-اولا التعارف:- انا أخوكم محمد 21 سنه , رابعه حقوق
- ثانيا: انا بتابع قسم الدراجات الناريه من 2008 من ايام العضو الرائع CBR لو حد فاكره هو دلوقتى موقوف مش عارف ليه ده كان راجل زى العسل
, ولكن الحمد لله عندنا دلوقتى وحوش فى القسم كتير ربنا يجازيهم خير على مساعدتهم للاعضاء , وبصراحه مكنتش بشارك فى الموضوعات اولا لجهلى فى الموتوسيكلات عموما ققصد البيع والشراء والميكانيكيه وغيرها بس انا بعرف اسوق. ثانيا : مكنشى عندى موتوسيكل اساسا, ولكن الحمد لله بعد عناء بعت العربيه واقنعت الحج والدى بفكره الموتوسيكل وديه كانت مهمه مستحيله
.
ثالثا : بقى وده الاهم انا دلوقتى معايا 30 ألف وممكن اتصرف فى 5 عند الضروره سايبهم لتظبيط المكنه بعد شرائها لو فيها حاجه مش عجبانى او محتاجه حاجه, وبصراحه انا عايز اشترى مكنه تكون افراج عشان انا شايف معظم الناس هنا بتبهدل المكنه وبتخليها خرده من اللف والاستعمال الغشيم بالاضافه للطرق المنيله فى مصر, بس المشكله انا مشتريتشى قبل كده خالص, وانا حاطط فدماغى الريسات الاتيه:-
2004 Honda CBR 400
او احدث طبعا..
2004 Honda CBR 600 RR
1998 Honda CBR 900
2004 Yamaha YZF-R6
بس كده دول اللى انا بفكر فيهم بس مش متأكد من الاسعار هلى هى تتوافق معى ميزانيتى ولا هتخرم خاصه انى بميل اكتر لل 2004 Yamaha YZF-R6 , ولو مش هينفع افراج هل ممكن قلاقى مكنه معلقه نمر حاله ممتازه او قريبه للافراج ولا هدوخ عقبال ملاقى.
وياريت تفيدونى يا جماعه عشان انا دلوقتى بمتحن
وناوى ان شاء الله بعد ما اخلص الامتحانات اروح بورسعيد واشترى بس كنت عايز اروح وانا فاهم شويه
, وان شاء الله هتابع معاكم خطوه بخطوه لحين الشراء وأسف جدا على الاطاله.
المفضلات