كل واحد يكتب جملة مختصرة عن حالته المزاجية لحظة كتابة المشاركة وايه السبب في الحالة دي
عرض للطباعة
كل واحد يكتب جملة مختصرة عن حالته المزاجية لحظة كتابة المشاركة وايه السبب في الحالة دي
نهارك سعيد يا نور :)
"انا كاره نفسي" علشان غلط في حقها وظلمتها وظلمت ناس معايا ... ووصلت لحيطة سد ... ماينفعش معاها الاصلاح
حاله يأس ..لحظه كتابه المشاركه و قبلها و بعدها ..بقالى اكتر من 5 شهور مش قادر استوعب وفاه اخويه الكببير ..ولا قادر استوعب ان انا الى بقيت الكبير ..و مسؤول عن حاجات كتييييييييييييييييييييير ابويه و امى و اخويه الصغير و شغلى و شغل اخويه الله يرحمه ..مش فاهم ازاى كده اصلا ! تركيبه معقده جدا من الاحباط و الياس و الزهق و الخنقه و الضيق ...
نسيت اضيف كمان حاله حيره مستمره ..فى حاجه مش عارف اقولها ولا لا ! بس متعلقه بموضوع اخويه بردو
قلقان جدا عشان بحمل عينة من انتاج المصنع لأول زبون
مضايق عشان متخانق في البيت
زهقان عشان مفلس
مرهق جدا عشان شغال من 8 الصبح و دلوقتي داخلين على 3 الصبح تاني يوم
عندي امل ان الامور تتصلح في البيت و الشغل و البلد
كمان مقصر في حق والدتي و اخواتي و مشفتهمش من فترة بسبب الشغل
تقدري تقولي مشاعر متضاربة متناقضة زي البلد اليومين دول
واحد له فلوس الصبح .. .. وبعدي ربنا يسهل وأعرف أكمله فلوسه لحد بكره
ههههههههههههههههههههههههه هه
حموضة
الجو برد
قلقان .. (فزاع) حالته ماتطمنش ,,, وخصوصا اني دورت ع النت لقيت إن أمراض كتير للخيول تحديدا بتكون قاتلة بدون علاج
مزاجي زفت عشان الوايلدفاير اس مش راضي يطلع أي صوت خالص وأنا لسه شاريه من 10 أيام :(
قلقان السبب حاجات كتير مش عارف هقول أية ولا أية ...... بس الحمد لله على كل حال
قرف و غضب و كسل
الحمد لله
رامي حمولي على الله
الحمد لله ... Sooooo Bad
الريزون ... No Comment
مسورق
حاسس انى ماشى بالقصور الذاتى ومفيش قوه دفع ولا عارف افرمل
الحمد لله - مبسوطة أوي ومودي عالي - علشان نايمة بدري إمبارح فلحقت الفجر إنهاردة وقريت الورد كمان - ولما بقدر أنتظم على دا - بيكون اليوم كله عال العال .
اللهم يا مثبت القلوب ثبت قلوبنا .
نور - أنت مقولتيش مودك أيه ؟ وليه ! :s1[1]:
متنــــــــــــــــــح
مش عارف ليه
مش عايزة اتحرك حتى من مكاني اعمل اي حاجة ماليش نفس خااااااااالص
وفي نفس الوقت عندي مليون حاجة لازم تتعمل :( ومش عارفة من ايه
سقعان جدا :-)
مبسوط و متفائل و مرح و فل الفل .... ده واحد صاحبى قابلته انهاردة ...
انما انا .... بمر بـالاربع فصول فى اليوم .....
فى الصباح : مستعجل ... مهم ..... بجرى .. متوتر
فى الشغل : مرهق .... مصدع ..... سقعان .... مترصد
و انا مروح: متنح .... لا مبالاة .... مدروخ ....بتاوب
اول ما ادخل البيت : مبسوط ... مرح.... جعان... فجعان..
بس كده
قلقان من الامتحان اللي جاي جداً
خصوصاً بعد ما الامتحانين اللي فاتوا جم طوال جداً
و عايز اخلص عشان دي آخر سنه و بقالي كتير في الكليه
و في نفس الوقت زهقان جداً و مش عايز ابص في حاجه
ادعولي انجح السنه دي ارجوكم
مبسوط عشان حاسس ان ربنا راضي عليا
كل ما احاول اعمل الحاجات السيئه اللي كنت بعملها و نفسي ابطلها الاقي نفسي متضايق قوي قوي و مخنوق و تعبان و مش عايز اكمل
اخرها اني تعبت شويه فعرفت قد ايه الواحد ضعيف جداااا و لازم تكون اكتر حاجه شغلاه هي علاقته مع ربه
وكل ما اجي اصلي و اقترب الى الله احس بفرحه حقيقه
ادعولي بالهدايه و الثبات :)
قلقان جدا ومخنوق جدا ودماغي فيها مليون مشكله ومش لاقي حل لاي حاجه منهم (في موضوع مستنيه بقالي 7 سنين انه يحصل وبحاول معاه بكل الطرق )الحمد الله علي كل شئ
يا جماعة بأختصار مفيش حد فى الدنيا دى عايش من غير هموم و مشاكل ....
و كل ما الواحد يخلص من مشكلة يلاقى نفسة دخل فى مشكلة جديدة ....
أحنا عايشين فى دنيا ألم مش بينتهى ....
لكن مهما حصل لازم نقول الحمد للة ....
مبسوط و قلقان شوية عشان داخل علي قرار مهم جداا في حياتي و خايف من النتائحج
ادين الحقنه بسرعه ارجوك محتاج الجرعه
ضرسي بينقح عليا موووووووووووووووووووووووو وووووووووووت من البارح بالليل والمسكن اللي كان بيخليني محسش باي الم لمدة 6 ساعات مش بياثر اكتر من نص ساعه
وعامل زي المبرشم اللي ماخدش البرشامه بتاعته ودماغي زي مايكون فيها مسمار وفي الم فظيع في راسي مش عارف في انهي جزء وحاسس ان هيجلي انهيار عصبي من الألم
مخنوق
حاسس أن الدنيا مش سايعانى من الفرح وبرضو مضايق
لأنى فى أقل من 24 ساعه حصلى حاجتين واحده حلوه قوى وكان نفسى تحصل من 7 سنين والتانيه وحشه أوى وكانت غير متوقعه بالمره
الحمد لله على كل حاجه
انا بدعى ربنا يفكها عليا الشهر مبلحقش اجى يوم 10 والفلوس بتخلص ودلوقتى كمان اكتر وداخل على ايام مايعلم بيها الاربنا وداخل على ظروف جديدة ومصاريف اكتر ومش عارف اجيب فلوس ليها منين ادعولى يفك كربى
الحمد لله راضي و مبسوط
الحمد لله ..
دماغى فيها مليون حاجة و مش عارف اركز فى شغلى الى مرتبة مبيكفنيش اول 10 ايام و بفكر فى مشاريع بقالى ييجى شهر لف و سحلة على اسعار و ايجارات و دراسات جدوى سريعة و هكذا ...........
بس الحمد لله مودى تمام
ربنا يصبرك ويصبر والدته والاسرة كلها
انا بموت بابا اكتشفت ان الحزن على فقدان الاعزاء مش بينتهي بمرور الوقت فما بال لما يكون شاب صغير وتوفى في ظروف مش معروفة للاهل ومشكوك في امرها
حسيت بنفس الاحساس في وفاة بابا لان بناء على كلام اطباء شاكين انه توفى بسبب جرعات عالية من الكيماوي نسببت في تهتك الكبد وطلبوا مني اجيب مايثبت الجرعات دي وقتها عشان نقاضي الدكتور و
آمين يا رب ..
وسبحان الله كان حاسس ..
سايب ورقه فى مكتبه فى الشغل كاتبلى فيها كل تفاصيل اداره الشغل ...
وصانى على حاجات كتير مفهمتش وقتها هو بيقول كده ليه !
خاطب و كاتب كتابه و باقى على فرحه شهرين و حاجز القاعه و كله تمام و فجأه وقف ..كان فى حاجات ناقصاه زى مثلا بدله الفرح ..كل ما اقوله يا احمد انت هتنزل من الجيش قبل الفرح باسبوع ..ما تجيب البدله دلوقت عشان ميبقاش الوقت مزنوق ..يقولى فكك ملهاش لازمه ..الادوات الكهربائيه والدتى قالتله انت مجبتهاش ليه ؟؟ مفيش وقت يا احمد لما تنزل ..قالها يا ماما متشغليش بالك ..ربنا يسهل ان شاء الله ...
ومتفقين انا و هو على ادق ادق تفاصيل الفرح ...
حاجات كتير جدا ...
ان شاء الله حقه هجيبه ..لان لو انا الى مكانه مكانش هيسيب هفوه من حقى مهما كان الى ظلمنى ...
لحد دلوقت مش معايا اى حاجه تثبت ان ليه حق ..لكن قريب هوصل ان شاء الله
ان شاء الله حقه يرجع له ولو مكنش في الدنيا يبقى في الاخرة ربنا ما بيضيعش حق حد
عملت ايه يا خالد فى الامتحان يا رب تكون حليت
لله الحمد
الواحد زهقان و معندوش وقت حتى يزهق :(
مصدعة مع حالة مش عارفة اوصفها بس هي خليط من زهق على قرف
من كتر الزهق و الاكتآب بقى عندي لا مبالاة فظيعة
عندي امتحان بكرة الصبح و مش عارف المادة اسمها اية
ميقتش حاسس بأي جديد و بحاول باي طريقة اجدد ايامي و بردو مش نافع