السلام عليكم انا كنت ناوي ان شاء الله اجيب نيسان صني 2012 ياريت تقولولي رايكم فيها ايه واحسن حته اشتريها منها وكمان اماكن الصيانه وياريت اعرف مميزاتها وعيوبها اسف على الاطاله وشكرا ليكم مقدما
عرض للطباعة
السلام عليكم انا كنت ناوي ان شاء الله اجيب نيسان صني 2012 ياريت تقولولي رايكم فيها ايه واحسن حته اشتريها منها وكمان اماكن الصيانه وياريت اعرف مميزاتها وعيوبها اسف على الاطاله وشكرا ليكم مقدما
انا اشتريتها من العالميه للتجاره والتوكيلات احمد مرعى بمصطفى كامل طريق الحريه الاسكندريه اوتوماتيك ex2012 بدون abs عامله 93000 الف جنيه وده توكيل نيسان اما لو حضرتك من القاهره يبقى روح لاوتو سمير ريان وده افضل موزع سيارات فى القاهره غير كده الباقى اسعارهم اغلى من 500 الى 1000 جنيه زياده اماكن الصيانه بعد محضرتك حترخص السياره حتروح للمعرض تانى تستلم منه كتيب الضمان وحيكتبلك فيه رقم اللوحه المعدنيه الخاصه بالسياره وبيانات السياره ايضا وبالنسبه لكتيب الضمان حتلائى فيه اسماء اماكن الصيانه المعتمده لشركه نيسان مصر وارقام تليفونهم وعناوينهم وبالنسبه لموديل 2012 الحمد لله مفيهوش عيوب زى موضوع استهلاك البنزين ده وضيق الكنبه الداخليه من الخلف بس لو حضرتك حتشترى من معرض فيه كذا سياره نيسان اهم شيىء تشيك على ابواب السياره فى الفتح والقفل عشان ساعات بتلائى سيارات فيها بعض الابواب مبتقفلش بسهوله وكمان خليه يجربلك المكيف لمده دقيقه للتأكد انه بيعمل بشكل صحيح كذلك الكاسيت وكمان بص على السياره عشان ساعات بيكون فيها خرابيش وجروح نظرا لتخزين السياره فى اماكن يتواجد بها قطط وما ادراك ما القطط لانها مع الاسف بتقوم بخربشت طلاء السياره عند الوقوف فى اماكن تخزين يوجد بها قطط كما حدث معى ايضا وبالنسبه للون الاسود فى السياره بيكون معرض للاتربه بشكل كبير جدا يعنى محتاج يوميا تنظيف للسياره ويفضل طبعا اللون النبيتى شكله جميل برضه ومش محتاج نظافه بأستمرار ولو السياره يوجد عليها من الخارج استيكر ابيض مغطى السياره بالكامل خليه يشيلهولك وبص من تحت بعد النزع عشان ممكن تكون السياره حدث بها مشكله لا قدر الله اثناء نقلها ومرشوشه خد بالك من الموضوع ده جدا وبالنسبه للترخيص 3 سنوات فى المرور بتعمل 1550 جنيه ثلاث سنوات و1000 مبروك مقدما والسياره حلوه وجميله ان شاء الله واستخير الله قبل كل شيىء وبعدين قرر وبالنسبه لو حضرتك طولك يتعدى 185 سم يبقى تقدر ترفع الدركسيون لفوق لان فيه خاصيه فى السياره تخليك تتحكم فى الدركسيون بسهوله يعنى وكمان خاصيه رفع كرسى السائق لفوق او تنزيله لتحت زى منت عاوز والشنطه الخلفيه واسعه جد وجميله ايضا والسحب ممتاز بس المهم متقرصش على السياره فى السحب وخليها تاخد وضعها فى السرعه براحتها فى الطرق المفتوحه لغايه 120 كم متخافش مفيش مشاكل اول 1600 كيلو لان الموتور متلين جاهز فى الشركه بس اول 1000 كيلو حاول انك متعديش سرعه 100 كم ساعه عشان بس ميكانيزم السياره بيتظبط فى المسافه المذكوره دى وبعد متغير زيت 1000 كيلو بزيت 10000 وفلتر فى التوكيل حتلائى الموتور بقى انعم واستهلاك البنزين بيتحسن معاك وكمان متحاولتش تشغيل المكيف اول 00 كيلو بس بعد كده براحتك بس المهم قبل متطلع من المعرض شغله دقيقه واحده بس للاطمئنان فقط انه شغال اتمنى اكون افدتك وبالتوفيق ان شاء الله
أولا اهلا بيك في قسم نيسان .. القسم نور
لو عايز أحسن حتة تشتري منها .. موثوق فيه .. معملة زي الفل .. هيقولك على كل حاجة في العربية .. يبقى أوتوا اجيبت .. ناس محترمة جدا فوق مما تتخيل .. حصتهم من عربيات نيسان 50% و ديه طبعا نسبة كبيرة جدا .. وده من مجهودهم المتميز ..........
أماكن صيانة نيسان و اسعار الصيانة و قطع الغيار اقرا الموضوع ده http://www.nilemotors.net/Nile/155080-a.html
و زود عليهم مركز صيانة أوتوا اجيبت ده احسن واحد دلوقتي ....
بص يا باشا .. من مميزات العربية اللي الناس كلها عارفاها .. سعر العربية .. مديك عربية كل مكوناتها ياباني .. موتور ما شاء الله وحش .. فتيس جميل جدا .. تكيف روعة .. عفشة خدمة شاقة تستحمل أي حاجة .. ثبات خرافي .. تكيف تحفة .. فرامل بقى ماظنش في عربية زيها في الموضوع ده قوية اويييييييييي .. كل حاجة إنت عيزها إن شاء الله هتلاقيها في العربية ديه .. استهلاك البنزين جميل مش وحش خالص كل على حسب رجلك و ده موضوع عمله دكتور يوسف عوض درع من دروع المنتدى على استهلاك البنزين بصراحة غلب كل المقاييس http://www.nilemotors.net/Nile/265021-a.html
عيبها بقى ضيق الكنبة الخلفية ممكن متشلش ناس كبيرة الحجم قوي .. تشيل 5 متوسطين الحجم .. و ده عيب يعتبر شخصي .. يختلف من شخص للتاني ..
و ده فهرس موجود كل حاجة إنت عيزه على العربية من ا إلى ي
http://www.nilemotors.net/Nile/163656-a.html
شكرا ليكم جميعا وشكرا لزوقكم وانا عاجز عن الشكر
احسنت الاختيار يافندم ..
لأن الصنى عن تجربة سنة ونصف وقطع مسافة 60.000 كم داخل وخارج المدينة عربية تستاهل كل جنيه اتدفع فيها وشاملة لكل ما تحتاجه فى عربية عائلية متوسطة بسعر من 90-100 الف ج ومميزاتها من قوة محرك وتكييف وعفشة تستحمل الطرق المصرية ومساحة تحميل ضخمة وغيرها بتطغى على عيوبها الفردية والمتغيرة باختلاف وجهة نظر مالكيها ومنها على سبيل المثال الشكل الكلاسيكى - الكنبة الضيقة - استهلاك الوقود (اشاعة مغرضة لا اساس لها من الصحة) - قطع غيار غالية وغيرها
انا معايا من سنة ونص وتمام ربنا يحفظها
مفيش كلام يتقال بعد كدا
شكرا ليكم يا جماعه كلكم
أنا لسى شاري نيسان صني 2012 ex من 20 يوم من عند أوتو سمير ولسه عامل صيانة الألف عند أوتو إجيبت أبو رواش, بصراحة ممتازة ما شاء الله وأدائها رائع و التقفيل ممتاز و بصراحة توكيل و خدمة بعد البيع ممتازه
انا كنت عايز اعرف سعر الاوتوماتيك بالabs , ebd
وهل حد عنده فكره عن ان الشكل الجديد حينزل امتي السنه دي وهل ستكون فيه زيادة في الاسعار ...وشكرا
سعر الاوتو من غير ابى اس 94 او 93
سعرها بال اى بى اس 97
سعر السوبر صالون 104
اما عن الشكل الجديد بيقولو هينزل فى معرض اوتو ماك اللى جاى وعلى فكره هتبقى تقفيل صينى زى الليفينا لان الاتجاه دلوقتى للتقفيل خارج البلد
والمصنع على ما يعدل خطوط انتاجه للشكل الجديد قول كمان سنه
غير ان كمان شكل جديد بقطع غيار جديده بحوارات جديده ومشاكل جديده
كل اللى عاوز اقوله ان الصنى دلوقتى عربيه حلوه على سعرها وعيوبها عرفناها واظن انها اتظبطت فى 2012 الى حد ما
وعاوز اقول حاجه تقريبا كل ما العربيات بتبقى حديثه مشاكلها بتزيد محدش ملااحظ كده معايا
اتكل على الله واستخير وهااات الصنى وهات اللون الفيرانى الغامق اللى بيسمو باذنجانى تحفه اوى
انا بجد مش عارف اقول ايه للمنتدى هنا وبخاصة قسم النيسان ...انا بقالى فترة فى حيرة لانى عاوز اشترى عربية واستقريت بفضل الله على نيسان صنى وده بفضل ربنا ثم المنتدى...شرح وافى لكافة المميزات والعيوب ومراكز الخدمة بجد حقيقى شغل جميل ويستاهل التقدير....,
أختيار موفق و نقلا عن وكيل السويس و الاسماعيليه الطلب على الصنى فى ازدياد مستمر فى الفترة الاخيره سياره تستاهل كل قرش دفع فيها و مبروك مقدما
ولسه كمان بعد اعلان النهاردة فى ملحق السيارات فى الاهرام بالتقسيط المباشر بفايدة 6.9% و900ج قسط شهرى :nemoflow:
ده شرف لينا ووسام على صدورنا جميعا ان نكون السبب فى اختيارك للصنى ويارب نكون فعلا عند حسن ظنك والف مليون مبروك يا دكتور على اختيارك الصائب :verygood:
طب سؤال هوا سعر صنى 2012 يختلف عن سعر 2011 علشان انا سمعت ان 2012 بتبدأ من اول 111 الف !!!!........... وبعدين هى 2012 موجودة فعلا بالاسواق فى مصر ولا لسه هتنزل ؟؟؟؟ ومعلش للاطالة
ده شرف لينا ووسام على صدورنا جميعا ان نكون السبب فى اختيارك للصنى ويارب نكون فعلا عند حسن ظنك والف مليون مبروك يا دكتور على اختيارك الصائب :verygood:[/QUOTE]
شكرا يا y2y1500 على ذؤقك
وياريت صور لل صنى 2012 اصلى متلخبط جدا
صني 2012 نفس شكل 2011 السعر 96 ألف (اوتو abs) + الهدايا
ان شاء الله ناوى اشترى صنى 2012 لكن عايز اعرف ايه حكاية الشكل الجديد ده اللى فى الصورة المرفقة .. حد يعرف سعرها وتباع فين
وشكرا مقدما
انا زى حالاتك كده ناوى اشترى صنى 2012 وروحت توكيل السبع هنا فى المنصورة وقالوا ان الشكل الجديد ده مش هينزل مصر وان الصنى هتفضل محافظة على شكلها لكام سنة قدام وان الشكل الجديد ده هيبقى فى اسيا والخليج ولو نزل مصر هيبقى تحت اسم تانى مش صنى يعنى..والله ده اللى سمعته منهم فى السبع ...يعنى شكل الصنى 2012 هوا هوا الشكل القديم و السوبر صالون ب 104 +الهدايا
ايه هيا الهدايا دي وهل بناخدها عند كل موزع
Following
السلام عليكم أنا شوفت النيسان صنى هاى لاين وكان جنبها التيدا السيدان واللفينا بصراحه أنا محتار
التيدا افضل طبعا و بفرق كبير