السلام عليكم
يا رجالة عايز أرقام تليفونات الشركة الهندسية في الأسكندرية
و ياريت العنوان بالتفصيل
ولو ياريت حد فاضي ممكن يبقي يجي معايا
عشان عايز أتأكد من حاجة في العربية
وروحت لمودرن موتورز بس مش مقتنع بكلامهم فعايز أروح للهندسية
عرض للطباعة
السلام عليكم
يا رجالة عايز أرقام تليفونات الشركة الهندسية في الأسكندرية
و ياريت العنوان بالتفصيل
ولو ياريت حد فاضي ممكن يبقي يجي معايا
عشان عايز أتأكد من حاجة في العربية
وروحت لمودرن موتورز بس مش مقتنع بكلامهم فعايز أروح للهندسية
هل السؤال بخصوص العفشة والاستيكر الي علي بعض الاجزاء
مودرن الحضره ------------------------------------------------------
عنوان اسكندريه الهندسيه
كم 26 طريق الاسكندرية - القاهرة الصحراوى, العامرية, الإسكندرية, مصر
01099925001
03/4700020
alexecc91@gmail.com
--------------------------------------
تحذير ووقف اسبوع لمخالفة قاعدة 12 من قواعد المنتدي باستخدام الفاظ خارجة عن الادب العام
يرجي مراجعه قواعد المنتدي
مشرف م7
12:49
12-1-2012
تم تخفيف العقوبه ليصبح تنبيه بدلا من انذار
يرجي مراعاه اداب الحوار
3.53ص
13/1/2012
م.ع.12
لأ يا atefadel الموضوع عشان الأر بي إم مش متظبط بعد ما غيرت البطارية
شكرا يا elgdawy2007 ما تطلع جدع و تيجي معايا :) وياريت رقم تليفونك علي الخاص لو ينفع
انا جدع والله قوى بس المشكله انى وقتى ملغبط شويه عموما اى استفسار ممكن اجاوبك عليه فى حدود امكانياتى المتواضعه وبخصوص الار بى ام بتاع سيادتكم ممكن يكون فيه مشكله فى ضفيره الكهربا بتاعه السياره بلغهم فى الحجز بتاع الكشف عالسياره ان الضفيره فيها مشكله ومتقولش ان انت روحت توكيل تانى وبلغتهم بكده ومكانش كلامهم مقنع لا فهمهم ان فيه مشكله فى الضفيره بتاعه الكهربا وبعد مغيرت البطاريه حصل كده وياريت انت متكونش حد لعبلك بقى فى الضفيره دى قبل كده بره التوكيل مثلا ركبت انزار او فوج لايت او كشافات او اى شيىء يكون له علاقه بضفيره الكهربا فى السياره وبعدين انا اعرف ان بطاريه السياره الاصليه بتكون 44 امبير عشان فيه ناس بتقول اشترى بطاريه 55 امبير افضل وتكون جافه معرفش دى بقى ممكن تضر السياره او لا عموما انت تقدر تجاوب على الاسئله دى بنفسك وتحدد مشكلتك بالتحديد ايه او ان ممكن يكون فيه مشكله فى شحن الدينامو بتاع السياره وده بيلغبط الار بى ام برضه لو فيه مشكله فى الشحن لا قدر الله واى استفسار انا فى الخدمه ان شاء الله بس اعتقد كتابه رقم موبايلى او اميلى على الموقع هنا غير مصرح بيه من قبل ادراه الموقع ودمتم بخير
إيه يا عم جداوي باشا ..
داخل شمال قوي كده لييه ..
بعد اذن حضرتك بس عايزين نقدنا فالقسم يبقى نقد بناء من غير أي شتيمة ولا حاجة .. عشان الناس كلها تستفاد من غير ميلاقو أي لفظ كده أو كده .. وننقد نقد بناء مفهوش اساءة وخروج عن قواعد الادب
لو حضرتك عايز تستفاد اكتر خوش على الموضوع ده http://www.nilemotors.net/nile/254890-a.html
تحياتي لحضرتك ..........
اكتر حاجه تدايقك عزيزى الفاضل انك تكون شارى شيىء تمنه مش بسيط وتلائى ناس مش بتقدر ده لما تروح ليهم بمشكله خاصه بالشيىء ده ويحاولوا انهم يخدعوك بشتى الطرق وعلى فكره اى انسان بيكون تعبان فى فلوسه ويشوف ناس تانيه بتحاول تسخر منه وتخدعه وتلف وتدور بيه ومتقدملهوش الخدمه المطلوبه بخصوص الشيىء ده اكيد حيكون زعلان جدا جدا وخصوصا ان ده تعب سنين ومش كل يوم حضرتك حتشترى فيه سياره جديده واظن 93000 الف دول مش مبلغ هين فى شراء سياره لذلك انا من خلال اسلوبى اليى مش عاجب حضرتك ده بوجه بيه نداء لكل من يقتنى هذه السياره انه يتوخى الحزر فى التعامل مع توكيل ليس بالمستوى المطلوب بالمره يمثل شركه محترمه كهذه الشركه واظن ان مش عشان فيه ناس من اليابان بيزوروا الموقع ده ان واجب علينا ان احنا نقدم فروض الولاء والطاعه وغض البصر عما يحدث من اناس تسيىء لسمعه توكيل بالكامل مثل هؤلاء وكمان مش عشان نرتقى بالموقع يبقى مش من حقنا ان نوجه ونلفت انظار الكثيرون من الناس الذين تعبوا وكدوا وصابروا وكافحوا من اجل تجميع مبلغ معين لا يتيسر عمله بسهوله لكى يحصلوا على سياره محترمه وتوكيل محترم ايضا لخدمه ما بعد البيع لكى لا يقعوا فريسه مع هؤلاء الاشخاص الذين يسيئون بشكل عام الى شركه محترمه والى ماركه سياره من اقدم واعرق السيارات فى مصر وعموما ان كنت قد خرجت عن اصول اللياقه فى صياغه تعبيرى هذا فذلك كون اننى قد اشتريت السياره وكان بها بعض العيوب البسيطه منذ اول 7 كيلو وبرغم ذلك لم تؤخذ بعين الاعتبار عند زيارتى للتوكيل قبل الالف كيلو وهذا ما جعلنى متأثر جدا بالوضع وكنت فى غايه الحزن والاسف مش اكتر او اقل واخيرا ايها الاخ الكريم لك تحياتى ولكافه اعضاء المنتدى الكرام وكل عام وانتم بخير والسلام
اديك حضرتك أهوه نقضت نقد بناء من غير أي شتيمة ولا حاجة ده اللي احنا عيزينوا ..
عند حضرتك حق تضايق طبعا لما تلاقي مشكلة دي عربية زيرو و من حقك طبعا تنقدهم .. بس يا ريت النقد يكون يليق بقسم محترم عملنا كتييييير قوي و لازم نرفع من شأنه غير كده ممكن أي شتيمة كده ولا كده تضايق البعض .. لان لينا اخوات اعضاء بيدخلوا وبيقرؤا ايضا مشاركتنا فلازم يكون نقدنا نقد بناء بدون الخروج عن قواعد الادب فى الحوار
و كمان إيه موضوع فرض الولاء والطاعة ده .. حضرتك أنا قصدي .. إن من اعجاب اليابانين نفسهم بالقسم و رضاء أعضاؤه بالعربية حتى لو 70% و 30% الباقي اللي زعلانين بينقضوا العربية و توكلهم نقد بناء و جميل .. و كلامنا بيصل لنيسان و كل التوكيلات .. وده لإن الكل بيخدم بعضه و مش بيبخل على حد بمعلومة أو خدمة ..
و حاجة كمان يا باشا .. مفيش داعي للاسف .. احنا كلنا بنغلط .. واللي فعلا غلطان اللي بيعرف غلطه و مش بيغيروا ..
تحياتي لحضرتك يا باشا ونورت القسم و اتمنى إن حضرتك تكون قبلت نصيحتي .. و أنا اسف لو ضايقت حضرتك ...
انا رايح ليهم قريب باذن الله بس مش عشان صيانة
ياريت تكلمني وتقولي امتى حتروح ان شاء الله
و الله منا عارف
انا خايف فعلا يكون المشكلة إنى جبت البطارية 55 أمبير بدال 44 ؟؟؟
ربنا يستر
لا يا غالي البطارية مش حتاثر على الضفيرة هي الضفيرة ساعات كده بتخرف فجاة دون مقدمات
اتوكل على الله وانا ان شاء الله زي ما قلتلك حروح قريب ليهم في موضوع كده
فلو حابب نتقابل باذن الله بس حيكون على اقل تقدير نص الاسبوع القادم او اول الاسبوع اللي بعدو ان شاء الله
اذا محصلش نصيب يبقى اول الاسبوع اللي بعدو لاني مش ضامن ظروفي
الطريق ببساطة تكمل وتخلي كارفور على يمينك وتمشي في طريق مرغم ده وحاول بقا تركز لاني مش فاكر هو قبل منصور ولا بعدو بس انت عموما اول ما تبدا تشوف التوكيلات هدي عشان هم قريبين من بعض
لا يا قمر مفيش مدايقه ولا حاجه بس انا ساعه مكتبت مقالى هذا بخصوص التوكيل المذكور كنت لسه طالع منه ومش عاوز اقولك حالتى كان شكلها ايه لان حتى فى مجال عملى فى صيانه الكمبيوتر الناس بتحبنى جدا والحمد لله لانى بتمتع بضمير حى جدا جدا وده المفترض كمان فى اى شخص بتتعامل معاه انه يكون لديه وازع داخلى بتحمل المسؤليه للشخص الذى قام بشراء سلعه لها ضمان وهذا فى حد زاته عنصر هام جدا للسلعه دى ان القائمين على خدمه ما بعد البيع يكون لديهم ضمير حى يتحرك داخلهم ويقدروا ان من يقتنى هذه السلعه يدفع من المال ليس بالقليل فى سبيل الحصول على هذه السلعه تحديدا دون غيرها من باقى السلع المنافسه وبناء عليه المفترض ان يكون هناك ضمير حى من قبل هؤلاء الافراد القائمين على خدمه ما بعد البيع ثم ان يكون لديهم معلومات تقنيه بخصائص السلعه او المنتج ولكن مع الاسف ما وجدته هناك العكس تماما واصحاب الخبرات الفعليه مع الاسف هجروا التوكيلات وذهبوا لفتح ورش خاصه بهم خارج التوكيل وهذا ما نعانى منه الآن فى بعض توكيلات نيسان بكل اسف وفى الوقت زاته يعكس ويبث روح الاحباط فيمن ترك المنتجات المنافسه العديده واختار منتج معين بزاته لانه يثق فى المنتج جدا ويحبه جدا وله الرغبه فيه ولكن الصدمه الكبرى فى خدمه ما بعد البيع التى يعانى منها الكثيرون امثالنا وهذا ما سبب لى الاحباط المزمن فى هذه اللحظه ونقلته كما هو بدون اى رتوش او تجميل رغما عن ارادتى لانى مع الاسف كنت فى حاله حزن شديد لتدهور القيم والضمائر التى يعانى منها الكثير من الفنيين فى توكيل شركه محترمه مثل شركه نيسان واخيرا صديقى العزيز تقبل تحياتى ونأسف على الاطاله ولنا فى الحديث بقيه وكل عام وانت وسائر افراد المنتدى بخير وسلام تحياتى