كيا سبورتاج .. هل تستحق ثمنها ؟؟

**hurgada90** · 11-01-2012 05:38 AM

يا جماعة أنا إن شاء الله بفكر أجيب كيا سبورتاج هاي لاين بس بـصراحة أنا مستغلي تمنها عليها .. أنا كان معايا جيتا واخويا اخدها مني .. فـمش عاوز أجيب فانتازيا عشان أحس بتغير .. بس ليه السبورتج الهاي لاين تمنها 210,000 .. يعني تفرق إيه هي مثلا فالأوبشنز عن السيرتوا الهاي لاين ؟؟؟؟؟
ياريت تساعدوني ارجوكم :)

**Hosam_Optrawy** · 11-01-2012 06:27 AM

اولا مينفعش نقارن بين السيراتو والسبورتاج لان دى حاجه ودى حاجه عربيتين مختلفتين تماما

لو عايز تعرف فرق الاوبشنز فالسبورتاج هاى لاين فيها ESP DBC HAC فوانيس LED سقف Panorama كرسى السائق تحكم كهربا ومثبت سرعه وسبويلر وازاز خلفى فيميه وجنوط 17

دى الحاجات اللى هاتلاقيها فى سبورتاج ومش موجوده فى سيراتو

السيراتو هاى لاين ب 135 والسبورتاج ب 210 فرق 75 الف

اما بخصوص تستاهل ولا لأ فبصراحه مقدرش احكم لان مفيش عربيات كتير فى فئتها فنقدر نحكم اذا كان مغالى فى تمنها ولا لأ

مفيش غير نيسان قاشقاى بس مانيوال والمفروض الاوتوماتيك نازله قريب , نشوف هاتنزل بانهى اوبشنز وبعد كدا ممكن نحكم مع ان فى كذا نقطة تفوق لسبورتاج

ولو انت مش محتاج ESP DBC HAC فوانيس LED بلوتوث وفرش جلد وسقف Panorama وكرسى السائق تحكم كهربا وسمارت كى والمرايا الخلفيه , ممكن تجيب الفئه EX ب 186

**محمد بدر** · 11-01-2012 08:38 AM

متابعة

**hurgada90** · 11-01-2012 08:57 AM

المشاركة الأصلية كتبت بواسطة typerr

انا شايف جيتا 2012 او اوكتافيا احسسن

أكيد هم أحسن حضرتك .. بس المشكلة إن أنا أصلا كان معايا جيتا وبغير فـعاوز حاجة جديدة عليَّ عشان أحس إني جبت عربية جديدة .. كمان أنا شاب ويهمني إن شكلها يكون شبابي :) .. فـإيه رأي حضرتك

**hurgada90** · 11-01-2012 09:03 AM

المشاركة الأصلية كتبت بواسطة hosam_optrawy

[size=4][color=navy]اولا مينفعش نقارن بين السيراتو
ولو انت مش محتاج esp dbc hac فوانيس led بلوتوث وفرش جلد وسقف panorama وكرسى السائق تحكم كهربا وسمارت كى والمرايا الخلفيه , ممكن تجيب الفئه ex ب 186

يعني دول تمنهم 75,000 جنيه !!!!

**Hosam_Optrawy** · 11-01-2012 09:16 AM

المشاركة الأصلية كتبت بواسطة hurgada90

شكرا يا فندم ل رد حضرتك .. هو أنا مش قصدي اقارن بين العربيتين .. أنا قصدي فرق el-سعر ده ليه ؟
يعني لو على تمن أوبشنز أهِه اغلبها موجود في السراتو

فرق السعر لانها فئه مختلفه حجم مختلف موتور 140 حصان عفشه 4*4 تعليق خلفى ملتى لينك , كل دا ليه تمنه , طبيعى انها تكون أغلى

زى ما القاشقاى اغلى من التيدا وزى ما ال asx اغلى من اللانسر

فى امريكا مثلا السبورتاج الهاى لاين اغلى من السيراتو الهاى لاين باكتر من 6 الاف دولار ودا مبلغ كبير جدا يدخلك فى فئه تانيه من العربيات

اللى ممكن نتكلم عليها وتتقارن بالسيراتو هى السول مش السبورتاج

**Hosam_Optrawy** · 11-01-2012 09:22 AM

المشاركة الأصلية كتبت بواسطة hurgada90

يعني دول تمنهم 75,000 جنيه !!!!

لا الكماليات دى ( ESP DBC HAC فوانيس LED بلوتوث وفرش جلد وسقف Panorama وكرسى السائق تحكم كهربا وسمارت كى والمرايا الخلفيه ) تمنهم 24 الف الفرق بين الفئه التانيه 186 والهاى لاين 210

والفرق بين البيزك 173 والفئه التانيه 13 الف مقابل الكماليات دى ( جنوط 17 - سنسور نور - مرايات ضم باشارات - شبكه اماميه كروم - أكر الباب كروم - سبويلر - مثبت سرعه - تكييف اوتوماتيك - فرش الابواب جلد )

**محمد بدر** · 11-01-2012 09:27 AM

ما رأيكم فى السوبرتاج شكلا وموضوعا نفسى تقييم حقيقى لهذه السيارة بحيادية وهل هى فعلا سيارة عائلية

-

مشاهدة نتائج الإستطلاع: هل تستحق كيا سبورتج سعرها ؟

الموضوع: كيا سبورتاج .. هل تستحق ثمنها ؟؟

LinkBack

أدوات الموضوع

عرض

-

-

-

المواضيع المتشابهه

سيارة صناعة مصرية لا يتجاوز ثمنها 17 الف ونص

مطلوب سيارة لا يتجاوز ثمنها 75 الف جنيه

العربيات الى متخسرش ثمنها نهائيا

هل تستحق السيراتو الجديده كل هذا الاهتمام وهل تستحق 126 الف ؟

الكلمات الدلالية لهذا الموضوع

المفضلات

المفضلات

ضوابط المشاركة