أخي العزيز wawoo
بداية حتى لا يتحول الموضوع الي شئ شخصي اعلم انني اخاطبك و أخاطب كل من يتبنى تفكيرك (الوطني)
اعلم يا صديقي ان كل من رد عليك من الأفاضل أصحاب الرأي الراجح هم اخوة لك و شركاء في هذا الوطن السقيم
و هو سقيم .....واقع لا يقبل المناقشة و لا الحماسة و لا الفرضيات
و الوطن ليس كما تعتقد هو أبونا الذي ربانا بل الوطن هو ابن شعبه و هو انعكاس لقوة الشعب و أخلاقه و اصراره و تعبه و شقاه
و لن أضيف كلمة واحدة لتغيير رأيك لسببين :
أولا :انه ماعدش فيه كلام يتقال بعد الدرر اللي طلعت من الأعضاء
ثانيا : انه مايلزمش حد ان حضرتك تغير فكرتك
خليك حب مصر زينا
و غمض عينيك عن بلاويها
و اكتب فيها شعر كل يوم
و اتفاخر بيها (لو عرفت)
و علق امجاد الأجداد الله يرحمهم و يعيد ايامهم على الحيطان
بس اسمع .....اوعى تسيب البلد دي
خليك لحد ما تخلص تعليم (وأبصم بالعشرة انك لم تتجاوز سن التعليم و لسة ماجربتش الحياة الحقيقية)
المهم ....اوعى تسيب مصر لحد اخر دقيقة في عمرك
لأن في ناس ناوية تمشي
مين اللي هايقعد في مصر المحروسة و يسمع ام كلثوم و عبد الحليم و يتفرج على ابو الهول و الهرم ؟؟؟؟؟
الناس اللي بيفكروا زيك كده
حب مصر و عيش فيها
و ماتصلحش حاجة ...لأن كل حاجة تمام
اوعى تصلح حاجة في مصر
و ابقى افتكرني بعد عشر سنين
لأ
تلاته كفاية
سلام