مشكلة في الريموتين بتوع التيدا 2011 !!!!!!!!!!!!!!!!

**Dr'AhmZZong** · 11-01-2012 06:39 PM

حاجة غريبة اوييييي بجد ..........

القصة إن أنا معايا ريموت و والدتي معاها ريموت تاني تمام .. آجي افتح أو اقفل باي واحد فيهم .. ولا بيفتح ولا بيقفل من أي مسافة قريب أو بعيد .. لازم اقرب جدا من الازاز اللي قدام .. لدرجة إني بدخل ايدي جوه العربية من الازاز اللي مفتوح عشان اقفلها .. و لازم اقرب جدا لدرجة إني بلزق في الازاز عشان برده افتحها ...........

معلومة بس : الريموتين بيعملوا كده .. الريموتين لسة جداد .. الريموتين موقعوش على الارض ولا مرة ..

بعد اذنكم طبعا .. حد عنده حل للمشكلة المستفزة ديييييه

**DarkMagician** · 11-01-2012 07:30 PM

بطارية يا اما في مشكلة في الرسيفر بتاع الاشارة

**Dr'AhmZZong** · 11-01-2012 07:49 PM

المشاركة الأصلية كتبت بواسطة darkmagician

بطارية يا اما في مشكلة في الرسيفر بتاع الاشارة

الله و اكبر إيه دول بقى

**DarkMagician** · 11-01-2012 07:51 PM

بطارية الريموت يا اما الللي بيستقبل الاشارة في العربية فيه حاجة
لان لو مش البطارية مش معقول العيب في الريموتين

**Dr'AhmZZong** · 11-01-2012 08:12 PM

المشاركة الأصلية كتبت بواسطة Omar_4ever

بص يا احمد اكيد مش عيب في الريموتين ولا البطارية بتاعتهم لأنها بتقعد كتير جدا، انا معايا الريموت من 11/2005 ولسا بيلقط من بعيد، اكيد العيب من الريسيفر
اطلع عالتوكيل وريح ماغك

لا لا اظن البطاريات سليمة .. انا ساكن فى الدور التالت وبقعد جوا الشقة والعربية تحت البيت وبيلقط

شكلكم عايزين تجيبولي القلب واحد بيقول من 2005 ما شاء الله يعني ..

التاني بيقول من الدور التالت هههههههه ..

إيه يا جماعة في إييييييييييييه .. ده عندي فالتيدا لو لقت وانا بعيد عن العربية شبر ببقى فرحان ..

شكلها فعلا في مشكلة

**BassamHafez** · 11-01-2012 08:23 PM

انا مش عارف الريسيفر اللي جوة العربيه ليه بطاريه ولا لا

بس لو ليه يبقى ممكن يكون منه

او هو محطوط في مكان جوة العربيه مش مخليه يلقط كويس اصلا

بس قول لي هو قبل كده كان بيلقط من مسافه كويسه ولا هو اصلا مداه مش بعيد

**Dr'AhmZZong** · 11-01-2012 08:25 PM

المشاركة الأصلية كتبت بواسطة bassamhafez

انا مش عارف الريسيفر اللي جوة العربيه ليه بطاريه ولا لا

بس لو ليه يبقى ممكن يكون منه

او هو محطوط في مكان جوة العربيه مش مخليه يلقط كويس اصلا

بس قول لي هو قبل كده كان بيلقط من مسافه كويسه ولا هو اصلا مداه مش بعيد

بص أول العربية ماجت كان كويس جدا جدا جدا ممكن يلقط من مسافة 10 متر مثلا بعد كده ولا الهوا

**DarkMagician** · 11-01-2012 08:35 PM

الرسيفر ملهوش بطارية يا شباب
ده عبارة عن لاقط كده وكل شركة بتحطو بطريقة شكل
هو في احتمال يكون متغطي لانو ساعات بيتحط على الطابلوه وفي انواع بيبقى باين انو كده نص كورة سودا
انت حاطت ورق على الطابلوه ولا حاجة ؟؟
لو تغغير بطارية الريموت مجابش نتيجة عليك والتوكيل ان شاء الله