يا جماعة عايز مقارنة أو افادة بالرأى مين أحسن بوجه عام ال A5 ولا السيفيك ؟
عرض للطباعة
يا جماعة عايز مقارنة أو افادة بالرأى مين أحسن بوجه عام ال A5 ولا السيفيك ؟
السيفيك أكيد بوجه عام افضل
قطع غيار معمره
توكيل كويس
سعر اقل
اكبر من الداخل
اداء اعلى
استهلاك بنزين اقل
معمره عموما
سيفيك طبعا
سيفيك يا باشا و انت مطمن
أكيد الاوكافيا ال A5 بس دى اغلى من السيفيك بحوالى 20000.
Honda Civic
مش حاتقدر تغمض عنيك :)
الوكتافيا فئة تانية تتقارن بالجيتا والفكترا
اما السيفيك تتقارن بالكورولا والانسر والانترا
انا راى اوكتافيا
يا باشا الهوندا و عن تجربة مواتيرها عموما فوق الممتازة و عفشة كويسة
و استابيلوتى ممتاز بالاضافة انها اكبر و شكلها بالنسبة ليا اجمد بكتير
و غير كدة الاوكتافيا نازلة بمتور 4a القديم و الله اعلم علشان مفتيش
حضرتك عاوز تجيب عربية ب150 الف وخلاص
شوف حضرتك عاوز ايه من العربية و على اساسه حنقولك انهو احسن
لكن عموما قطع غيار الاوكتافيا مش غالية
و توكيلها كويس اوي مهتمين بالعربية دي و بكل ملاكيها
بس فيه واحد معانا هنا في المنتدى اشترى السيفيك شهرين و مجبش الاوكتافيا علشان اغلى
و بعها بعد شهرين علشان زهق و تعب منها
و اشترى اوكتافيا تقسيط
اهم حاجة انهم عربية مناسبة للمواصفات المصرية
الاوكتافيا A5 بلا جدال و السيفيك تسقط
بس
مش للدرجادى يعنى و اكيد السيفيك مش تسقط بس برده الاوكتافيا احسن منهااقتباس:
الاوكتافيا A5 بلا جدال و السيفيك تسقط
انا قصدي المواصفات المصرية الزبالة
يعني مش عيب في السيفيك
و لكن عيب في مصر
اكيد حضرتك فاهم قصدي
اه معلش فهمت دلوقتىاقتباس:
انا قصدي المواصفات المصرية الزبالة
يعني مش عيب في السيفيك
و لكن عيب في مصر
اكيد حضرتك فاهم قصدي
بس برده الاوكتافيا اللى ب 160 فاضية بدون جنوط و لا امكانيات
عموما لا مجال للمقارنة , a5 تكتسح
لو كانت المقارنة مع لانسر و لا كورولا كنت قولت السيفيك بس مع a5 يقى منغير تفكير خالص a5
ضرتك الاوكتافيا ب150 الف او زيادة حاجة بسيطة وفيها جميع الكماليات لانها عندي
و كماليات بزيادة
لكن تفرق عن الاليجانس بكماليات ترفة
زي مثلا تسخين المقاعد
ورفع الكراسي كهربيا
و نظام بلوتوث في السيارات
لكن اول الاوكتافيا فيه كل الكماليات
اللى اعرفه ان اول الاوكتافيا مفيهاش جنوط و لا فرش جاد و لا multifunction و لا parking sensors و مفيهاش غير cd واحد audio على ما اعتقد بس طبعا علشان دى اول فئة فيها
فانا بوضحله بس انه مش هيلاقى مثلا الحاجات دى اللى بتزيد على الهوندا السيفيك يعنى هيلاقى نفس الكماليات اللى فى السيفيك بالظبط بس برده لو جاب اول فئة من الاوكتافيا بس بقول لا مجال للمقارنة اساسا
حتى لو الa5 منغير تكييف و لا موتور برده احسن من السيفيك(حتة مبالغة شوية ;))
السيفيك عربية خراففففة و ممتازة بس مش زى الa5 خالص , الa5 احسن بكتييييير.
باختصار السيفيك عربيه تنفع من سن 18 ل 100 سنه لأنها شباب وروشنه +فخامه
أما الأوكتافيا لسن +100 ههههههههههههههههههههههه :oops: شكلها تنفع مع واحد عجوز و مكحكح وتقيل الحركه قوي ولابس بدله قديمه مأيحه وكمان سعرها غالي قوي على شكلها القديم ده !!!!!!!!!!
سفيكاوي على طووووووووووووول :embarrassed2:
كلامك مظبوط يا سمعى
انا بتكلم على انها مش فاضية احين الناس تتخض
و مين هونداوي ده هاتوه
سيبهولي يا رجالة
طب انا عندي الاوكتافيا اي نعم مش بحب اسوقها
بس مش مكحكح و لا عندي ميت سنة
انا بهزر معاك يا باشا
الأوكتافيا دي بحسها معمولة لمصر
موتور عفي و محترم
ارتفاع ممتاز عن الأرض
عفشة خدمة شاقة (خشنة صحيح بس تحفة)
وسع داخلي مناسب جدا
شنطة واسعة واسعة واسعة
قطع غيار مناسبة مش غالية
كماليات أساسية كويسة
- سنتر و انذار و ريموت
- زجاج كهربائي اوتوماتيكي 4 ابواب
- فتح الشنطة من الريموت
-cd Mp3 اسطوانه واحدة
- مثبت سرعة
- ستيب ترونيك
- كمبيوتر رحلات - كمبيوتر أعطال
- تصفيح اسفل المحرك
هيـــــــــــــــــــــــ ــــــــــه ؟؟؟؟ ازي الحــــــــــــــــــــــ ــــــال
لأ معلش سيبهولى انااقتباس:
سيبهولي يا رجالة
السيفيك دى تنفع لواحد عنده من 3-5 سنين بس :p
الاوكتافيا شكل قديم ايه يا راجل :p
منغير تهريج بقا
السيفيك شبابى اوى اوى اوى بزيادة انما الاوكتافيا الصراحة تنفع لكل الاعمار شبابى و فى نفس الوقت فخمة جدا لحد كبير.
بصراحة اللى فيها xenon الاصلى و فتحة السقف و الفرش الجلد بالكراسى الجلد و البلوتوث و التلاجة فعلا مبهرة جدا جدا جدا جدا جدا الصراحة كفاية الxenon الصراحة بحسوا شيك زى بتاع الbmw .
بعدين العربية بيعجبنى شكلها جدا جدا (السيفيك فعلا شبابى بس , تابلوه شبابى اوى ) بس السكودا فعلا حاجة تانية و خصوصا شكلها من قدام و شكل الفتيس رهيب.
الحاجة الوحيدة اللى مدايقانى فى الاوكتافيا لون النور بتاع التابلوه الاخضر.
عارف الاليجانس منها لون الشاشة ازرق شوية عارف لو كان دا لون التابلوه كله كانت تبقى احلى و احلى.
قاعدة السيفيك مش مريحة اساسا لشحص كبير , القاعدة كمان شبابى
تمام يا رجالة
و اهم حاجة ربنا يتسرها علينا من طرق مصر
اكيد طبعا :)اقتباس:
هههههههههه يا باشا اختلاف الرأي لا يفسد للود قضية :stuart: وأهلا بيك
هو بس كل واحد بيحب عربيته و مقتنع بيها و بيدافع عنها :boxing_smiley: والا مكانش جابها صح ولا ايه :)
اه طبعا و على فكرة انا بحب السيفيك جدا جدا جدا برده و بدافع عنها لما اسمع حد بيقارنها باللانسر و لا الكورولا :p
و بعدين يا سيدى علشان متزعلش انا كمان عندى 21 سنة يعنى اكيد السيفيك بتعجبنى جدا جدا.
و على فكرة انا معنديش الاوكتافيا علشان كدا بدافع عنها و لأ خالص :p
اوكتافيا طبعاً
أنا موافق على إنت بتقلو، أنا مش عارف حاجة عن السيفيك بس من تجربتي مع شركة سكودا اللي بحبها جداً طبعا اوكتافيا.
كان معنا اوكتافيا A ٤ وبعد الشر عن أي حد، العربية إتقلبت كذا مرة ولفت كتير جداً ودة كان فوق كوبري أكتوبر بس مشاء الله اللي جوا خرج بسلام، العضم بتعها جامد جداً، بعدين جبنا A 5 والعربية دي جامدة جداً وكفاية انها من VW جروب يعني تكنولجي ألماني والتوكل شغال وأنا كان معايا فابيا بردو كانت جامدة جداً. عشان كدة أنا بحب عربيات سكودا وبرشحها إلى أي حد.
على فكرة يا جماعة
التوكيل عمل لينا خصم الف جنيه في عربية سكودا اوكتافيا
علشان كنا شاريين قبل كده سكودا فيفوريت زيرو
و محدش يعرف الظروف يمكن اروح اشتري نيو فابيا من عندهم
لانها عربية تحفة
و بصراحة انا عشقت سيارات سكودا
الهوندا طبعا تكسب بدون تفكير وعن تجربه
اركب العربيتين وشوف ادائهم وانت تعرف تحكم عليهم
1-الa5 موتور 102hpضعيف جدا علي حجمها واداء عادي جدا
السيفيك 124hp واداء رياضي عالي جدا
2-الشكل الخارجي اكيد السيفيك تكسب بشكلها الرياضي التحفه غير الa5 بشكلها التقليدي غير ملفت بالمره
3-بالنسبه للسعر الهوندا تكسب وتستاهل كل مليم يدفع فيها
انا شايف ان الاوكتافيا سعرها مبالغ فيه شويه وكل الحكايه شويه كماليات وانا عن نفسي ممكن استغني عنهم
4-السيفيك ياباني 100% واكيد تاريخ هوندا مش محتاج كلام لكن الa5تجميع الماني ومش تصنيع الماني
5-سعر اعاده البيع في السيفيك الجديده اكتر من ممتاز والعربيه دي عملت انقلاب في السوق المصري
طبعا كل ده مايقللش مكن الa5خالص لكن بصراحه السيفيك اجمد
ولولا اختلاف الازواق لبارت السلع
انا مع حضرتك في اول نقطة
تاني نقطة الكل بيحب شكل الاوكتافيا جدا و ممكن مسالة ازواق
تالت نقطة لأ معلش يا باشا كفاية التقفيل و الصاج المستخدم لا تستاهل اوي التمن
و شوف الكورورلا بكام و عاملة ازاي جنب الاوكتافيا
رابع نقطة A5 تصنيعها نضيف جدا و عالي جدا و مفيهوش عيوب صنع
العربية دي تحفة بجد
خامس نقطة لأ معلش برضه
السيفيك الجديدة سعر اعادة بيعها اقل من الاوكتافيا
و قطع الغيار في صالح الاوكتافيا
و في الاخر مسالة ازواق زي ما حضرتك قولت
راجع الموضوع ده وبعدين قولنا رأيك بعده
http://www.nilemotors.net/Nile/showthread.php?t=563
بص ياباشا هي في الاول وفي الاخر مساله ازواق وراحه نفسيه
بصراحه انا مش مقتنع باي عربيه غير السيفيك بعد المرسيدس والبي ام طبعا
بس في حاجه مهمه عايز انبه حضرتك ليها
فعلا سعر اعاده البيع في السيفيك افضل
موديل 2007 يتباع ب135الف يعني يخسر 4 الاف فقط في سنه ده طبعا ممتاز جدا
بالنسبه للاوكتافيا الاليجانس بتخسر كتير فعلا مش اقل من 15 الف
وانا لما اتكلمت عن الاداء ده كان من واقع تجربتي لأني سقت العربيتين
بصراحه حسيت بفارق لصالح السيفيك
وانا مش عايزك تزعل من الكلام ده احنا بنتناقش لكي نفيد ونستفيد
انا مليش دعوة بالاليجانس
الاوكتافيا A5 العادية لغاية اللي قبل الاليجانس شغالة
و انا بتكلم عن سيفيك 2008 الشكل الجديد مش كده و لا هو ه من 2007
مش فاكر والله
و علشان حضرتك شاب اكيد حتحب السيفيك
بس لما يبقى عندك خمسين سنة و عندك عشر ولاد و عندك شنط كتير ساعتها مش حتحتاج الاداء الرياضي
لانك مش حتغامر بولادك و احفادك
و حتحتاج عربية زي الاوكتافيا
او اتوبيس نقل عام
و في الاول و الاخر مسألة ازواق
السيفيك بدون كلام ولف ولا دوران
مضمونه وكماليتها مش موجوده الا في الاوكتافيا الي معدي 175الف
على ايه وبعدين قوتها صغيره بالنسبه لحجمها وسياره العالم اللي طلعوا من خدمه الحياه يعني سنهم فوق 80 سنه لكن هوندا تنفع اي حد
تصحيح بسيط
اوكتافيا ابو 153 الف جنيه
فيها كل الكماليات
مش 175
معلش كماليات الاوكتافيا اى فئة هى هى كماليات السيفيك او ازيد بكتير اوووووووووووووووووووووووو ووووووى حسب السعر.اقتباس:
السيفيك بدون كلام ولف ولا دوران
مضمونه وكماليتها مش موجوده الا في الاوكتافيا الي معدي 175الف
على ايه وبعدين قوتها صغيره بالنسبه لحجمها وسياره العالم اللي طلعوا من خدمه الحياه يعني سنهم فوق 80 سنه لكن هوندا تنفع اي حد
معلش هوندا متنفعش اى حد خالص , هوندا اخر اللى يركبها يكون عنده 40 سنة بالكتيير اوى لانها عاملة زى العربيات الsport يعنى واطىة على الارض و التابلوه رياضى جدا و الواحد قاعد فيها يحسها رياضية اوى و لو سالت اى حد 40+ هيقولك شكلها وحش من بره و جوه علشان هى شبابى اوى.
الاوكتافيا تنفع كعربية شبابى او عربية فخمة لحد كبير سنا.
اركب الاوكتافيا واركب السيفك وانت تعرف يعني اية اوكتافيا وياريت تاخد
مشوار على طريق سريع لمدة 10 دقايق وانت بعديها هتنزل تشتري اوكتافيا
طيب انا اقترح ان تقود الهوندا على الطريق السريع اكيد افضل من الاوكتافيا
بص هو موضوع يحير فعلا بس انا ليا رأي المتواضع
اني مدفعش في عربيه مليم زياده عن تمنها وانا مصمم على المبدأ ده
السيفيك واللانسر الجديد والكورولا مغالى فيهم جدا جدا بالنسبه للاوبشنز اللي فيهم (يمكن الكورولا الجديده احسنهم بس برضو جنوب افريقي فبالتالي تبقى غاليه على تمنها الاصلي )
عشان كده انا مثلا لما اختر حاجه شبابي جبت السوبارو لما فيها من انك بتدفع تمنها بالمليم وبتاخد عربيه تستحق سعرها
نيجي للهوندا والاوكتافيا دي فئه ودي فئه ومينفعش يتقارنو ببعض اصلا لان الهوندا حتتظلم اوي (وبرضه الهوندا غاليه ) يعني اقعد في الاكتافيا وشوف التابلوه والفخامه والخامات العاليه اوي وتحس انها معموله بنضافه وبرستيج في شكلها بس ومش حتكلم على العربيه نفسها
اما السيفيك فقشطه حلوه وبتاع وجرايه وثابته بس تحس انك راكب فيديو جيم الفضاء الخارجي
طبعا انا مجرب الاتنين وده شعوري الكامل لكل واحده منهم
يعني لو انا شاب مش حجيب سيفيك لانها بحس انها فقيره اوي في امكانيتها(بخل) وغاليه عالفاضي يعني السوبارو برقبتها بس لو كانت سيدان طبعا
وان شاء الله لما ابقى مدير ولا ربنا كرمني ومعايا عيال ومركز حجيب اوكتافيا (لانها لايقه فعلا ) او ربنا يكرم ونجيب بي ام ونخلص (يارب 760 ال اي بس) :)
علشان هنداوى بس لو كنت سكوداوى كنت قلت العكس :pاقتباس:
-1000000000000
معقول واحد عنده 40-50 سنة يركب السيفيك؟؟؟؟
اكييييد اكييييييييييد لأ يعنى العربيىة شبابى اوى اوى اوى اوى اوى