ازاى اعرف انو الموتور خفيف ؟؟

دلوقت انا العربيه بتجيب زيت من حته انا مش عارفها المهم غالبا اويل سيل او جوان او اى حاجه سهله المهم رحت للميكانيكى عشان يشوف المشكله فين فقالى انو المكنه خفيفه و ده اللى يخلى اويل سيل يضرب و لو صلحته هيرجع يضرب تانى عشان المكنه خفيفه و انا مش ضامنه و شاكك فى كلامه لانو العربيه معايا من حوالى 7 شهور دلوقت و لما جبتها كان الموتور حالته كويسه و انا محملتش على العربيه عشان المكنه تخف فعاوز اعرف هل فى الطريقه اعرف منها المكنه خفيفه ولا لا
و لو فعلا خفيفه يبقى اغيرلها طقم شنبر و لا ايه ؟
و هل زيت الشنبر او السيراتك بتاع شركه ليكوى مولى كويس و ينفع فى الموضوع ده و لا ملوش لازمه ؟
اخر حاجه بقى حاليا انا العربيه مش بترضى تدور الا لو دست سنه بنزين و انا بدورها و غير كده مش بتلقط ده بقا عيب رشاشات و لا طرمبه و لا ايه ؟

يا ريت سرعه الرد لانو من ساعه مالميكانيكى قالى موضوع المكنه الخفيفه ده و انا زهقت من العربيه و راكنها بقالها بتاع 4 ايام مش باجى عندها

الكلام ده مش منطقي
لو الموتور كبسه ضعيف (خفيف)
ده مالوش علاقه بالاولسيهات
بالعكس الضغط عليهم هيبقي قليل
خلينا نبدا من اخر نقطه حضرتك قولتها
غياب الدواره اما طرمبه بنزين ضعيفه
او رشاشات ضعيفه او في زيت علي البوجيهات
--علشان ماتحتارش
دور العربيه ولاحظ الاتي
-لو العادم لونه ابيض وريحته وحشه وملمس ماسوره
الشكمان من جوه زيتي يبقي طقم شنبر او كاوتش صباب
-اثناء الدواره برده افتح غطا تزويد زيت الموتور لو لقيت دخان
ابيض طالع وريحته عادم يبقي برده شنبر او كاوتش صباب

زى ما قال فادى
العملية مش بالبساطه دى

طيب انا عندي ساعات الدخان يكون ابيض وساعات يكون اسود عاوز اغير كاوتش الصباب ده ايه المطلوب واغيرة فين لان انا من الشرقيه وقاعد فاكتوبر لو في حد قريب مني كويس أو اجيب الكاوتش ده منين انا في ميكانيكي هنا كويس بس مفيش قطع غيار خالص لأوبل فاكتوبر

اقرب مكان ليك الرجاله هترد عليك اكيد ...
بس خلي بالك انك هتفتح الموتور وفتحته مش سهله يعني مش هيبقي مجرد كاوتش صباب .
في ثوابت لازم تعملها وهي روديه لرؤوس الصبابات وهتغير جوان وش السلندر وجوان مانفولد وجوان فرن
وفي حجات ممكن تقابلك ماينفعش تسيبها من غير ماتعملها زي لو لقيت اي تاكل في فارغه وش السلندر ,لازم
هتملاه وتفرزه وممكن تغير بلوف الزيت وشواكيش الصبابات كمان لانك بتتكلم عن عربيه من 98 ..
حسيت ان الدنيا كركبت عليك؟؟معلش هقولك حل جميل مؤقت
-بعض الميكانيكيه القدام الخبره لما يلاقي كاوتش الصباب نشف وبيهرب زيت بدل مايفك الموتور يحط من الكربراتير او مكان السحب زيت خروع اثناء مالموتور شغال وده بيطري كاوتش الصباب لفتره كبيره .
الفكره دي انا جربتها في سوبارو ليون من 8 سنين وماكنتش متخيل النتيجه سحر والله..
-دلوقتي العلم تطور في اضافات للبنزين بتعتني بالصبابات والكاوتش بتاعها شفت منها منتج امريكي في كارفور الاسكندريه قريب .عاوز تجرب زيت الخروع مفيش مشكله مش هتخسر حاجه بس هتطلع علي مكان فاضي لان الدخان نتيجه حرقه ريحته مش مقبوله .طولت عليك ....ربنا يوفقك

اقتباس:

---

المشاركة الأصلية كتبت بواسطة cool_man

طيب انا عندي ساعات الدخان يكون ابيض وساعات يكون اسود عاوز اغير كاوتش الصباب ده ايه المطلوب واغيرة فين لان انا من الشرقيه وقاعد فاكتوبر لو في حد قريب مني كويس أو اجيب الكاوتش ده منين انا في ميكانيكي هنا كويس بس مفيش قطع غيار خالص لأوبل فاكتوبر

---

الدخان لو ابيض يبقي المكنة بتاكل زيت او بيجي زيت علي البوجيهات
اما لو اسود فدة كدة المكنة عايزة تتظبط ودة عموما بيبقي عيب كهربا

والله المستعان
،
،

صعب قوى مكنه 2000 سى سى تفوت زى ما فادى باشا ما قال لحضرتك الميكانيكى شكله عايز يعمل شغل معاك

اقتباس:

---

المشاركة الأصلية كتبت بواسطة hellboy

اقرب مكان ليك الرجاله هترد عليك اكيد ...
بس خلي بالك انك هتفتح الموتور وفتحته مش سهله يعني مش هيبقي مجرد كاوتش صباب .
في ثوابت لازم تعملها وهي روديه لرؤوس الصبابات وهتغير جوان وش السلندر وجوان مانفولد وجوان فرن
وفي حجات ممكن تقابلك ماينفعش تسيبها من غير ماتعملها زي لو لقيت اي تاكل في فارغه وش السلندر ,لازم
هتملاه وتفرزه وممكن تغير بلوف الزيت وشواكيش الصبابات كمان لانك بتتكلم عن عربيه من 98 ..
حسيت ان الدنيا كركبت عليك؟؟معلش هقولك حل جميل مؤقت
-بعض الميكانيكيه القدام الخبره لما يلاقي كاوتش الصباب نشف وبيهرب زيت بدل مايفك الموتور يحط من الكربراتير او مكان السحب زيت خروع اثناء مالموتور شغال وده بيطري كاوتش الصباب لفتره كبيره .
الفكره دي انا جربتها في سوبارو ليون من 8 سنين وماكنتش متخيل النتيجه سحر والله..
-دلوقتي العلم تطور في اضافات للبنزين بتعتني بالصبابات والكاوتش بتاعها شفت منها منتج امريكي في كارفور الاسكندريه قريب .عاوز تجرب زيت الخروع مفيش مشكله مش هتخسر حاجه بس هتطلع علي مكان فاضي لان الدخان نتيجه حرقه ريحته مش مقبوله .طولت عليك ....ربنا يوفقك

---

الف شكرا يا باشا علي المداخله الجامده .انا بس ليا كام سؤال كده معلش
هو موضوع الخروع ده انا ممكن اجربه.لان انا شاكك ان المكنه تكون فيها حاجه انا ماشي علي حوار تتليت الموتور واظبط البيجوهات وساعات تدخن وساعات تمنع فتره وكنت جايب العربيه من 7 شهور كده ومضغطتش عليها لدرجة تخف الموتور.قوللي فين احط الزيت الخروع ومعلش الاضافات اللي بجيبها دي ممكن الاقيها فأي بنزينه واسمها ايه بالظبط ؟ او اجيبها منين؟؟
انا حاسس انهم كاوتشات صبابات بس والله اعلم لأن لو لقيت فيها فتحه كبيرة هجيب موتور واريح نفسي بس حرام لازم اجرب الاول
هو كاوتشات الصباب بيفك الموتور ولا الوش بتاع البيجوهات بسس ؟؟

منور د احمد

ينفع زيت الخروع فى عربياتنا

هتشتري زجاجه زي خروع من الصيدليه وتطلع علي مكان مفتوح وتفك العمه السودا وتدور الموتور,حط الزيت بالراحه وزود بايدك بنزين من الاكسراتير علشان الموتور مايبطلش لغايه مالزيت يفرغ هو زيت الخروع من الزيوت اللزجه جدا وان شاء الله هيجيب معاك نتيجه
-الاضافات تجيبها من اي بنزينه كبيره او اقرب موزع لمنتجات ليكوي مولي الالمانيه هتلاقي موضوع عنها في المنتدي العام ..

اقتباس:

---

المشاركة الأصلية كتبت بواسطة hellboy

هتشتري زجاجه زي خروع من الصيدليه وتطلع علي مكان مفتوح وتفك العمه السودا وتدور الموتور,حط الزيت بالراحه وزود بايدك بنزين من الاكسراتير علشان الموتور مايبطلش لغايه مالزيت يفرغ هو زيت الخروع من الزيوت اللزجه جدا وان شاء الله هيجيب معاك نتيجه
-الاضافات تجيبها من اي بنزينه كبيره او اقرب موزع لمنتجات ليكوي مولي الالمانيه هتلاقي موضوع عنها في المنتدي العام ..

---

الف شكر يا فادي باشا
بس هو كاوتش الصباب ده لو غيرته هيفتح الموتور ولا من وش البيجوهات بس
واروح البنزينه اقوللهم ايه

اقتباس:

---

المشاركة الأصلية كتبت بواسطة tananybasha

منور د احمد

---

ده نوركم يا استاذ محمد والله

اقتباس:

---

المشاركة الأصلية كتبت بواسطة hellboy

هتشتري زجاجه زي خروع من الصيدليه وتطلع علي مكان مفتوح وتفك العمه السودا وتدور الموتور,حط الزيت بالراحه وزود بايدك بنزين من الاكسراتير علشان الموتور مايبطلش لغايه مالزيت يفرغ هو زيت الخروع من الزيوت اللزجه جدا وان شاء الله هيجيب معاك نتيجه
-الاضافات تجيبها من اي بنزينه كبيره او اقرب موزع لمنتجات ليكوي مولي الالمانيه هتلاقي موضوع عنها في المنتدي العام ..

---

تسلم عالمعلومات الجميله ده
بس لو حطيت زيت الخروع هحتاج انضف البوابه و البوجيهات بعدها و لا لأ
و هل لازم اجري بالعربيه بعدها علشان دخان الحرق يروح و لا متفرقش

هيفتح الموتور طبعا ..الصبابات في فارغه وش السلندر انما الجزء العلوي ده اسمه بيت الكامه
دور علي منتجات ليكوي مولي اضافه تعتني بالصبابات (valve cleaner )

طيب انا معنديش عمه
احطه منين

اللي ماعندوش عمه هيحط الزيت في سرنجه ويرشه من فتحه المانفولد الجانبيه ..

اقتباس:

---

المشاركة الأصلية كتبت بواسطة hellboy

اللي ماعندوش عمه هيحط الزيت في سرنجه ويرشه من فتحه المانفولد الجانبيه ..

---

دة والماتور شغال
ولا اى
ولو شغال الدنيا هتبوظ والماتور هيتبركل ودخنا سودا