محتاجه مساعده في عربيه استرا

**sojo** · 11-01-2012 09:35 PM

السلام عليكم و رحمه الله
انا انشاء الله ناويه اشتري عربيه اوبل استرا 2008, عامله 70000 كيلومتر. انا شوفتها هي البادي بتاعها كويس و الصالون كمان. شكلها تمام خالص مرشوشه من الاجناب بس. انشاء الله اخويا هيرفعها بكره.
لو في حد ممكن يفيدني في الاتي:
صاحب العربيه قال ان الاير باج بتاعها فتح قبل كده لانه خبط في الرصيف!! هو ممكن الخبطه في الرصيف تفتح الاير باج؟ و قال انه ظبطها في الحرفيين, هل دي عيب خطير ؟ وتقلل نت قيمه العربيه؟
الحاجه التانيه العربيه تساوي كام تقريبا؟ و تنصحوني اشتريها ولا ايه؟
شكرا جزيلا ليا انتو اللي حببتوني في العربيه دي من كلامكوا عليها :) ومش راضيه اسمع كلام اخويا و اشتري هيونداي

**tananybasha** · 11-01-2012 10:45 PM

هى خبطة الرصيف تفتح ايرباج
و من ناحية انها تقل من تمن العربية الزملا يفيدوك اكتر منى
انما على حد علمى ده بيتغير التابلوه و ايرباج الطارة
المسافه اللى مشياها العربية كويسه
بالنسبة لموضوع الكشف العربية دى لازم يتكشف عليها فى مركز خدنه معتمد
يعنى مقار
التوكيل
اتوماستر
الناس دى
على ما فهمت ان انت بتفكر فى الهيوانداى ادام الأسترا
و دى مقارنه ظالمه جداً
الهيوانداى الذ
انما مش اقوى و لا اثبت و لا اعلى و لا امتع من استرا زى انجوى 2008

**medo111** · 12-01-2012 08:43 AM

بس الخبطه في الرصيف مش شرط انها تفتح الا لو كان رصيف عالي وخبطه جامده
عموما ضوري علي واحده تانيه عشان موضوع الايرباج دا وخلي واحد بيفهم في البوهيه بتاعت العربيات هو الي يشوف الحوض بتاعها ومتستعجليش

**pianco** · 12-01-2012 09:28 AM

باشا انا تقريبا عارف العربية الى انت ببتكلم عليها و كنت هرفعها لكن قبل ماروح اقابل الراجل عشان نرفعها و نخلص قالى على موضوع الايرباج دا و قالى فى رصيف بردو بس انا خوفت و سالت ناس قالولى ان فى سنسور فى الشاسيه بتاع العربية عشان موضوع الايرباج دا ودا معنى ان العربية اتخبطت جامد جدا و قالولى ابعد عنها و كمان سعرها كان غريب بردو فخوفت متهيالى تدور على واحدة تانيا احسن و اكيد طنانى باشا و الناس الجامدة الى فى العصابة ممكن يأكدو كلامى او ينفو وربنا يكرمك و يكرمنى بعربية عشان انا كمان بدور لسا

**KHALED AYMAN** · 12-01-2012 06:02 PM

فى الاوبل ..الايرباج مش هيفتح غير بخبطه محترمه جدا جدا جدا
انا خبطت كلب وانا ماشى 100
دغدغ الاكصدام و الرداتير و السربنتينه والفوجات...والايرباج مفتحش !
يعنى عشان الايرباج يفتح محتاج حاجه اقوى من الى حصلت عندى ...
ودى من وجهه نظرى تبقى عربيه مش تمام ...
وبعدين هو سايب الموضوع عايم ليه ؟
مفروض يقول دخلت فى رصيف و غيرت كذا او رشيت كذا ..
بلاش احسن ...

**Mostafa.Ismail** · 12-01-2012 07:22 PM

المشاركة الأصلية كتبت بواسطة khaled ayman

فى الاوبل ..الايرباج مش هيفتح غير بخبطه محترمه جدا جدا جدا
انا خبطت كلب وانا ماشى 100
دغدغ الاكصدام و الرداتير و السربنتينه والفوجات...والايرباج مفتحش !
يعنى عشان الايرباج يفتح محتاج حاجه اقوى من الى حصلت عندى ...
ودى من وجهه نظرى تبقى عربيه مش تمام ...
وبعدين هو سايب الموضوع عايم ليه ؟
مفروض يقول دخلت فى رصيف و غيرت كذا او رشيت كذا ..
بلاش احسن ...

عندك حق! انا خبطت عجل استبن بتاع اتوبيس نقل عام وقع ادامى فجاءة وانا على 80 والخساير كانت ردياتير و الاكصدام اتكسر وفوج اتكسر والقنطرة اتعوجت واتغيرت والسربنتينة خدت خبطة والايرباج مفتحش بالرغم من انة تمام عندى.

راى بلاش منها العربية دى.

**sojo** · 12-01-2012 10:57 PM

يا جماعه احرجتوني من ذوقكم و ربنا يكرمكم انشاء الله. هو فعلا سعرها كان غريب 65 الف و العربيه موديل 2008!!!!! علي العموم انا صرفت نظر عنها. بس سؤال لو سمحتوا: هي عربيه استرا حالتها نظيفه 2007, 2008 تعمل كام؟؟

**KHALED AYMAN** · 12-01-2012 11:25 PM

المشاركة الأصلية كتبت بواسطة sojo

يا جماعه احرجتوني من ذوقكم و ربنا يكرمكم ان شاء الله. هو فعلا سعرها كان غريب 65 الف و العربيه موديل 2008!!!!! علي العموم انا صرفت نظر عنها. بس سؤال لو سمحتوا: هي عربيه استرا حالتها نظيفه 2007, 2008 تعمل كام؟؟

تحت امرك مفيش مشكله :)
65 الف ..ههههههه احنا لو نعرف كده من الاول كنا قولنالك بلاش من غير تفكير ..
العربيه حسب معلوماتى المتواضعه ..بتكون من 85 لحد 95 ..حسب الحاله و الموديل و الكماليات ..

**sojo** · 12-01-2012 11:31 PM

المشاركة الأصلية كتبت بواسطة khaled ayman

تحت امرك مفيش مشكله :)
65 الف ..ههههههه احنا لو نعرف كده من الاول كنا قولنالك بلاش من غير تفكير ..
العربيه حسب معلوماتى المتواضعه ..بتكون من 85 لحد 95 ..حسب الحاله و الموديل و الكماليات ..

ربنا يكرمك, انا قولت باردوا الموضوع فيه انا :) شكرا علي مساعدتكم

-

الموضوع: محتاجه مساعده في عربيه استرا

LinkBack

أدوات الموضوع

عرض

-

-

-

-

المواضيع المتشابهه

كاتالوج اوبل استرا 2002 نفس كاتالوج 2000 و 2001 لأى حد محتاجه

مساعده فى حادثه - العربيه محتاجه نص ورا

محتاجه منكم مساعده ضرورى فى i10

في حد مسروق منه عربيه استرا

محتاجه مساعده ل 128 بليييييييز

الكلمات الدلالية لهذا الموضوع

المفضلات

المفضلات

ضوابط المشاركة