استفسار .......واستنكار

**mohamed hatem** · 27-05-2008 10:48 AM

نفسي بس اسأل سؤال ولو في حد متخصص في الموضوع ده يفيدنا ....
هو ليه رصف الشوارع دايما بيتأخر للخلف .. لا بيتقدم ولا بيتطور ....
في شوارع في وسط البلد ... في الحواري و الزنقات اللي جوه لسه على الرصف القديم بتاع السبعينات وممكن من قبلها كمان ... ولسه زي الفل ..... وتحس انه فعلا شارع ...

انما دلوقت ما فيش هما يدوبك يحط الزفت من هنا .... واسبوع وتلاقي هبوط ونقر ... ده غير لما بيجي المطر بيتاكل .. وغير المطبات اللي بتتعمل باشكال غريبة واستحالة تلاقي مطب نفس مقاس التاني وطبعا بيدهن ببويه عاديه يعني مايتشافش غير الصبح بس وبتتمسح بعد اسبوع ... مع انه مفروض العكس

طبعا في حتة مشهوره قوي كلكم اكيد شوفتوها وهي نزلة كوبري اكتوبر على طريق النصر ...اول ما تنزل في قدام المنزل هبوط ....مش عايز اقولكم انه ممكن يكون بيتعمل مرتين في السنه ......

انا عارف ان في قلة ضمير ... بس مش معقولة تبقى في كل الشوارع وكل الاحياء ... اكيد في حاجه غلط ... يإما سرقة في المون يإما في حد بيفتي في الخلطة للحكومة .....مش معقول مصر كلها ما فيهاش خبير رصف ....

**محمد عز** · 27-05-2008 10:52 AM

نظام المقاولات العقيم اللى فى مصر اللى بيعتمد على الرشاوى
كل ما هناك ان والمقاول بيسلم للحى او ادراة الطرق بيدفع رشاوى وبيستلموا منه ما اقترفت يداه من اثام فى حق الطريق وحق من يمشي على الطريق
وطبعا بيبقى مهبب الدنيا ومافيش حاجة صح
انها مسالة ضمير ياعزيزى

**Engesso** · 27-05-2008 10:58 AM

وهي الشوارع بس اللي بايظة؟؟ ما كل حاجة**** واللا بلاش لا نتمسك...

**أبو عبدالله** · 27-05-2008 11:01 AM

ملحوطة في محلها فعلا
ان رصف التسعينات انضف مليون مره من رصف دلوقتي

والغريب والعجيب جدا
ان مثلا طريق المنصورة بنها اللي هو بتاع القاهرة
بدأو يشتغلوا فيه
ولما لقيت الجرافات اللي بتشيل طبقة الأسفلت انبصطت جدا لأنهم مش هيحطوا اسفلت فوق اسفلت لأن الموضوع ده بيستفزني جدا
المهم شالو الأسفلت وفضلو كذا شهر على كده
طيب لما انتو مش هتشتغلوا دلوقتي بتشيلوه ليه
المهم

والله ثم والله ثم والله
بعد ما عملو الأسفلت الجديد اقسم بالله تحس انك ماشي على طريق قديم جدا وطالع عينه
والقديم كان انعم منه والله
تحس انهم رموا اسفلت وبتاع الهراس مشى عليه مره واحده وخلاص على كده

يعني مهزلة والله لما يبقى طريق جديد والمنظر بتاعه كده
دا حته من غير ما تمشي عليه لما تبصله تحس انه مموج

وعلى فكره عملوا على طريق المنصورة دمياط برضه كده

هما من الاخر البلد دي خلاص انا بقولها اهه والله بجد خلاص انتهت

**mohamed hatem** · 27-05-2008 11:10 AM

عارفه يا ابو عبدالله الطريق ده ... ده مأساه بمعن الكلمة ....

في طرقه زيه كتير حصل فيها انك تلاقي من كتر النقل كمان بقى في حواري في الطريق زي بتاعت القطار....وتبقى مكلبش في الدريكسيون عشان تظبط العربية ....

ده غير عيون القطة اللي سعات بيحطوها ....ومع الاسف بينسو ويحطو القطة كلها .... وسلملي على كوتش وعفشة حضرتك

**Islam_galal** · 27-05-2008 11:18 AM

اسكندرية بقي حاجة تانيه
مهزلة بكل المقاييس
حفروا البلد و شالو الأسفلت
شهرين علي ما الرصف يبدأ
شهر و يبدأ الحفر عشان مرة كهربا و مرة غاز
طبعا غير الرصفان
فلوس كتيييييير مجهود كبير و اضطرينا نضحي تاني ببهدلة و زحمة و تكسير و النتيجة مش عارف
حسبنا الله و نعم الوكيل

**osama** · 27-05-2008 11:38 AM

كلة بزنس

**MoToRiZeR** · 27-05-2008 01:22 PM

عارف فيه في سيناء نوعين من الطرق .. طرق الاسفلت بتاعها فيه درجة من درجات اللون الأحمر و ده سليم و ناعم و زي الفل .. عارف ده مين اللي عمله ؟! اسرائيل ايام ما كانت محتلة سيناء من 50 سنة ! و الأسفلت لغاية دلوقت مقالش لأ

اما الطرق اللي الأسفلت بتاعها لونه اسود فا دي مصر اللي سفلتتها و تلاقي فيها الأسفلت دايب و متاكل و طالع عينه مع انها اجدد

معقول الإسرائيليين عندهم ضمير اكتر مننا !؟

شوارع القاهرة الكبري الجانبية كلها بلا استثناء رصفها ميعتبرش رصف اصلا و كلها بايظة و حفر و نقر .. بالاضافة الي نسبة كبيرة جدا من الشوارع الرئيسية !

( معظم كوبري 6 اكتوبر و مفصلاته العظيمة - المحور حتي الحتة اللي كمل فيها الشغل فيها حتت باظت- كوبري الزمالك فيه نقر في معظم المنازل بتاعته خاصة منزل الكيت كات متدمر - شارع كورنيش النيل المؤدي للدقي و الجيزة - جامعة الدول ) .. و ممكن نقعد نقول للصبح .. ده كفاية المفصلة المخلوعة في اخر الدائري من ناحية الهرم اللي كل يوم تأخرني بالساعة

**ams** · 27-05-2008 01:48 PM

المشاركة الأصلية كتبت بواسطة dehumanizer

معقول الإسرائيليين عندهم ضمير اكتر مننا !؟

طبعا
بس هو مش ضمير على قد ما هو ادراك لعوامل النجاح و التقدم
"ان الله ينصر الدولة العادلة ولو كانت كافرة"

**Ahmed Selim** · 27-05-2008 01:48 PM

أذكر فيما أذكر أن و أنا فى الثانوية العامة كنت فى دولة قطر الشقيقة
قوووم أييه الراجل الأمير بتاعهم قرر أنه يخلى قطر زى دبى و يشاء الله أنى أروح هناك من سنتين ( يعنى بعد 11 سنة ) وألاقى قطر بقت قريبة جداً من دبى و كمان فى مواقع كان الشغل فيها 24\7

و أنا هناك فى ثانوية قرروا أنهم يرصفو الشارع اللى كنت ساكن فيه ( أتجاهين كل واحد منهم 5 متر وبطول 100 متر أو أكتر حاجة بسيطة ده غير الرصيف الجانبي والوسط و أماكن أنتظار السيارات )

قعدوا يرصفوا فيه شهر بحاله ولحد لما رحت المرة اللى فاتت ( من أد أيه ؟؟؟ من سنتين ) كان الشارع زى ما يكون لسه مرصوف قولت أسأل يمكن يكون أترصف تانى............... لأااااااااااا هو هو الرصف القديم

الموضوع: استفسار .......واستنكار

LinkBack

أدوات الموضوع

عرض

استفسار .......واستنكار - انشر الموضوع فى :

-

-

-

-

-

-

-

المواضيع المتشابهه

استفسار

استفسار هام جدا

استفسار

استفسار لل a4

استفسار

الكلمات الدلالية لهذا الموضوع

المفضلات

المفضلات

ضوابط المشاركة