الموضوع: مقابلة قسم السيات

جزاك الله خير يابشمهندس سيد ,,, المقابلة دي ان شاء الله تتم انت عارف meeg محمد كان منظمها من كام شه برضه بس ماتمتش وهو دلوقتي فالجيش لو ليه نصيب يكون فاجازة بعد مانحدد معاد هكلمه واقله ان شاء الرحمن والله ينور بجد مواضيع جميلة ومفيدة جدااا الفترة اللي فاتت وربنا يحفظك ودابتك ) من كل سوء ,ايهاب

ان شاء الله معاكو كل ايام الاسبوع بعد الساعه 5 والجمعه طول النهار بس مش بكره لانى هكون فى السويس ان شاء الله بس مش هقدر اتواجد فى المقابله لو فى مدينه نصر او 6 اكتوبر لان رخصتى منتهيه ومبعرفشى اخرج بعيد عن الهرم
اسف على الاطاله
احمد عبد السلام

أولا يا بشمهندس محمد مش عارف أقولك ايه على الكلام الجميل ده والله ، ياراجل أخجلت تواضعى والله - معرفش بقى هما بيقولوها كده.

ثانيا بقى ياريت فعلا نتقابل كلنا مع بعض ونتشرف واللهب الناس المحترمه دى كلها عن قرب وأكيد هنستفاد كتير أوى من مقابلتنا اننا نعرف بعض اكتر ونفيد بعض فى أى حاجه ، واللى ميعرفش حاجه هيعرفها ، واللى يعرف حاجه هيقولها للى ميعرفش وكفايه كده عشان انا دوخت .

وبما ان مفيش حد اقترح مكان ولا زمان لحد الوقتى ، وبما إن الباشا acole (م/ أحمد عبد السلام ) رخصته منتهيه بقى ، وبما إنى أنا كمان من الهرم ( لازم أستغل الموقف ) يبقى نتقابل بقى كلنا فى الهرم.

الإقتراح الأول :- نزلة الدائرى من عند المريوطيه ونقعد فى أى مكان هناك مع بعض عشان نسهلها على الناس اللى جايه من عين شمس
الإقتراح الثانى:- أى مكان يتم الإتفاق عليه فى شارع الهرم أو فيصل مش هتفرق
الإقتراح الثالث:- أى مكان تفضلوه غير الأول والثانى وأنا بأمر الله معاكم فى اى مكان


المواعيد بقى:-

1) يوم الجمعه بعد الصلاه ، أو قبل الصلاه ونصلى مع بعض وأعزمكم على الفطار عند جاد ، أو أخر اليوم بليل.
2) يوم الأحد بعد الساعه 6 مساءا - عشان م/ محمد سيد مش فاضى السبت بالنهار ولا انا كمان بصراحه.
3) أى يوم فى الأسبوع بعد الساعه 6 مساءا
4) يوم الجمعه بعد القادم بقى فى أى موعد

أنا حبيت أحط شوية اقتراحات - وياريت م/ محمد سيد يحطها فوق فى أول مشاركه - بحيث الناس اللى تدخل تختار أى اقتراح يناسبها وميعاد مناسب ونقد نتفق على حاجه يختارها الأغلبيه بقى.

السلام عليكم

جزاك الله خيرا يا بشمهندس سيد

ان شاء الله معاكم