السلام عليكم ورحمة الله وبركاته
يوجد لدى كشف بجميع السيارت او معظمها الذى تم تهريبها الى قطاع غزة ، و خدمة للاعضاء اللى ياما استفد من معلومتهم ان شاء الله اى شخص مسروق منه عربية يحطلى هنا رقم الشاسية والموتور والموديل وان شاء الله هبلغه موجودة ولا لاء 0
هتجيبها ازاي وبناء علي ايه؟؟؟
هوا صاحب الموضوع داخل يخدم قام اتوقف ؟؟!!!
الكشوف دي كانت على برنامج وائل الابراشي على دريم اليوم
تقريبا ده الكشف اللي وائل الابراشي عرضه في برنامج الحقيقة. كشف بالعربيات المهربة اللي غزة من مصر..ناس راحت هناك ولقت عربياتها وفي اللي معلق نمر مصر وماشي بيها في فلسطين( بجاحة منقطعة النظير ) وفي اللي اتغير لنمر فلسطينية.اقتباس:
المشاركة الأصلية كتبت بواسطة ahmed_mido1889
كان بيقول ان في غربيات مش عارفين اصحابها والحكومة الفلسطينية مش ممانعة رجوع العربيات ده لمصر ولاصحابها بس يجيبو اثباتات لملكيتهم للعربية. وبكرة اخر حلقة فالموضوع ده تقريبا ( بقالهم يومين وبكرة التالت ) وده كله لمجهود اشخاص عاديين مصريين والحكومة المصرية مبتدخلش خاااااااااااااالص ( حتي الانفاق اللي بتستخدم فالتهريب مش عايزين يهجمو عليها بدبابة موديل 1950 حتي وتهدهم علي دماغ اللي بيهربو العربيات.
صاحب الموضوع إتوقف ليه؟؟؟
ياريت توضيح من الإدارة علشان محدش من الأعضاء يفهم غلط
طيب حضرتك ليه متنزلش الملف اللي معاك بالارقام اللي فيه وكل واحد يدور بنفسه ومنها يستفاد زوار الموقع كمان
الراجل موقوف يا نور و مش عارفين اتوقف ليه و هايرجع امتىاقتباس:
المشاركة الأصلية كتبت بواسطة نور القمر
بس اقتراحك برضو في محلو ، هوا ليه مايحطش القائمة كلها ؟؟
مش عارفة عندي انا ظاهر عضو فعال قلت يمكن اتوقف بالغلط واتشال تاني !!!!!
حد غيري شايفه مش موقوف ؟
متابع
سبحانك اللهم وبحمدك ، أشهد أن لا إله إلا أنت أستغفرك وأتوب إليك
انا شايفه فعلا مش موقوفاقتباس:
المشاركة الأصلية كتبت بواسطة نور القمر
السلام عليكم ورحمة الله وبركاته
انا فعلاً كنت موقوف ومش عارف ليه وايه السبب ، واعتقد انه مطلوب من المشرفين انهم لما ييعملوا ايقاف لحد يبعتوا فى الرساله سبب الوقف ايه ؟
ثانياً انا فعلاً معى الكشف وكان اسهل حاجة انى اعمل اسكانر للكشف واخلص ، لكن خوفت ان حد ممكن يستغل الكشف ده بطريقة سيئة ، واخيراً انا شغال فى قناة دريم ، و معى الكشف ولسه فى كشف تانى هيجى قريب بباقى السيارات 0
السلام عليكم ورحمة الله
معلش يا جماعة لو اى حد من المشرفين يبعتلى الايميل بتاعه وانا ابعتله الكشف وهو يتصرف فيه انا تحت امره
السلام عليكم
طيب الدكتور المشرف بتاعي عربيته مسروقة وفعلا تأكد إنها موجودة في غزة وتم ترخيصها لمواطن فلسطيني هناك ومعاه أرقام لوحاتها الفلسطينية وصورة هوية الرجل المرخصة بإسمه وصورة رخصتها هناك، يعمل إيه عشان يجيبها ؟؟؟؟؟
معلش يا استاذ عزيز انا هستنى لما حد من الاشراف يبعتلى ايميله وهبعتله الكشف وهو حر التصرف فيه
متابع ...
Nilemotors.all@gmail.com
اميل نادر المدير التنفيذي للمنتدى
تم ارسال الايميل للاستاذ نادراقتباس:
المشاركة الأصلية كتبت بواسطة نور القمر
وشكرا لحضرتك استاذة نور
بس ماعتقدش ان المشرفين او استاذ نادر هايبقى عندهم وقت يتولو الموضوع دا
عموما جزاك الله خيرا و مستنين رد الادارة
الاشراف ينزل الملف بالكامل لو زميلنا مش عارف ينزله
هو مشكور عمل اللي يقدر عليه
انا بالفعل بعت الكشف للاستاذ / نادر ، هو يتحمل مسئوليه ان حد ممكن يتصرف بطريقة غير شريفه
مش هينفع الكشف ينزل عالمنتدى
لاننا منضمنش يحصل سوء استخدام باى طريقة
لو حد من الاعضاء حابب يتاكد يبعت البيانات واحنا هنراجع ونشوف اسمه موجود بالكشوفات ولا لأ
لو حصل وقف لازم يطلعلك رسالة وقف وده اجباري على المشرف اكيد صل خطأ ما
بخصوص الكشف وصل للادارة فعلا
واي شخص هايسئل واحد من مديرين المنتدي هايتولي الرد ومتابعة الموضوع لان مالناش صلاحية وضع كشوف باسماء ناس لان ممكن اعتباره تشهير
شكرا لصاحب الموضوع على مساعدتة لاصحاب الحقوق
طلب بنقل الموضوع للقسم العام
الملف انتشر على النت
ووائل الابراشي قال بعض الاسامي على الهواء