مشروع جميل
و اعرف شركة كدة
عرض للطباعة
مشروع جميل
و اعرف شركة كدة
افضل لف علي الصيدليات لحد ميعرفوك
انا بفكر فى نفس المشروع ده مش مش لاقى الوقت و لا الخبرة و هو ده الى مخلينى متردد
ربنا يوفقك لما فيه الخير - بس مش بهتتك ... دا مجرد سؤال بجد ! هو المكسب 2% ، 3% - دا يعتبر مكسب :O_stupid[1]:- يبقى على كدة أنا مش ممكن أكون صاحبة مشروع ناجح - لأني لما بعمل دراسة جدوى لأي مشروع بيكون أملي إن المكسب بعد إجمالي المصاريف على الأقل 50% مع ثبات رأس المال - لكن 2% أعتقد أنه قليل جداً - والله أعلم .
الموضوع بيعتمد على عدد أيام دورة رأس المال
ممكن تكسبي في القطعة 1% لكن تبيعي كميات كبيرة اضعاف المبلغ المستثمر سنويا وآخر العام تلاقي نسبة الربح على أصل المبلغ اللي بتستثمريه بتصل ل 200%
وممكن تكسبي في القطعة 70% لكن كمية البيع قليلة ولما تحسبيها آخر العام تلاقي الأرباح على أصل المبلغ المستثمر لا تعدي 5%
السلام عليكم
انا شايف انكم بتبدأو من الجهة العكسية
المفروض العكس
اهم ما في اي مشروع مش هو كيفية الانتاج .... دي بسيطة
المهم هو كيفية التسويق والتحصيل
انا رأيي ابدأو من التسويق والتحصيل
ايه السلعة او الخدمة اللي مش محتاجة تسويق كتير وتحصيلها مضمون وسريع .... وبعدين شوفو طريقة انتاجها ازاي
وبعد ما الموضوع يبقى مكتمل ...... نشوف بقى حكاية الاجراءات والشكل القانوني والتراخيص ... الخ
...
الكلام ده قد يبدو انه عكس الاسلوب العلمي
لكن للاسف ده انسب طريقة للدخول في السوق المصري الذي يتميز بأنه ملهوش مثيل ف العالم
بالتوفيق
المشروع الجديد ... revenge of pharma
الجزء التاني
=============================================
فكرة لمشروع جديد جدي
شركة الدلتا للسكر .. مصنع إنتاج سكر
بتبيع سكر بالشكاير .. وبالكيلوو مغلف جاهز
لها منتجان
الشكل الأول
=======
سكر وزن واحد كيلو .. سكر أبيض درجة ب .. تاني أفضل درجة بعد التصدير
سكرأبيض مبلور ... نااااااااعم أبيض
شكل الكيس بتاع الشركة محترم بشكل مبالغ فيه .. وعليه ختم الأيزو
نفس مستوى جودة عبوة سكر (الأسرة).. لكن يفرق عنه إنه سكر بنجر عالي النقاء
سكر ( الأسرة) مش بيحلي أساسا والكل جربه
المهم
الشكل التاني
=======
عبوة واحدة كيلو سكر مكعبات .. له نفس خواص السكر السابق مع فرق إنه مكعبات
كنت النهاردة ف القاهرة
وعديت على المركز الرئيسي بتاع الشركة
وجبت منهم شوية على أد إنهم يكونوا عينات
لو عرفت أبيع كيس السكر بالجملة بـــ 5.25 ج
ولو عرفت أبيع سكر المكعبات بالجملة بــ 5.75 ج
هيبقا مشروع العمر
معايا زميلي وصاحبي ف الموضوع
بكره
صاحبي هينزل محلات الجملة .. يعرف محلات الجملة بتبيعه بكام للمحلات العادية
.
والله المستعان
حسام باشا
انا هبدأ بالأسهل .. لو مشيت
يبقا هزود هامش ربحي عن طريق التعبئة من الشكاير الكبيرة لو لقيت سعرها أقل بكتير
دلوقتي
الشركة دي ............. الشركة دي أنا كنت عايش هناك ووالدي كان شغال هناك لــ 30 سنة
كل الموظفين هناك اصحابي
بمعنى
انا ممكن كمان اوفر تكاليف النقل .. والشركة تجيبهولي لحد الزقازيق في عربيات الشركة
وربنا يسهل