الموضوع: انا هتجنن من العربيات اللي بركبها وبشوفها

المشاركة الأصلية كتبت بواسطة Ahmed A.Maksoud

اللى عاوز يتعقد من الأسعار يدخل الموقع ده بس بشرطين......علي مسؤليته الشخصية و مايدعيش عليا

Property Real Estate for Sale and Rent. Jobs in the Middle East and North Africa , Free Classifieds in with Dubizzle.com

يختار الامارات مثلاً و بعد كده يختار
Autos/4x4

علة فكرة الموقع ده مش مقياس أبدا
هم هنا على النت بيبالغوا في الاسعار جدا وكلامنجية كتير
الواقع في الحراج (سوق المستعمل)

المشاركة الأصلية كتبت بواسطة aif

يا ابو صلاح
اوعى تقع في غلطة المقارنة بين اي حاجة عندك ومصر
انت بتتكلم عن السعودية
اكبر احتياطي للبترول في العالم
من اغنى دول العالم
اقل سعر للبنزين في العالم
ثاني اكبر شبكة طرق في العالم بعد امريكا
مساحات شاسعة ...... والدنيا واسعة
بتدار بكفتءة من اكتر من 60 سنة
.....
دولة لا تعتمد على الجمارك والضرائب لأنها غنية
....واخيرا ..... الناس هناك بتراعي الاخلاق وبتتقي الله ....( في المجمل مع وجود استثناءات طبعا )
.....
لا تقارن علشان تقدر تعيش في مصر بعد كدة
....
انا عشت سنوات في اجمل مدن السعودية واعلاها معيشة ..... الخبر وجدة
وسيبتها برغبتي الكاملة برغم اني كنت في وظيفة اكتر من محترمة ..... ورجعت مصر بدون وظيفة لكي ابدأ من الصفر ..... شوفت انا ساذج ازاي يا صلاح

ياباشا هنا في جمارك لكن في حدود المعقول
لكن في مصر في جمارك كبيرة جدا وصلت لدرجة الافترا
وبعدين ياراجل حد يعيش في جدة ويسيبها ؟ انا معاك ان الحنين للوطن قوي جدا ومأثر علي جدا بس ايه العمل ؟

المشاركة الأصلية كتبت بواسطة kameluo

علي فكره مصر مش فقيرة اوي كده
لما سامح فهمي و جمال مبارك يخدوا منصة بترول لحسبهم تبقي مصر غنية
و شركات البترول و الغاز ماليه كل محافظات مصر تبقي مصر غنية
لما يبقي دخل قناه السويس 450 مليون دولار في الشهر و يروحوا للرئاسة تبقي مصر غنية
و لما يبقي صادرات مصر 1.1 مليار دولأر سنويا تبقي مصر غنية
لما نصدر احسن فكاهة و خضار لاغني دول العالم و ناكل احنا المسوس تبقي مصر غنية
لما الأجانب يجوا يستثمروا فلسهم هنا و يعملوا مصانع و يستغلونا احنا الشعب عشان احنا اقل مرتبات من العمالة بارة تبقي مصر غنية
لما 7,6 مليار دولار دخل السياحة في مصر تبقي مصر غنية
لما قالوا الضرايب العقارية و دفعنا 700 مليون جنيه تبقي مصر غنية
و و و و و و
لو فضلنا لبكرة مش حنخلص
بس الفرق بين مصر و بين الباقي الدول دي المسكنها خايفين عليها و عوزنها احسن من غيرها
لكن هنا كل واحد خايف اه بس خايف علي نفسوا و هدفه تجميع اكبر كم من الفلوس في الفترة الحيعضها

مصر فيها فلوس وخير كبير جدا جدا
بس يستغل ويتوظف صح
والله في اقل من 10 سنوات نبقى من أفضل دول العالم
لكن هنقول ايه ؟
حسبي الله ونعم الوكيل

المشاركة الأصلية كتبت بواسطة aif

ولما مصر تفضل تتسرق آلاف السنين وبرضو لسه فيها ما يغري اللصوص ان يسرقوه ..... تبقى مصر مش بس غنية ...... تبقى من اغتى دول العالم
لكن انا ماسبتش الحياة الرغدة والدخل الكبير في السعودية ورجعت مصر عشان مصر غنية ........ ابدا
علشان مصر بلدي وبحبها ..... وماقدرش اعيش بعيد عنها
وفيها مستقبل اولادي
وفيها رفات امي وبنتي واجدادي
....
كنت طول عمري باقول كدة قبل الثورة كانو بيضحكو عليا
ياما قلت ان اكثر الاوقات ظلاما هي ماقبل الفجر .... ياما كنت متفائل بالمستقبل وسط كآبة الحاضر
وكانو بيقولو عليا عايش في الشعارات وفي الاغاني الوطنية اللي لا قيمة لها الا على شاشة التلفاز
...
وف لحظة انقلب الحال واصبح الملايين يتغنون تحب مصر
...
ما بين غمضة عين وانتباهتها...... يبدل الله من حال الى حال

ياباشا الحنين للبلد فعلا والله مش شعارات ميحسهاش غير اللي اتغرب

المشاركة الأصلية كتبت بواسطة human12

فيسبوكك ايه يا ابو صلاح

mobinilo@hotmail.com

المشاركة الأصلية كتبت بواسطة dr_darsh

ياباشا مش السعودية دى كل دول الخليج واوروبا نفس النظام
انا عندى عم بقاله 20 سنه فى بلجيكا من سنتين كان عندنا فى زيارة ولما لقى معايا اللانسر ( قبل ما ابيعها من كام شهر ) بيقولى انت ليه راكب دى مش بتجيب باسات ليه ... ؟؟؟ دى عندنا ب 18000 يورو ....لو ماكنش عمى كنت عرفت ارد عليه

ههههههههههههههه
هو عمك وهو نازل من المطار مشافش منظر العربيات اللي في الشارع عاملة ازاي ؟
شاف كام واحدة باسات ؟

قله نورت مصر يا عمي وقصر الزيارة وللخلف در تاني على المطار علشان مش ناقصة نكد