عايز اركب سماعات ل e46 من غير ما اوسع في الصاج حد عملها

اقتباس:

---

المشاركة الأصلية كتبت بواسطة elfashn

بيفرق بس مش كتير لان معظم السماعه بيبقى بيوزع الصوت جوه العربيه مش جوه الشنطه

---

شكراااااااااااا علي اهتمامك

اقتباس:

---

انا عملت الى انت بتقول عليه ده فى e36 ركبت سماعت بيضاوى وعلشان كنت مش عاوز اقطع فى الصاج وابوز العربيه وخاصة انها فبريكه رحت لواحد شال السماعات القديمه وركب البيضاوى بس من الشنطه وحفر مكان بس للمسامير وخليته يوسطن السماعه فى نص الفتحه علشان الصوت ميبقاش مكتوم والصوت حلو و الحمد لله

---

انا عملت كده بردو بس للاسف مش بيدى بيز لان فى مسافه مفتوحه بين السماعات والصاج لانه مش متساوى فاضطريت اسده بورق جرايد عشان ما يسربش صوت للشنطه وبردر مش الاداء
الحل تركيب بازوكا كده هاتدى اداء
انا كان عندى استعداد اقطع فى الصاج بس صاج العربيه محمل ومش هاينفع يتقطع بكاركيت
لازم لمبة وانا ماقطعش بلمبه فى حته زى دى لو على جثتى
بس لو فهد يعمل معانا واجب ويقول وصلهم من بره ازاى
ولا حد معرفه جابهملك وهو جاى؟

اقتباس:

---

المشاركة الأصلية كتبت بواسطة hamadalw

يعني انتي حاططهم في الشنطه طب سبتههم ازاي ومينفعش يركبواا من فوق ومين ال عملهم ولا اي حد عشان انا من اسكندريه

---

روح عند مركز اليسر (م/ رفيق) ش 45 ميامى .... دى لعبته ومتخصص فى الموضوع ده بإحترافية شديدة

وعنده كل المعدات اللازمة لموضوعك

بص يا مودى انا جبتهم من برة بما يعادل 250 جنية

دة بما فية مصاريف الشحن و الجمارك و كدة

يا جماعة انا مش فاهم ايه المشكلة فى قطع الصاج
مشاكل القطع بتبقى فى انك لو هتقطع بلمبة اللحام يبقى ايه اللى يخليك تعمل الحل ده

ثم انك لو ركبت الادبتور الموجود فى الصورة ده عمروا ما هيديك صوت السماعة الطبيعى
انا مش شايف اى مشكلة فى موضوع القطع انا واصحابى عندنا 4 اربعيات من نفس نوعك ومقطعين عادى

لو مصمم بقى معندكش غير انك تجيب صندوقين سماعات خشب بتوع العربيات الشاهين التاكسى وتحط فيهم السماعات من فوق من غير ما تحفر
ههههههههههه

حضرتك بص على الرابط التالى

BMW Audio, BMW iPod, Speakers, Subwoofers, & more | BSW: Bavarian Soundwerks

فيه سماعات اسمها ميترنجات دائريه تركب مكان السمعات الاصلية بالخلف و ثمنها حوالى 600 جنيه و يمكن تركيب جى ام بها ايضا و ستضيف اداء كلصب بالضبط

ايوه يا فهد مانا عاوز اعرف يعنى اشتريتهم من موقع وجبتهم ولا حد معرفه جابهملك وبعتهملك لو من موقع واشتريت بالفيزا ياريت تقولنا على الطريقه عشان اللى عاوز يجيب من بره يجيب خصوصا انهم مش غاليين قوى

اقتباس:

---

المشاركة الأصلية كتبت بواسطة m000dy

ايوه يا فهد مانا عاوز اعرف يعنى اشتريتهم من موقع وجبتهم ولا حد معرفه جابهملك وبعتهملك لو من موقع واشتريت بالفيزا ياريت تقولنا على الطريقه عشان اللى عاوز يجيب من بره يجيب خصوصا انهم مش غاليين قوى

---

استخدمت موقع ادفعلى :)

شكراااااااااااا علي الردود يا رجاله