ممكن تركيب abs في لانوس 2؟؟؟؟؟

**Msahaly** · 12-01-2012 03:01 AM

ممكن تفدوني في تعديل فرامل دايو لانوس 2 لجعلها زي الاستيراد (ABS) لان الحوار ده مهم اكتر حاجة هي اللي مزعلاني من العربية الرائعه و بعدين مهم جدا في الطرق المصرية......المحترمة جــــــــــــــــــــــــ ــــــــــدا مع العلم ان سيارة صديق ليه و كانت جوليت استيراد كامله + ايرباج و ABSو كانت ممتازه عشان كده ده اللي خلاني أسال في الحوار ده لاني لقيت انها هي هي بس اختلافات طفيفة و كل حاجة موجوده استعمال؟

**ahmed_mido1889** · 12-01-2012 03:15 AM

هيكلفك كتير ومش هيبقي ليه لازمه

عدل الفرامل زي فرامل اللانوس ال1600 واقلب اللي ورا سكاكين وهتلاقي فرق جامد

**Msahaly** · 12-01-2012 03:59 AM

هو مهم بالنسبة لي بس حكاية (اقلب اللي ورا سكاكين وهتلاقي فرق جامد)هي دي اللي انا كنت بكلم ناس قالتلي السكاكين ورا مش كويسة و بتعمل صوت و بنسبة لتعديلات عندي انا مركب تعديل الفرامل امامي كما كان في المنتدي بس في الجنب الخلفي انا غيرتهم بتوع نوبيرا مش سكاكين و هم جوايد مش مسامير....وبالنسبة لقطع الغيار ليها فهي كتير فده اللي مشجعني شوية(ولاسف انا من هواة التاخر في مواعيدي فبالتالي بصراحة ببقي طاير اغلب الوقت )
بس مش علطول قرص علي العربية انا بس عايز تحسن عشان انا كان في واحد وقف مره و احده قدامي و علي الرغم من التعديلات الا اني كنت برده رايح اركب في الشنطة بتاعته وكانهم مشفوش بعض من زمان والـ ABS بيقصر المسافة جامد و بيحافظ علي تاكل الاطارات و فرامل ممتازه مع التعديلات فوق الرائعة

**ahmed_mido1889** · 12-01-2012 04:23 AM

ال abs مش بيقصر المسافه هو بيمنع الزحف وبيسمح بتغير الاتجاه في اثناء كبس الفرامل

انت لو دوست فرامل بيبقي في نقطه قبل انغلاق الفرامل بالكامل العربيه مش هتزحف معاك وهتقف في اقل مسافه

وانا كنت سالت علي تركيب الabs في توكيل دايو في سنه 2004 لاقيته هيتكلف بتاع 8000 جنيه

**Msahaly** · 12-01-2012 04:51 AM

الـ abs مش بيقصر المسافه هو بيمنع الزحف وبيسمح بتغير الاتجاه في اثناء كبس الفرامل
------وده في حد ذاته طفره بالنسبة للانوس
مبدأ كلام حضرتك صح 100%100 انا بس اللي اتلخبط شوية بس انا كنت بقول ان انا ممكن اجيب الحاجات المطلوبة و اركبها عند حد فاهم و ليس التوكيل لان السعر مبالغ فيه و قطع الغيار كتير بالذات وارد الخارج و عمرها متوصل لنص التكلفه دي و ممكن نحسبها و احده واحده..؟
وبالنسبة الـ(حضرتك كنت سالت علي تركيب الabs في توكيل دايو في سنه 2004 لاقيته هيتكلف بتاع 8000 جنية) فده صعب بالنسبه لي ده انا اغير بحاجة تانية و ادفع الفرق ده عربية تانية فيها abs>>>>>>>>و مع العلم السنه دي 2012 و بعد الثورة فاكيد حاجات كتير حتتغير هههههههه.

**ahmed_mido1889** · 12-01-2012 05:00 AM

يبقي علي حد علمي

هتغير حاجات كتير منها ال4 طنابير علشان تجيب فيها حساسات

هتجيب كنترول ايه بي اس

ضفيره ايه بي اس

مش عارف بقي هتغير حاجه تاني والا ايه

بس ده اللي انا اعرفه

**Msahaly** · 12-01-2012 05:22 AM

جزاك الله الف شكر يا باشا علي الرد و معلش غلبتك معايا بس الحوار ده لو نفع حيبقي اجمد حاجة و انا بحب العربية بتاعتي مع اني معايا عربية تانية برده اوكتافيا بتاعت والدي بس متقولش بقي غيره انا عايز الدايو تبقي سوبر دايو لانها تملك جزء خاص في قلبي و دائما نحن المصريين نسعي الي ما هو جديد
و علي فكرة انا كنت ببقي مسافر مع والدي و كنت انا اللي دائما بختفي علي الطريق في البداية من وضع السكون و لكن هي ثواني حتي اشعر اني امتلك شي ضعيف عند مرور a5علي في الطريق مخترقة الطريق و الهواء و أمان الفرملة ولا حتزحف و لا حتعوم>>>>>فعلا السيارة تأكد ان ألالمان عمالقة بالمقارنة مع الوحش الكوري الضعيف بتاعي

**ahmed_mido1889** · 12-01-2012 05:35 AM

بص يا باشا الدايو مش وحشه بس توكيلاتنا هم اللي مبوظينها

وهي لو اتركب ايه بي اس هتبقي احسن وكل حاجه

بس الايه ي اس علي راي مستشارنا

مش صانع المعجزات

وكان في موضوع في القسم العام مناقشه بين mmamdouh و sememkane

عن الايه بي اس وفوايده واضراره هحاول اشوفه لو لاقيته هحطه هنا

وطبعا الدايو هتجري في الاول عن الاوكتافيا بس بعد ال100 ابقي حاول تلقط نمر الاوكتافيا

معظم الالماني تجميعه بعد ال100 تحس انهم مش معترفين باللي تحت ال100

وطبعا الي مركبش الماني مركبش عربيات

**tarek_2005** · 12-01-2012 10:01 AM

الموضوع غير مجدي اقتصادياً
قيس العائد بالتكلفة ستجد التكلفة اعلي
وكان هناك محاولات عديدة للتعديل ولكن توقفت بسبب ارتفاع التكلفة مقابل العائد تعديل الفرامل الي عامله استشارينا ممتاذ ويغنيك عن اي شيئ اخر
وبعدين مش هيهمك صوت الفرامل او التيل قد مايهمك العربية تقف بثبات وعدم عومان ومسافة اقصر واستجابة اعلي للدواسة كل دا مقابل صوت مع الفرامل شوفت العائد اد ايه والتكلفة اد ايه