-
مشكلة في كلاكس البرسونا
السلام عليكم و رحمة الله و بركاته
اشتريت منذ فترة قصيرة برسونا مستعمل موديل 2009 و هي سيارة بسم الله ما شاء الله محترمة جدا جدا
منذ يوم حدث فجأة انقطاع تام في كلاكس السيارة و عند الضغط علي الكلاكس اسمع صوت طقطقة في علبة الفيوزات و لكن بدون صوت للكلاكس و هذه الطقطقة تختفي حين انزع فيوز مكتوب عليه horn relay
قمت بالتأكد من فيوز الكلاكس و قمت بتغيير ال horn relay و لكن بدون اي اختلاف لايزال هناك صوت طقطقة من علبة الفيوز عند الضغط علي الكلاكس و لكن بدون صوت مع العلم بأنني قمت بالتأكد من توصيلات الكلاكس
ارجو الافادة و لكم جزيل الشكر
-
إحتمال كبير جدا يكون الكلاكس نفسه باظ ..... جرب كلاكس تاني
اللي حضرتك غيرته ده كتاوت الكلاكس مش فيوز و الكتاوت لما بيوصلها كهرباء بتعمل صوت تكة وده دليل على إنها بتعمل بطريقة جيدة
-
الكلاكس اتصلح فجأة
كل اللي عملته اني تأكدت من الفيوزات و من الوصلات و لكن كل دة معملش اي حاجة
لكن بعد ما عربية اتغسلت من برة سبتها لتاني يوم لافاجأ ان الكلاكس شغال
بس دلوقتي انا عندي سؤالين
الاول في رجرجة في العربية بتحصل لما اجي ابتدي اتحرك بيها و بتروح بعد العربية ما تتحرك و الرجرجة دي بتقل شوية لما اتقل رجلي علي البنزين شوية و انا بابتدي اتحرك بس ما بتروحش بردة
السؤال التاني انا اشتريت العربية مستعمل موديل 2009 عامله 25500 بس الراجل اللي اشتريتها منه عمل الصيانات في التوكيل لغاية 20000 و بعد كدة كل حاجة برة و انا عاوز ارجعها الضمان اعمل اية؟؟؟
و اسف علي الاطالة
-
ده معناه إن الرق بتاع الكلاكس بدأ يعلق و حيبوظ تاني و حتلاقي صوته حيتكتم تاني ... غيره في الضمان ....
هي كده لسة في الضمان روح إعمل صيانة ال 25000 في التوكيل علشان ما تخرجش من الضمان ....
-
ان شاء الله حاروح التوكيل
بس الرجرجة اللي في العربية دي يبقي ايه سببها؟؟
شكرا علي اهتمامك
-
حضرتك بلغهم بموضوع الرجرجة ده علشان يشوفوا إيه سببه .. للأسف أنا مأعرفش
Content Relevant URLs by
vBSEO 3.6.0 PL2