الموضوع: شوية استفسارات بخصوص لانسر 1600 اوتوماتيك

السلام عليكم ورحمة الله وبركاته
الساده الأفاضل أعضاء قسم ميتسوبيشي الكرام
كنت عايز اعرف شوية حاجات عن عربية لانسر 1600 اوتوماتيك المصري مش الخليجي
هل العربيه دي فتيسها cvt ولا عادي وده بيفرق ايه عن الأوتوماتيك العادي وهل زيته مختلف عن الزيت الأوتوماتيك العادي وانا سمعت ان الزيت ده مش موجود غير في التوكيل هل الكلام ده مظبوط ولا لا وهو المفروض يتغير كل اد ايه
بالنسبه لتيل الفرامل والسيور والمستهلكات هل في حد ثقه نشتري منه حاجات اصليه ولا الأصلي في التوكيل فقط مملاحظة ان اسعار التوكيل اعلى من بره كتير
بالنسبه للصيانه عشان انا بحب العربيه تفضل كل حاجه بحالتها من غير عك صنايعية هل الأفضل التعامل مع التوكيل ولا اشوف ميكانيكي كويس ولا مراكز صيانه معتمده
ياريت لو في حد اتعامل مع حد كويس سواء صنايعي او قطع غيار ناحية الهرم او فيصل يقولي عليه
هل العربية فيها اي عيوب مشهور الواحد يخلي باله منها
هل صحيح العربيه بعد 120 بتيقي ثباتها وحش وصوت الموتور عالي لدرجة الازعاج
سامحوني أسئلتي كتير بس طمعان في كرمكم

السلام عليكم :
اولا الانسر البوما ال1600لحد 2009 كلو بينزل بفتيس cvt ودا فتيس مميز جدا بالنسبة انو اوتوماتيك مفيهوش غيارات بييبقي الفتيس في سير معدني بيتحرك علي بكرة وبيطلع وينزل عليها وطبعا في كمبيوتر بيتحكم في الموضوع دا وهوا فعلا لي زيت معين موجود في التوكيل بس بيتغير كل 40000 كم اما بالنسبة لتيل الفرامل متقلقش في منو انواع واسعار كتير 65ج ل 400 ج بس في نوع متوسط اسمه ريمسا اسباني هوا الافضل (ب 125ج) وعلي فكرة فرامل البوما قوية حتي لو مش abs وبالنسبة لقطع الغيار متوفرة في كل مكان وفي موزعين معتمدين ليها والاسعار كويسة مش غالية وصيانتها مش معقدة دلوقتي كلو بيفهم فيها ودا لانتشارها بس طبعا الافضل انك تتعامل مع مركز صيانه معتمد اما بالنسبة للثبات هوا فعلا ثباتها متوسط بس مش ضعيف يعني مثلا 8/10 وصوت موتورها بيعلي جامد في الكيك داون او السحب (الحرق) بس مش مزعج للدرجة ومش مستمر لانها لما توصل للسرعة بيبدا صوت الموتور يهدي يعني الموضود دا في الحرق بس ودا لانها 1 كامه.......... اتمني اكون افدتك علي قد خبرتي واستني اراء باقي الاعضاء

بص بصراحة كدا انا بحب حاجة اسمها لانسر وبعشقها في الفئات القريبة منها كل حاجة تقريبا متوفرة منها والناس تعرف فيها كتير وادائها عظيم بصراحة وخصوصا ال سي في تي انا غيرت من 2007 لا 2010 من سي في تي لا استربترونيك بس بالنسبة للثبات انا كانت ال 2007 كلاسيك ركبت جنوط 15 بردو مش اكبر وثباتها بالنسبالي ل 190 كان حلو ومش هنساها خدت بيها مرة غرزة 195 عشان كنت مجبر والله مش انا حابب كدا اكيد وال 160 ده كانت بالنسبالي معاها زي ال 90 وكنت سامع زيك انها بعد 130 او 140 مش ثابتة بس لما جبتها مش كدا عشان كدا لما غيرت بردو لانسر 2007 بومة وكان نفسي في الشارك بس الوقت ساعتها بقى ارجو اكون افادتك مطولتش عليك بس وبالتوفيق انشالله

اه بس اللي كان بيضايقني فيها بصراحة العزل بتاعها بس البومة

المشاركة الأصلية كتبت بواسطة nonnos5

تمام كده ياباشا كل اللى انت قولته بس اختلف معاك فى الثبات على الرغم من ان الثبات عملية نسبية يعنى لو هتقارن بشارك الشارك تكسب طبعا بس البومة انا مش بذود عن 160 بس عمرى ماحسيت انها مش ثابتة لحد 160 دى ثابتة جدا

هيا ميزتها انك دايما مسيطر علي العربية لكن من 140 وانتا طالع اي مطب هوا بتنط معاك

المشاركة الأصلية كتبت بواسطة zalabany

شكرا على ردك السريع يا باشا معلش ليا استفسار اخير لو العربية موديل 2007 اوتوماتيك فابريكه بره وجوه تعمل كام تقريبا ماشيه 100 الف
انا بصراحه قريت مشاركات كتير بيشتكوا من الثبات بس انا متخيل ان ثباتها هايكون زي التمبرا بما اني من ملاك التمبرا يعني لحد 150 العربية ثابته وبرده قلقان من موضوع قطع الغيار وان في حاجات لازم تتعمل في التوكيل زي موضوع الزيت انا ما عنديش اي خبره في اللانسر بصراحه وحابب اعرف الدنيا ماشيه ازاي يعني قطع الغيار ايه الأفضل وبالنسبه للصنايعية الواحد يمشي بالبركه ولا يمشي بجول صيانات دوريه
استهلاك البينزين انا سامع انه عالي برده هل الكلام ده مظبوط ولا لا

يا باشا لاشكر علي واجب بالنسبة للسعر تساوي 75000 لو مش محتاجة مصاريف وفابريكة فعلا وبالنسبة للحاجات اللي لازم تتعمل في التوكيل هوا تغيز زيت الفتيس الاوتوماتيك لانو مش موجود غير عندهم وبعدين انا مقولتش ثباتها وحش بس هيا مش بي ام مثلا يعني متوسط ومينزلش لثبات الكوري (الكوري بيعوم وبيبقي صعب السيطرة عليه ) اهم حاجة في الصيانات السيور والفلاتر ودول يفضل تغيرهم لما تشتري العربية علشان تعلاف مواعيد تغييرهم بعد كدا وطبعا تسال المالك عن تغيير زيت الفتيس بس كدا وهيا عربية حلوة مش هتتعبك زي الكوري والحاجات دي