتجرى وكل حاجة
بالنسبة للزرار بتاع الهوا من داخل العربية انا مشغله علطول ياجماعه انا بحس بدفا تحت رجلى فى الدواسة طيب حد بيحس كده ياجماعه ولا انا بس اللى شكلى كده ههههههه
بيع العربيه احسنلك طالما حضرتك كارها كده
بالنسبه للسخونه انا عمرى ما حسيت بيها الصراحه حتى فى مشوار الغردقه ال 450 كيلو
بالنسبه لصوت الموتور العالى استخدم زيت liqui moly والصوت حيهدى معاك شويه
الجنط الدانلوب 16 كويس وصوته مش عالى انا مش عارف نوع الكاوتش عند حضرتك ايه ؟
وغير عند 50 الف لنوع تانى اغلى وانضف وريح دماغك
متزعلش منى انت بتعيب على سحب العربيه وتنك البنزين مكتوب عليه 95 او اكتر
يعنى اساسا 92 مينفعش !!!
بصراحه مقدرش على 95 وكتير جدا من الاخوة على الموقع بيستعملوا 92 من غير مشاكل وبرده قريت ان الاستهلاك بيزيد بزيادة رقم الاوكتين وده مقابل السحب العالى وكده بعنى الاستهلاك هيبوط اكتر
وتسلم يا باشا على النصيحه وفعلا بقكر قى ليكوى مولى فى التغيير الجاى باذن الله
واضح كدا ان ميتسوبيشي مش كويسة في العزل
يامروان باشا ازيك الاول انا فى موضوع السخونة ده ملقتش سخونة بقول دفا بس بحس بدفا كده هل ده طبيعى لكن انا بعشق العربية دى وركوبتها غير اى ركوبة تانية عربية رااااااااااااائعة بجد