لك كل الاحترام و انا ممتن انك وصفتنى بالجاهل اللى يستحق زلطةو ليس الكافر
جميل
الاجمل ان دة مستحيل تطبيقة فى مصر كما يريد الاسلامين
لك كل الاحترام و انا ممتن انك وصفتنى بالجاهل اللى يستحق زلطةو ليس الكافر
جميل
الاجمل ان دة مستحيل تطبيقة فى مصر كما يريد الاسلامين
بقينا عايشين في غابة....اي حد مش عاجبه سلوك معين ينزل يغيره بإيده......وهكذا مع الوقت هنلاقي ناس تانية لانها بتختلف في افكار معينة هتنزل تغير ودقي يامزيكا على المصلحين والإصلاح!
ربنا يبارك فيك فى ابوك يا ود أبوك....
بس ايه رأيكم فى الراجل الصعيدى ما فيش تفاهم فى الامور دى....
الأفضل أن تحترم شرع الله وحدوده ومنها رجم الزناة الذى لا يعجبك
ولو عدت لكلامى ما وجدت أى إشارة ليك فى العبارة التى فهمتها بطريقتك الخاصة
بالنسبة لنقطة النهى عن المنكر فليها ضوابط طبعا ومش فوضى لكن لازم تفضل موجودة ولا يتم تجاهل الموضوع كله ونلقى بالمسئولية على ولى الأمر الغافل
منقول:
اقتباس:
وتكمن خطورة التفريط في هذا الواجب ، أن يألف الناس المنكر ، ويزول في قلوبهم بغضه ، ثم ينتشر ويسري فيهم ، وتغرق سفينة المجتمع ، وينهدم صرحها ، وفي ذلك يضرب لنا رسول الله صلى الله عليه وسلم مثلا رائعا يوضح هذه الحقيقة ، فعن النعمان بن بشير رضي الله عنهما أن النبي صلى الله عليه وسلم قال : ( مثل القائم على حدود الله والواقع فيها ، كمثل قوم استهموا على سفينة ، فأصاب بعضهم أعلاها وبعضهم أسفلها ، فكان الذين في أسفلها إذا استقوا من الماء مرّوا على من فوقهم ، فقالوا : لو أنا خرقنا في نصيبنا خرقا ولم نؤذ من فوقنا ، فإن يتركوهم وما أرادوا هلكوا جميعا ، وإن أخذوا على أيديهم نجوا ونجوا جميعا ) رواه البخاري
كنت احب صاحب الموضوع او احد المؤيدين ليه يردوا على المشاركة دي
لان الموضوع لو اتقلب لاحكام شخصية يبقى هانعيش في غابة و هوا دا السبب الاساسي لوجود قوانين و شرطة في اي بلد
كلنا متفقين ان تصرف الولد و البنت دول غلط 100 في 100 لكن مختلفين في طريقة التعامل مع الموقف
خلاصة الكلام اللى أعرفه إن النهى عن المنكر واجب طالما لا يؤدى لمنكر أكبر منه
فمن المفترض ان الواحد فينا هيفكر إزاى يغير المنكر بالوسيلة السليمة اللى متقلبش بمنكر أكبر منه
فلا الموضوع مفتوح عالبحرى للى عايز الدنيا مثالية بالقوة ولا مقفول للى عايزين يسيبوا الموضوع لولى الأمر اللى مش بيطبقه
المشاركة الأصلية كتبت بواسطة donzi http://www.nilemotors.net/Nile/AH/Ni...s/viewpost.gif
http://img215.imageshack.us/img215/1008/quoteuser09.png
http://img684.imageshack.us/img684/5718/quoteuser07.png http://img703.imageshack.us/img703/9681/quote04.png http://img543.imageshack.us/img543/1969/quote03.png
http://img9.imageshack.us/img9/5783/quote01t.png
طيب تعالى نتخيل موقف تاني مثلا
لو اخت حضرتك محجبة و بتلبس بناطيل واسعة و محترمة و عليها بلوزة طويلة مثلا و كله تمام و ماشية في الشارع و شخص ما اكثر التزاما او تشددا او غيرة على دينه _ و دا من وجهة نظره هوا _ شايف ان ماينفعش واحدة مسلمة تلبس حجاب و تلبس بنطلون في نفس الوقت و ان هي كدا بتعيب للاسلام و بتسىء للمسلمات و للزي الاسلامي و قرر انه ياخد موقف و قالها انتي يا بت انتي مش مكسوفة من نفسك انك مسلمة و محجبة تقومي تلبسي بنطلون هوا انتي انتي متعرفيش دينك ولا ايه ....... الخ الخ
تفتكر دا من حقه ؟ و المفروض رد فعل اختك يكون ايه في الموقف دا و هي بتتعرض للاهانة و ليس النصيحة ؟
لإنها بنت مينفعش اخلي راجل يروح ينصحها بطريقة مباشرة المفروض امرأة اللى تنصحها ثاني حاجة البنات ليها حرمة اكثر من الرجال علشان كده اول ما لقيت الموضوع هيتطور خليت البت تمشي قبل ما الناس ما تتلم والكلام في الأصل كان موجه للولد مش البنت..
تعالو نشوف الراي ده في الحرية من غير ضوابط
‫طفلة مصرية بعد ما شافت بنت وولد في امريكا بيبوسو بعض‬‎ - YouTube
معنى الاحترام هو الالتزام دى نقطة
ما دام هناك قانون يحكم بين الناس و لا احد فوق القانون اللى الناس وافقت انها تلتزم بية الا قلة قليلة من الخارجين على القانون وبعض من لا يعجبهم القانون و عايزين يغيروة و بعدين الاغلبية اجمعت على هذا الكلام و هو احترام سيادة القانون وبعدين حضرتك اقراء كويس الموضوع و المشاركات الخاصة بالاعضاء و المشاركتين اللى انا كتبتهم نصهم فيما يلى
يجب على الوالي أن يغير المنكر إذا صدر من الرعيّة ، ويجب مثل ذلك على الأب في أهل بيته ، والمعلم في مدرسته ، والموظف في عمله ، وإذا قصّر أحدٌ في واجبه هذا فإنه مضيّع للأمانة ، ومن ضيّع الأمانة فقد أثم ، ولذلك جاءت نصوص كثيرة تنبّه المؤمنين على وجوب قيامهم بمسؤوليتهم الكاملة تجاه رعيتهم – والتي يدخل فيها إنكار المنكر - ، فقد روى الإمام البخاري و مسلم عن عبد الله بن عمر رضي الله عنهما ، أنه سمع رسول الله صلى الله عليه وسلم يقول : ( كلكم راع ومسؤول عن رعيته ، فالإمام راع وهو مسؤول عن رعيته ، والرجل في أهله راع وهو مسؤول عن رعيته ، والمرأة في بيت زوجها راعية وهي مسؤولة عن رعيتها ، والخادم في مال سيده راع وهو مسؤول عن رعيته ، فكلكم راع وكلكم مسؤول عن رعيّته ) ، بل إن النبي صلى الله عليه وسلم قد بيّن عاقبة الذين يفرطون في هذه الأمانة فقال : ( ما من عبد يسترعيه الله رعية فلم يحطها بنصحه إلا لم يجد رائحة الجنة )
منقول
يعنى كل واحد مسئول فى مكانة و المقصود ب الوالى فى حالتنا هى قوة القانون وسيادتة مش اروح من نفسى اعمل القانون و انفذة
يا سادة فية قانون يمشى على جميع الرقاب و بيكون متوافق علية من خلال القنوات الشرعية
مش احنا اللى هنعمل قوانبن ونفذها بأيدنا فيما معناة عشان الناس اللى بتفهم غلط شوفت اثين فى وضع مخل روح لاى رجل قانون و قلة و فى نفسك ادعلهم ب الهدايا مش اتعدى عليهم بالقول و الفعل عشان خاطر انا كدة بغير المنكر
الطعن رقم 1348 لسنة 45 مكتب فنى 26 صفحة رقم 891
بتاريخ 29-12-1975
الموضوع : فعل فاضح
الموضوع الفرعي : الركن المادى لجريمة الفعل الفاضح
فقرة رقم : 1
لما كانت المادة 278 من قانون العقوبات تنص على أن " كل من فعل علانية فعلاً فاضحاً مخلاً بالحياء ، يعاقب بالحبس مدة لا تزيد على سنة ، أو غرامة لا تتجاوز خمسين جنيهاً " . و كان يبين من هذا النص أن الجريمة لا تقوم إلا بتوافر أركان ثلاثة - " الأول " فعل مادى يخدش فى المرء حياء العين أو الأذن ، سواء وقع الفعل على جسم الغير أو أوقعة الجانى على نفسه . " الثانى " - العلانية ، و لا يشترط لتوافرها أن يشاهد الغير عمل الجانى فعلاً ، بل يكفى أن تكون المشاهدة محتملة . " و الثالث " القصد الجنائى ، و هو تعمد الجانى إتيان الفعل . و لما كانت مداعبة الطاعن لسيدة بالطريق العام و إحتضانه لها من الخلف ، مما أثار شعور المارة حسبما إستظهره الحكم المطعون فيه ، ينطوى فى ذاته على الفعل الفاضح العلنى المنصوص عليه فى المادة 278 من قانون العقوبات لإتيان المتهم علانية فعلاً فاضحاً يخدش الحياء على النحو المتقدم
لطعن رقم 1318 لسنة 46 مجموعة عمر 1ع صفحة رقم 270
بتاريخ 18-04-1929
الموضوع : فعل فاضح
الموضوع الفرعي : الركن المادى لجريمة الفعل الفاضح
فقرة رقم : 1
القانون يعاقب على كل فعل فاضح مخل بالحياء . و تقدير الأفعال التى من هذا القبيل يختلف بإختلاف الأوساط و البيئات و إستعداد أنفس أهليهما و عاطفة الحياء عندهم للتأثر
دة القانون
افتكر محدش هختلف على احترام سلطة القانون و كلام سيدنا ونبينا محمد علية افضل صلاة و سلام
لك تحياتى
المفروض لما نشوف حد بيزنى فى الشارع نبقى نطفى نور الشارع عشان منجرحش مشاعره
ونجبلهم تي في تي (d.v.d) كمان وشمعتين وشوبين ليمونادة ونور النور الاحمر وبعد ميخلصو نتأكد ان مافيش حاجة نغست عليهم
ويا سلام لو ناخد المدام والاولاد ونفرجهم عشان يتعلمو الحرية علي حق ويتعودو علي كده ولا يستعجبون فانها الحرية وعشان يبقو عارفين ازاي يستخدمو حريتهم كويس
والله الذي لا اله الا هو اني اتحرج امشي مع مراتي بهذا المنظر في الشارع
ولا حول ولا قوة الا بالله
ملعون ابو الحرية الي تخدش الحياء
فحريتك تنتهي عندما تنتهك حرية الاخرين
انا رايى يا دكتور احمد اننا نسينا دينا
انا فاكر الشيخ عبدالله الشحات الله يرحمه قال انه خايف يجى يوم يتسال فيه اذا كان ممكن الواحد يتجوز اخته من كتر الاسئلة العايفه اللى بتجيله الراجل جاتله صدمه
مات واستريح قبل مايشوف المصيبه الل لحنا فيها بناقش ازاى واحد شاف عيل مع بنت فى وضع مستفز والنخوه خلته يكلمه والناس مش عاجبها - انا شايف ان فيه خلل فى فهم الاخلاق و العيب عاللى بيخلف و يشتغل عشان يبقى مكنه صرف بدل مايبقى اب
تحيه اجلال وتقدير تانى لكاتب الموضوع ووالده
احنا رايحين في سكة لما واحد يشوف واحد بيزني في الشارع ويبص يتعمله قضية خدش حياء
طيب و لو اللي وجهتلها التوبيخ - و ليس النصيحة - كانت سيدة منتقبة مثلا او حتى سيدة مسلمة و لكن مرتدية عباية و شايفة ان ملابس اختك دي لا تليق بالاسلام و قررت تامرها بالمعروف و تنهيها عن المنكر و وجهتلها كلام بطريقة غاضبة و ناقدة و مش لطيفة لدرجة انها غلطت في اخلاقها و تربيتها !!!
تفتكر دا من حقها ؟
اللي انا عاوزة اوصلهولك ان الاختلاف في الافكار و درجات الالتزام كبير و متفاوت بين الناس و عشان كدا في قانون عام بيحكم الجميع و مش المفروض ان كل واحد مش عاجبه حاجة يقول انا هاغيرها بنفسي و الا هاتتقلب لغابة و انت شخصيا او اي حد من اسرتك هاتتعرضوا لمضايقات و مشاكل لو المبدأ دا تم تطبيقه
أنا معتقدش أن كلامى هيضيف حاجة على الكلام اللى أتقال, لكن هقوله برضه :)
حضرتك أو والد حضرتك عملت نفس التصرف اللى بيخلى الناس تمسك فى بعضها و واللى أدى الى تحول البلد لغابة, طبقت القانون بأيدك ومن وجهة نظرك.
المفروض أننا عايشين فى بلد فيها قانون يطبق على الكل, والمفروض أن فيه شرطة بتطبق القانون على المخالفين, لكن أن حضرتك تتدخل فى موقف بسبب أنه مش متوافق مع أراءك أو توجهاتك أيا كان الموقف, فده هو السبب فى الغابة اللى أحنا عايشين فيها, مع أختفاء الشرطة طبعا.
والد حضرتك اللى فى أيده أنه ينصح الولد والبنت بطريقة غير منفرة, أو يتصل بالشرطة تتعامل معاهم, لكن أنه "يهزأ الولد والبنت" فكان لازم الولد يرد علشان ميبقاش هفأ وبالتالى والد حضرتك هيرد, والموضوع هيكبر, ولو والد حضرتك كان تعدى عليه باليد فالولد كان ممكن يعمل محضر تعدى, أو لو كان صايع وفى منطقته كان ممكن يلم شوية من أصحابه, أو لو كان فاضى كان خد رقم العربية وجاب عنوان حضرتك من أى صلة فى المرور, أو محضر Hit and run وبحر الأذى كبير.
ولو حضرتك شايف أنه خطأ -وهو فعلا خطأ- أن ولد وبنت يمشوا فى الشارع كده, فشخص تانى شايف أنه خطأ أنه ولد وبنت يمشوا مع بعض أصلا, شخص أخر شايف أن البنات المفروض متنزلش من بيتها خالص, وهكذا, وده الغرض من القانون, التطبيق بلا تفرقة على الكل, ومن وجهة نظر واحدة فقط المفروض أنها وجهة نظر المجتمع.
تانى حاجة, لو أفترضنا أنه فى يوم وليلة أنه ظهرت هيئة الأمر والمعروف والنهى عن المنكر فى مصر, ومفيش ولد وبنت بيمشوا فى الشارع مع بعض الا لو أقارب من الدرجة الأولى, هل حضرتك شايف أن ده هيحل المشكلة؟, مش الولد والبنت كل واحد فيهم عنده على الأقل شقة؟, أو عربية؟, كل اللى هيعمله أنه بدل مايمشوا فى الشارع يتكلموا, هيروحوا مكان خاص أو حته فاضيه, والشيطان هيروح معاهم, كذلك الولد والبنت اللى أتهزقوا هيروحوا يتمشوا فى شارع تانى, أو يروحوا مكان هادى, فاللى حضرتك عملته أنك "هشيتهم" من أدامك فقط, لكن قدامهم مصر كلها بشققها وأماكنها الضلمة يعملوا فيها اللى هما عايزينه, وده كان ممكن تجنبه لو والد حضرتك كان نزل وخد الولد على جنب ونصحه بطريقة لينة, وحتى لو والد حضرتك كان هزأه وهو راكب العربية, فلو الولد رد عليه مكانش المفروض الموضوع يكبر لأن والد حضرتك هو البادئ, ولأن الواحد مبيقعدش يتبادل الشتائم مع سواقين الميكروباص أو يكسر عليهم وينزلهم لو حضرتك فاهم قصدى.
وحاجة أخيرة وأرجو أن حضرتك تتقبلها بصدر رحب, أحنا مبنتدخلش غير فى المسائل اللى زى دى, لكن زى ماعضو غيرى قال, لو واحد بيتثبت, ميكروباص متخلف موصل الكلاكس مع نور الفرامل, أثنين بيشربوا بيرة أو بيحششوا أو حتى دى جى شغال للساعة واحدة بالليل, كل ده بنتجاهله لكن نيجى فى المسائل اللى زى دى ونتصرف.
وربنا يهدينا كلنا.
بالكلام اللي انا شايفه بقي نمشي في طلب ايناس الدغيدي بالتقنين
ويتحبس اللي يقطع الخلوه او يضايقهم
بكرر موقفي تاني
تحية اجلال وتقدير لوالدك رغم كل اللي بيهاجموك
ابوك راجل محترم وربنا يكرمكم ان شاء الله بالذرية الصالحة
واتمني لما تشوف موقف زي دا تاني يبقي ليك نفس رده الفعل لان دا الصح
اذا بلا شرطة بلا نيلة بلا قانون بلا رخامة ..... كلة ينزل و يشمر دراعة و يدور على اللى مش عجبة ويمسك فى خناقة ضرب بقى قتل كلة براحتة .... بلا قانون يلا وجع دماغ ... اقلها يا محمد امسكة واطلب الشرطة تتصرف ... غير كدة ممكن بكرة تلاقى واحد يقولك اثبت ان اللى معتك دى أمك
الموضوع ده فكرني بموضوع قدييييييييييييييييم كان كاتبه واحد مش عاجبه ان السيكيوريتي في مول قاله متقفش انت وصاحبتك في الجراج واطلعوا فوق وفيه اعضاء وقتها دخلت قالت له عادي وبيس وناس قالت له من حقك تقعد معاها براحتكم في الجراج لدرجة وصل الامر بواحد قال انه لو اخته واحد بيبوسها ايه المشكلة وات زا بروبليم
بعض المشاركات التي قرأتها لا يقال عنها الا اذا لم تستح فافعل ما شئت
الناس بتغير الكلام ليه وتوديه حته تانيه
اغلب الاراء هنا معترضه على الموقف اللى تم التعامل بيه مع المشكله
واغلبنا عارف اد ايه بيبقى منظرالبنت والوالد بيبقى مستفز
لكن الاعتراض هنا على طريقه حل المشكله يعنى مينفعش نبقى عيشين فى دوله ويحكمها القانون وكل واحد يطبق الصح بطريقته او من وجهه نظره
يعني انا دلوقتي حالا لو شفت منظر كده في الشارع معلمش حاجه واطلب النجده تيجي ؟؟؟
تفتكرو رد الشرطه عليا هيبقي عامل ازاي ؟ ده اذا معملوش فيا بلاغ ازعاج السلطات
انتو بتتكلمو بجد ؟ شرطه ؟ بجد ؟ دلوقتي ؟؟؟
هو انت لو طلبت الشرطه بتاعة الأداب الواد والبنت هيستنوك ؟
وبعدين عايزين يروحو شقه ولا يروحو الجبل يروحو انا مش هلف علي الشقق واشوف فيها ايه لكن في الشارع حقي اني امشي مشوفش مناظر مقرفه واشوف عيال بتغتصب البنات في الشارع والبنات مبسوطه
الواحد بشوف مناظر بجد تقرف وانتو بتقولو شرطه ؟
لا اله الا الله ... هو الموضوع كبر كدة ليه ؟
اعذرونى يا جماعة لكن انتو لو اعدتو قراءة الردود على اصل الموضوع هاتتعجبو من التداخل الرهيب فى الافكار وطرح الامثلة ووصول الموضوع الى درجة حد الرجم فى الزنا
ماعلاقة هذا الكلام بموضوع الاخ محمد
هو يتحدث عن موقف بعينه ولم يذكر سوى موقف واحد انه راى شاب يضع يده على وسط فتاة فى الطريق العام
فى الدول اللى كل واحد ملوش دعوة بالتانى ده بيبقى عادى ومش من حقك تبص فعلا
لكن هنا فى مصر قديما وحديثا قبل صعود التيار الاسلامى وبعد صعوده على الساحة .طول عمرنا بناخد بالنا من بعض وبنراقب تصرفات بعض واحيانا بنوجه بعض وعمرنا ماحسينا ان ده تدخل فى شؤن الغير لاننا مجتمع فيه نوع من الالفة والجدعنة
الموقف بسيط وليس له اى علاقة بالزنا وليس له اى علاقة بواحد متثبت على الطريق عفوا الامثلة بعيدة جدا
ولد وبنت صغيرين وراجل كبير شافهم بيعملو سلوك مش لطيف فى الشارع عادى جدا انه يلفت نظرهم او يعنفهم . طول عمرنا بنشوف كدة وماكناش بنزعل
يعنى تذكر كدة من كام سنة لما الشوارع كانت اهدى من كدة وواحد وواحدة يجوا يقفو تحت شجرة وانت تبص من البلكونة تشوفهم وتتابعم وتلاقى الموقف تطور حبتين ... ساعتها هاتسكت او هاتتصل بالشرطة زى ما البعض بيقول والا بطريقتنا البلدى كدة هانديهم كلمتين فى جنابهم وخلاص؟؟؟
لكنى استعجبت من الاخوة اللى قالو خلاص لما نشوف حد بيزنى فى الشارع نبقى مش عارف نعمل ايه كدة ؟
القياس خاطئ تماما
انا عمرى ماسمعت حد شاف حد بيزنى فى الشارع لكن بنشوف كتير ولاد وبنات ماشيين مع بعض .. يعنى حضرتك بتتكلم على حاجة ضد طبيعة البشرية اصلا لما لهذه العلاقة من خصوصية وبتقيس بيها . ازاى معرفش
عفوا على الاطالة ولكن ماقصدت قوله ان هذا حادث خاص وبدلا من الرد عليه بالايجاب او بالسلب تطرق الموضوع الى نظرة عامة بعيدا عن خصوصية الحدث
تقبلو مرورى
إذا كان هو اللى عايز يطلب الشرطة لينا....المسألة خرجت من حيز القانون الى حيز اقرار الفعل الفاضح تحت اسم الحريات ..وبعدين انا موقفتهوش علشان ماشي مع واحدة لكن علشان الفعلة المشينة اللى هو بيعملها وهو ماشي مش هقدر اوصفها لبشاعتها ....لكن طول اليوم الواحد بيشوف بنات وولاد ماشيين مع بعض .
التوبيخ مرفوض النصيحة لازم تكون علي قدر الفعل ...العادي انك بتبدأ باللين...لكن احيانا النصيحة باللين بتخللي المنصوح يضحك عليك من طيبتك بالذات في مصر وانا عن نفسي تعرضت لموقف زي كده وقوبل بمعاودة الفعل امامي في نفس اللحظة...الشدة في الكلام تكون بالقدر المناسب للفعل ماتوصلش للتشهير واساءة السمعة ...والغضب العارم لازم يكون له سبب يخللي الغضب عنك عارم زي التبجح والجرأة...واحد حرامي بيسرق تقوله اتقي الله يقول استغفر الله العظيم ويتأثر وواحد تاني يقولك ما البلد كلها حرامية هتعملوا فيها شيوخ علينا الأول ليه معاملة والتانية ليه معاملة اخري .
انا امنيه حياتي يكون في مصر جماعه الامر بالمعروف والنهي عن المنكر
لكن الناس الي غرقين في افعالهم الزنه والرقص والتخلع الاعلام المنحط الي بيتمتع بي كل الكلام الي قلته بيحارب ان تظهر حاجة زي كده علشان يفضله يموته في الرزيله اللهم احشر كل الاعلامين الذين يحربه الدين مع فقه الديوثين وانزل عليهم غضبك ياقدر ياكريم
البلد دى عايزة قانون مش جماعة أمر بالمعروف!
هي الناس ضد مبدا الأمر بالمعروف والنهي عن المنكر ولا ضد طريقة التطبيق نفسها ؟
اكيد طبعا عملو الصح ومفيش حاجه اسمها جماعة الأمر بالمعروف ودي كيده عامليها شوية اخباث وبيسغلو خوف الناس وكل شويه في مصراوي تلاقي خبر وتلاقيه في الأخر حاطط السعوديه
احنا عندنا شرطة اداب محتاجين بس نفعلها وتشتغل كويس وساعتها مش هنحتاج اي جماعات
والأصلاح بيجي من تحت مش من فوق
كلامك صح بس مش هتقدر تغير الوضع الامور وصلت لحد مخيف