الموضوع: احب محمد صلى الله عليه وسلم واهل بيته و لكن ....

المشاركة الأصلية كتبت بواسطة no comment

عارف يا دكتور اللى حضرتك بتقول عليه ده وموافقك عليه طبعاً ... بس حضرتك اكيد برضوا عارف عينة الناس اللى بتكون هناك وبتتمسح دى عاملة ازاى .
الوصف الوحيد اللى ينطبق عليهم هو الجهل ... زى بالظبط الناس اللى النظام الفاسد كان بيشترى صوتها ايام الانتخابات فى القرى والنجوع والعشوائيات بالظبط .
يبقى المفروض ان حد يفهمهم الاول ان ده حرام ... وبعد كدة هيعرفوا ان انهم لو صمموا على عمل كدة بعد ما عرفوا هيبقى شرك .
ولا أيه يا دكتور ...؟

يا سيدى الفاضل العذر بالجهل ييجى إزاى مع وجود العقل وتوفر مصادر العلم؟؟؟؟؟
دا ميبقاش جهل دا تكاسل!!
ومتقوليش دول حمير مفروض ان دول بشر عاقلين بيصلوا فى الجامع وبيسمعو فى العربية شرايط وبيسمعوا ناس بتتكلم فى الفضائيات وفى كل مكانومش كلهم ناس بسطاء دا فيهم دكاترة ومهندسين وكل الفئات
المعذور بالجهل دا واحد فى الأدغال أو فى الصحرا بعيد عن كل وسائل العلم
انما اللى مقصر فى التععليم زى واحد مننا مثلا بيصلى خطأ ومش بيحاول أبدا يتعلم دا يؤخذ بعذر الجهل؟
طبعا رحمة ربنا واسعة ويارب يرحمنا جميعا ويهدينا ويغفر لنا تقصيرنا
أدعوك للبحث فى تفسير هذه الآية من أكتر من مكان:
"حَتَّى إِذَا جَاؤُوا قَالَ أَكَذَّبْتُم بِآيَاتِي وَلَمْ تُحِيطُوا بِهَا عِلْمًا أَمَّاذَا كُنتُمْ تَعْمَلُونَ"