فانوس الفرنا الامامي. هل يمكن تغير الغطاء البلاستك

**thatha** · 11-01-2012 11:29 AM

الحمدلله على كل حال. انا عملت حادثه. و العربيه الحمدلله سليمه . بس الفانوس الامامي. الغطاء البلاستك اتكسر. الفانوس سليم و تمام بس البلاستك الي بيغطيه اتكسر. هل ينفع اصلحه او اغيرة؟ انا صعبان عليا اغير الفانوس كله عشان البلاستكه دي. هل في حل و لا اغير الفانوس كله . و هوا بكام اصلان؟

**AHMEDCAR** · 11-01-2012 11:36 AM

جيب الوش و ركبه بالكتير 6 شهور او سنه هتلاقيه اصفر و اجرب من جوه

الفانوس الجديد صينى من اول 80 و انت طالع لحد 150

ممكن تنزل الحرفيين تجيب واحد استيراد ب 150 جنيه بس هيكون اصلى

**thatha** · 11-01-2012 11:41 AM

ممم. يعني رايك اجيب مالاخر و اجيب واحد اصلي ب150 و انجز؟

**AHMEDCAR** · 11-01-2012 11:43 AM

بالظبط جيب و احد استيراد بس يكون نظيف

**thatha** · 11-01-2012 11:49 AM

حنزل شارع دمشق جمبي في واحد بيبيع . حاجات فرنا اصلي و اشوف. يالا الحمدلله

**thatha** · 23-01-2012 01:18 PM

انا صلحت الفانوس خلاص. بحل بسيط. انا نزلت لفت على الفانوس. لقيت كله تقليد لغايه 150 le بس الاصلي الي ينزل مع الفرنا مالقتوش غير فالتوكيل. ب 600 جنيه!!!!!!!! طبعا اتسرعت من تمنه. روحت لقيت واحد . ابن حلال بص على الفانوس و قالي. الفانوس كله سليم و الباغه. و البلاستكه المكسوره في الجزء الشفاف.فرح جاب استيكر سفاف. و غطهولي على الحته المكسورة و عده على الطرف نار. اتظبط و لا باين الكسر. غير لما تدقق . و مانع المياه تدخل و مابعملش شبورة و كله. و بقالوا اسبوعين معايا زي الفل! و بغسل العربيه كل يوم