الموضوع: ازاي ابلغ عن شركة شحن ؟؟ هام

السلام عليكم
انا كنت عامل طلب في موقع bodybuilding والكلام ده بقاله اكتر من تلات اشهر ولسة مفيش حاجة وصلتلي ولما بكلم شركة bodybuilding بيقولولي ان الشحنة لسة في الجمارك
وشركة الشحن اللي بتشحن اسمها dhl global mail
ده موقعهم
http://us.dhlglobalmail.com
ملحوظة هي مختلفة عن شركات ال Dhl اللي هنا وملهاش مكتب هنا ولما بتبعت حاجة لمصر بتبعتها على البريد المصري, بس للاسف لما كلمت البريد المصري ما فادونيش لانهم عايزين رقم تراك خاص بيهم والرقم اللي معايا خاص بال دي اتش ال لسة متعملوش ابد ديت
فانا معايا الدليل ان الحاجة لسة موصلتش عشان رقم التراك على موقعهم
المهم دلوقتي انا عاوز اروح ابلغ عنهم انا ساكن في القاهرة فاروح فين عشان ابلغ عنهم وممكن ده يجيب نتيجة
وشكرا

المشاركة الأصلية كتبت بواسطة fepsceasar

ممكن تكون الشركة اللى اشتريت منها هى اللى مش تمام وبالتالى شركة الشحن بتاعتهم
أو ممكن تكون المشكلة من البريد المصري والشحنة تايهة اسال الاول فى البريد قبل ما تشتكي شوف المكتب الرئيسي في منطقتك وروح بنفسك بلاش بالتليفون

شركة بودي بيلدينج وشركة الشحن ديه يعتبر شركتيين عالميتين موثوق منهم 100 في ال100 بس طبعا معرض ان يحصل خطأ من ناحيتهم وممكن يلبسوه فيا لو انا مبلغتش, والشحن عموما بيربطه اتفاقيات دولية يعني انا ليا حق عندهم ومثبت كمان شركة البودي بيلدنج لما مبراسلها بالايميل مأنكروش هما كل كلامهم انها لسة في الجمارك وعارفيين انها لسة موصلتليش
انا فعلا روحت البريد المصري من حوالي اسبوعين بس هما مش بيتعرفوا غير على رقم التراك الخاص بيهم يعني المفروض شركة dhl global mail بتدي الحاجة للبريد المصري لانها ملهاش مكتب هنا ولما بتديهم حاجة البريد المصري بيعملي رقم تراك خاص بيا لكن الحاجة ديه لسة موصلتش للبريد المصري
فانا المفروض دلوقتي اني اعملى شكوى او تبليغ في شركة الشحن ديه
مش عارف اعمله فين؟؟؟