الموضوع: tips and tricks ازاي تلعب في اجهزة WinCE GPS

طبعا لازم في الأول نشكر نجم الـGPS الاوحد في المنتدى اخونا ASKAFRAWY إللي اتعلمنا منه الكتير واستفدنا منه كتير

- الجهاز:
الجهاز إللي معي اشتريته بـ375 من اسمهم ايه :-) ..طبعا في اختلافات بين الاجهزة، لكن في العموم معظم الأجهزة فيها نفس الـtricks او الافتكاسات..طبعا انا اقصد الاجهزة إللي بتعمل بنظام تشغيل Windows Embedded CE. انا الجهاز إللي معي يعمل بالاصدارة السادسة Version 6.0.

الافتكاسة الأولى:
لما الجهاز يشتغل، اضغط 6 مرات في اسفل يسار الشاشة..يعني الكورنر إللي تحت على الشمال، ثم اضغط ضغطة طويلة على اسفل يمين الشاشة (الكورنر إللي تحت يمين)..هاتلاقي السيستم قلب على ويندوز CE على طول. وهاتلاقي نفسك شايف كل امكانيات الجهاز وتقدر تشغل control panel وexplorer للتصفح في كل الملفات على الجهاز وتحميل برامج...إلخ

الافتكاسة الثانية:
لما تدوس على My Device او تشغل Explorer لتصفح الملفات هاتلاقي 3 اماكن تخزين هم
- اولهم my device وهاتلاقي فيهم فولدرات الويندوز وprogram files وmy D e v i c e وكدا
- ثانيهم Residentflash ودي إللي عليها (غالبا) برنامج الملاحة navigator ويعض الملفات الأخرى. ولو عندك WinXP ممكن تشوف الجزء دا بس طبعا مش هاتشوف my device
- ثالثهم SDMMC ودا كارد الميموري
الافتكاسة بقى إن في مكان تخزين مختفي اسمه Residentflash2 ودا إللي بيبقى عليه اغلب البرامج إللي بتشغل الجهاز. وعلشان تشوف المساحة المختفية دي تعمل الآتي، تكتب في بار address الآتي \residentflash2\ وEnter هاتفتح معاك. وتقدر تمسح وتعدل وتضيف وتعمل كل إللي انت عايزة بس انت المسئول لو البرامج الاصلية باظت :-))) في اجهزة لو عملت restart ترجع كل حاجة زي الاصل

الافتكاسة الثالثة:
لو عايز تخلص نهائي من البرنامج بتاع الفابريقة من غير ما تمسحة قدامك اكثر من طريقة، منها مثلا إنك تغير اسم الملف rename \windows\S h e l lPVE.exe او تستخدم برنامج regedit.exe إللي موجود في إللينك دا Windows CE: Simple Little Registry Editor
وبعدين تروح تلغي HKEY_LOCAL_MACHINE\INIT\LAUNCH98\S h e l lPVE.exe
وإن كنت مانصحش بعمل الافتكاسة التالتة دي طبعا في مسافات زائدة في اسم الملف

طبعا الافتكاسات ممكن ما تشتغلش على جهازك علشان مش WinCE 6.0 او من غير ....S h e l lPVE.exe بس عموما لو جربت واشتغلت معاك حاجة منهم ابقى قول لنا جهازك ايه وإي من الافتكاسات إللي قالت معاك

تحياتي

المشاركة الأصلية كتبت بواسطة momo44

افتكاسات جامدة جداااااااااا

محتاج سوفت وير للاهميه لان فجاه البلوتوث مش شغال والجي بي اس كمان