الموضوع: الى عماالقه البروتون فقط وملاكها الله يكرمكم

انا فعلا اول مااستلمت العربية كانت الفرامل بتصفر بس حليت المشكلة بغسيل العربية لان العربية بتبقى متخزنة فترة علشان كدة بتبقى متربة
وفي حل كمان للتيل ابو 1000 جنيه اللي بيفكرني بتيل الانفنتي انك بتجيب تيل فيات بيترا او جراند بونتو من برة وده سعره 160 جنيه تقريبا للامامي
وفي كمان تيل احسن منهم اسمه هالتكس امريكي تقريبا ب120 جنيه وكل الناس بتشكر فيه
وفي كمان تيل بوش ايطالي ب 350 جنيه ده بردو كل الناس بتشكر فيه .. بس تحذير مهم جدا بلاش تركب اي تيل من التوكيل لان كلهم زفت سواء المصري او الماليزي وطبعا الالماني الاصلي ب 800 جنيه في التوكيل
وحاجة كمان مهمة ان ضمان الطنابير حوالي 30 الف كيلومتر ولو حصل حاجة فيهم بيتم الخراطة وليس التغير بجديد من التوكيل علشان كدة لو خلص التيل الاصلي هات احسن تيل من برة وركبه وان شاء الله مش هيحصل حاجة
والف مبروك مقدما

العفو ياباشا انا في الخدمة واي استفسار هتلاقي الف مين يرد عليك ان شاء الله
انا معايا واجا وللاسف بعاني من موضوع التيل ده خصوصا ان تيل الجين2 مش زي الواجا
بس كل الناس هنا بيعملو زي ماقولتلك لو محدش جاب الالماني من التوكيل هيجيب المايلي او الهالتكس
بالنسبة بقى لو العربية اوتوماتيك زي حالاتي التيل قعد معايا 12 الف كيلو بالعافية وفي ناس قعد معاها اكتر من كدة وكمان لو العربية مانوال ممكن توصل ل40 الف كيلو .. الفكرة كلها في طريقة الجري والسواقة اصل انا كنت بسافر علطول على سرعات عاليا علشان كدة بستهلك تيل كتير
اللي ممكن يضايقك بقى من العربية هو قطع الغيار سواء اسعارها في التوكيل او عدم توافرها كمان في التوكيل كمان مشكلة الصنايعية في وكالة البلح .. اقصد التوكيل يعني على قدهم اوي ومحدش فاهم اي حاجة في اي حاجة علشان كدة كل الناس بتروح لمركز عصام الصفا في النزهة الجديدة مركز محترم وصاحبه راجل محترم جدا وللاسف بردو الصنايعية هناك معندهمش ضمير بس احسن من التوكيل .. وده مركز معتمد من التوكيل يعني ممكن تعمل الصيانات فيه عادي جدا

ربنا يخليك ولا شكر على واجب
الضمان اعتقد انه زاد من 20 ل 30 الف في الفترة الاخيرة دي
لو طبعا التيل كويس معاك وبتحافظ على العربية بحيث متغسلهاش وهيا سخنة هتعيش معاك ان شاء الله لحد 100 الف من غير ماتفكر تغيرها .. بس اهم حاجة متسمعش كلام اللي يقولك التيل المصري او الماليزي اللي في التوكيل حلو .. انا جربت كل الاتيال اللي في التوكيل وكلها زي الزفت معادا الاصلي طبعا اللي ب 800 جنيه

هو مين قال التيل الأصلي بيصفر في العربيات الجين 2 الزيرو؟ مظنش إني شفت مواضيع كده هنا ولو فيه حاجة كده يبقى مجرد تنضيف الطنابير هيحل المشكلة. أنا شخصيا التيل مصفرش معايا خالص من ساعة ماجبت العربية وهي حاليا ماشية 36 ألف ولسة بنفس التيل, على فكرة أنا مانيوال, إنما الاوتوماتيك بيعد من 15-20 ألف فقط.

المشاركة الأصلية كتبت بواسطة raul_7

هو مين قال التيل الأصلي بيصفر في العربيات الجين 2 الزيرو؟ مظنش إني شفت مواضيع كده هنا ولو فيه حاجة كده يبقى مجرد تنضيف الطنابير هيحل المشكلة. أنا شخصيا التيل مصفرش معايا خالص من ساعة ماجبت العربية وهي حاليا ماشية 36 ألف ولسة بنفس التيل, على فكرة أنا مانيوال, إنما الاوتوماتيك بيعد من 15-20 ألف فقط.

+100000000000000000000000000000000000000000000

أنا ركبت الجين 2 موديل 2007 و معايا 2010 دلوقتي
لا التيل في دي صفر و لا في الجديدة بيصفر .

التيل اللي بييجي مع العربية على فكرة مش ألماني ..... هو ماركة بوش و لكنه مصنوع في ماليزيا .

بالنسبة للتيل اللي بيتباع في التوكيل مليش معاه أي تجربة علشان الحمد لله مغيرتش التيل لغاية دلوقتي .

في موديل 2007 قبل ما بيعها كشفت عليه قالولي يقعد على الأقل كمان 10 أو 15 الف كم و كنت بايعها و هي عاملة تقريبا 40 ألف كم مش فاكر .
و حاليا عامل 20 ألف كم بموديل 2010 و التيل مش بيصفر و كويس جدا و الفرامل ممتازة .

بالنسبة للأتيال البديلة فعلا زي ما المهندس فيلكس أشار
فيه 3 أنواع في التوكيل
المصري و الماليزي بتاع بروتون رقم 2 و الماليزي اللي هو أسمه بوش .
أنا مجربتش بصراحة علشان أحكم و لكن الناس مش متفقة على رأي واحد و فيه ناس بتشكر في المصري مثلا أو الماليزي و ناس لاءة .

عموما البدائل برة موجودة و هي البدائل اللي أشار إليها الأستاذ فيلكس .
و لو أني عايز أقولك هات المصري (دعما لبلدنا ) و لكن أنا مش مجربه فمش قادر أنصحك به أو لاءة .