الموضوع: حد يعرف ميكانيكي يكون فاهم هو بيعمل ايه

عربيتي سيينا 1400 موديل 2004
المشكلة ان العربية كانت بتقطع و هي ماسية و من حوالي خمس شهور بقت بتبطل بعد ما بتدور بثانية او ثانيتين او عشر ثواني في احسن الاحوال !!! عملت عمرة كاملة جبت كومبيوتر استيراد و طرمبة بنزين كاملة جديدة و لسه نفس العطل و كل ما اروح لميكانيكي يقول شوف الكهربائي و كل ما اروح لكهربائي يقولي شوف الميكانيكي .. و التوكيل قالي تعمل عمرة و تغير المباين بــ 14000 !!! مع العلم ان المباين شغالة و ما فيهاش اي حاجة !!! يا ريت يا جماعة اي حد يعرف صنيعي بجد يدلني عليه .. انا سمعت ان السلام فيها صانيعية بجد بس مش عارف حد هناك ..
انا صرفت فلوس كتير و كل ما اروح لاي ورشة لازم الاقي حاجو اتخربت في العربية لحد ما حوض العربية بقى عامل زي ما يكون اتحرق تلات مرات قبل كده غير الحجات اللي بتضيع و الحجات اللي بتتقطع زي فرش العربية حسبي الله و نعم الوكيل فيهم !! اخرهم الكهربائي الي لسه ماشي من عنده من شويه و برضو ما عملش اي حاجة و اداني محاضرة في اد ايه انه بيحترم كل الناس و عمره ما عمل اي لقطة وحشة مع اي حد بل بالعكس تماما اذا العربية ناقص فيها حاجة بيزودها من عنده .. الغريب اني و انا بركن العربية لقيت غطى طرمبة البنزين مش راكب !!! و 6 مسامير بتوع الغطى ضايعين !!!!
الحمد لله .. يا ريت لو حد يعرف صانيعي بجد يقولي لاني حاسس ان المشكلة عندي في حاجة اتفه من ان العباقرة اللي عندي يكتشفوها

يا شباب يعني الف مليون شكر و بجد ربنا يكرمكم على الردود .. انا كنت هروح السلام ادور على اي حد و اسيب العربية عنده .. بس غالبا كده هروح مركز روكسان .. مع الشكر لكل الناس و لكل الاقتراحات .. بس حكاية انهم هينجزو و مش هيجربو دي اثرت في جدا .. بس انا مش عارف المكان بالظبط و مش لاقي البنزينة دي على جوجل ارث .. مركز روكسان مالوش اي موقع او اعلان على النت او صفحة على الفيس بوك فياريت لو شوية تفاصيل اكتر عن العنوان و رقم التليفون عشان العربية مش شغالة خالص و لازم اقطرها لحد هناك .. و الف مليون شكر يا باشا