الف مبروك
عرض للطباعة
الف مبروك
الله يبارك فيكم جميعاً
خرجت انهردة بعد الصلاه
و في ملاحظات مبدئية
صوت الكاوتش اهدى بكتير من الكمهو ( انا كان عندي كومهو باور ماكس )
الأحساس على فواصل الكباري و عين القطة اهدى من الكمهو بردو
الفرامل مجربتهاش علشان انا مش بجري قوي
حتى في المهو بردو هو مرتين او تلاتة من ساعة ما جبت العربية الي استخدمت فيهم الفرامل جامد يعني لزقت الدواسة في ارضية العربية لفترات بسيطة ( يعني مطب طلعلي فجأة - عربية وقفت فجأة على الصحراوي كدة يعني )
فمش حقدر احكم على الفرامل
بس فعلاً صوت الكاوتش فارق عن الكمهو بكتيييير
بص يا استاذ اشرف انا كان عندي الكمهو وكنت بعاني في الفرامل جدا من اول ما اشترينا العربيه دي لان الي قبليها كانت abs لان احنا من النوعيه الي بتجري شويه وطلعلنا مطب قبل كده واحنا علي 140 الحج كبس العربيه قعدت تنطط وكنها بتعمل ضغط ومكمله بسرعتهاا وطااااااااااااااايررة وبوم طخ تش كنا عدينا المطب ب 40-50 متر
ومرة تانيه علي 60 قبلها بحوالي 10-15 متر فمهدين عادي واذ فجاه واحد يطلع من نص الطريق ويعدي بعجله كبست عدينا المطب علي 50
ولما غيرت لبردجيستون كبست علي مطب كانت واقفه عليه بالظبط غير كنت في مرة هعمل حدثه وكنتت حاطط البردجيستون ماشي في امان الله 60 باين وكان الطريق اتجاهين وفي تقاطع علي شمالي هوب عربيه طلعت منه في الحارة المقابل وبصصلي علشان عايز يمشي صح مش باصص في وشه وهوة اساسا مخالف مرة واحده القي عربيه في وشي علشان البيه الي مشي غلط روحت انا والاخ شاهين كبسين وهو كسر وانا كسرت و زحفت بس كانت واقفه في مفيش بالظبط عدينا علي المريات لو كنت في الكمهوا كان زماني بدور علي ربع قدماني فا اوعي تسترخص في الفرد خاصه ال 2 الي قدام لان دول 90% من المجهود الفرامل انا حاطط الي قدام بردجيستون gr _90 زي الفلل في الفرامل والطلعه
turnza-gr90
بصراحة كويس جدا وتماسكه محترم اوي اوي اوي
معلش يا استاذ يوكوا سرحت علي التورنزا
وفعلا كاوتش محترم جدااااا
يعنى يا جماعة لو غيرت كوتشين قدام عادى وعايز اجيب بريدجيستون سعر الفردة كام دلوقتى وهل هيبقى فى مشكلة لو اتنين اللى قدام غير اللى ورا
هوا لازم توحد النقشه قدام علشان الميزان والفرامل واوعي تسترخص في كاوتش بالذات قدام اقري تجربتي وانت تعرف
عموما انا كنت شاي الفرده ب 560 جنيه للمقاس 14/185/65 لو انت 13 اكيد ارخص
انا عندي قدام بردجيستون تورنزا gr-90
وورا حاطط فرده كمهو وفرده مارشل وزي الفلل ما فيش اي حاجه بس يستحسن توحدهم برضه
هو البريدجستون ده أنواع
يعنى أن عربيتى أفيو وبفكر بصراحة أغير ال 4 فرد كاوتش وأنا بصراحة داخل جمعية حقبض 2000 جنيه علشان خاطر موضوع الكاوتش
فيا ريت تنصحونى بإيه فى حدود 2000 أو 2500 بالكتير قوى للأربع فرد
وهل لو أن عرضت درجة حتفرق فى العفشة اللى هى أصلا زبالة وناشفة
يعنى كاوتش الأفيو 14 أنا عاوز أجيب 15 بالجنط حيفرق معايا وفى ثبات العربية وحيأثر على العفشة
ولو أنا هاجب بريدجستوان هل فى أنواع منه ولكم جزيل الشكر
انصحك بالبردجيستون التونزا علي واجه الخصوص وعامه ادخل علي اليوتيوب وشوف اكنيات النقشه gr_90 ,td
وفي نقشه برضه بس اقدم شويه gr_80 وشوفها برضه ومديلات كتير والجي ار 90 حته عندي من شهر 7 الي الفات ده ومحترم واقرا الي انا كنت حاكيه فوق
معلومه اتاكد ان اي كاوتش هاتجيبه يبقي التراكشن بتاعه aa مش ac
الافيو مع جنط 15-195-55 او 15-50-195 هتبقى تمام