قسوة دي ... ولا عقل ؟

**Car's Sniper** · 12-01-2012 03:25 PM

وهو دا اللى مخلينى عمرى ما هافكر افتح صيدلية
لانى لو مكان حضرتك كان ممكن اديها الدوا وانا عارف انه هيقف عليا بخسارة وخسارة كبيرة كمان لو اتكرر
بصراحة مافيش احلى من شغل الشركات
لا تتعامل مع اشكال خطر التعامل معاها ولا تتحط فى موقف زى دا ولو رَضيت ضميرك يبقى مش هترضى متطلبات الصيدلية ولو رضيت متطلبات الصيدلية عشان تجيب فايدة يبقى مش هترضى ضميرك
والله ماعارف اقول لحضرتك ايه... ربنا معاك

**A7MED_PHARMA** · 12-01-2012 06:08 PM

"لايسألون الناس إلحافا"

نفس موقف الشاب إلي عنده 16 سنة ياشنوري

بيحصلي كتير
ناس فقيرة جدااا .. ساعات بتجيلي أروح معاهم بالليل أعلق محلول
والله ياشنوري من منظر البيت .. يبقا هاين عليك تطلع الي في جيبك وتديه لهم
لكن وأناماشي(أنا مش باخد فلوس خالص على الحقن أو تعليق المحاليل)
تلاقي الناس تطلع مبلغ مش أقل من 20 ج
ويحلفوا كل أيمان المسلمين إني لازم أخد الفلوس
أحلف إني والله ماباخد فلوس
برضووو .. تلاقيهم مصممين بعناد إني طالما قدرتهم وجيت معاهم..يبقا لازم لازم لازم لازم أخد فلوس

ف المقابل
ناس تانية ميسورة ماديا
وزي مانت قلت .. بيدارو ورا مظهر الفقير
تاكل عليا فلوس وتحرق دمي
=================
الناس لو تاخد بالها
إن يومية الصنايعية دلوقتي بتدخل لها في 100 ج
يعني العامل بياخد تقريبا 3000 ج شهريا .. وصاحب الشغل بيجيبلهم سجاير وبيغديهم..وبيجبهم ويوديهم
يعني 100 ج ف اليوم صافي
وقيس على كده معظم المهنة
إحنا إلي فقرا والله ياشباب

أنا بشتغل 14 ساعة كل يوم .. كل ايام الاسبوع .. طول ايام الشهر .. كل شهور السنة
ولو دخلت زي يومية صنايعي.. يبقا فضل ونعمة والله

**A7MED_PHARMA** · 12-01-2012 07:55 PM

هقولكم حاجة تانية

ناس هنا من زباين الصيدلية ... عرباوية
بيسرحوا بغنم .... عارفين الناس دي
الناس دي بتتعامل معايا ع الموسم.. يعني كل 6 شهور ييجوا يصفروا حسابهم
يسحبوا زي مايسحبوا ..
ولما يجيلهم موسم .. ييجوا يدفعوا بألاف والألفين جنيه مرة واحدة
منتهى الأدب والزوق
علشان عندهم بهايم .. كنت ساعات أطلب منهم (لبن جاموسي) علشان أشربه ف الصيدلية
أكتر من مرة
ألاقيهم جايبين صفيحة 10 لتر لبن .. ويحلفوا كل الأيمان ماياخدوا فلوس ويقولوي" كفايا إنك بتستحملنا بالشهور يادكتور..ودي حاجة بسيطة"
وساعات بيجيبولي شنطة البيض فيها مش أقل من 20 بيضة بلدي(بحب البييض البلدي زي عنيا)..وبرضوا يحلفوا عمرهم مايخدوا فلوس

الفقير .. مش إلي يتمسكن ويقولك أخد الحاجة ببلاش
الي بيعمل كده.. بيكون حرااااااااااااااااااااااا ااااااااامي
الفقير عمره ماهيلف يشحت .. الي ربنا ابتلاه بالفقر .. بيصبر على بلاء ربنا ويحتسب
مش يمشي يشحت ويعيط

===============
حاجة تانية
برضوو واحد جاي ياخد شوية حاجات شكك
البنت واقفة قالتله لا مش بنشكك
كلمة من هنا وكلمة من هنا
راح مطلع الفلوس ومحاسب ع الحاجة الي أخدها

طيب كان إيه لزمته بقا؟؟
ماتعرفش

**A7MED_PHARMA** · 12-01-2012 09:11 PM

المشاركة الأصلية كتبت بواسطة drmsadek1979

انت ليه مش بتسافر؟

لأكتر من سبب

أولهم وأهمهم
مش بحب أشتغل عند حد .. أحب أكون أنا صاحب الشغل..وخصوصا لو الحد دي خليجي غبي
تاني سبب
إن الحج بيعاني من توابع جلطة .. ومابقاش زي الاول وخصوصا انه دلوقتي فوق الــ 63 سنة
ومش هينفع أسيبهم لوحدهم .. وكمان أخويا محمود في أولى جامعة .. ولازم عين عليه علشان مايروحش في داهية ف السن الخطر ده
السبب الثالث
إني مؤمن إيمان تام .. إني مش محتاج للسفر(أولا) لأني مش تهمني المادة أساسا .. يعني طالما معايا فلوس في جيبي مكفياني .. يبقا فضل ونعمة
ماليش طموح إني أحوش فلوووووووووووس ولا أي حاجة من دي
لأني أساسا عايش لنفسي .. يعني مش متجوز ولا ناوي أتجوز
فمش متضطر إني أسافر

فهمتني يازميلي

بس لو سافرت (ربنا يكرمه أبوصلاح كان جايبلي شغل ف السعودية معاه)حبيبي حبيبي
هيكون علشان حياة أنضف بسسس
وعلشان أركب عربيات بتدي 350 حصان ههههههههههههههههههه
وعلشان أعيش في مكان نضيف يحترم الصيادلة

يعني لو هسافر .. لو
هيبقا بلد أوروبي .. أو أسيوي عند أبورقية
لكن ده بعد عمر طويل للحج والحاجة