ربنا يكون في عونك يا باشا ، هي مشكلة فعلاً ، خلينا نفكر فيها واحدة واحدة كدة مع بعض ..
دلوقتي إنت كدة كدة الفتيس فيه مشكلة ، يعني هتغير فتيس في كل الاحوال ، سواء إلى القديم أو إلى الجديد ، يبقى الاحسن تجيب الجديد وتركبه على الموتور ال-528 وكدة يبقى مكنة العربية كلها 528i ، و كدة كدة إنت هترجع الكنترول إلي جبته للفتيس القديم ، يعني إلي هتدفعه هيكون فرق السعر فقط بين الكنترول وسعر الفتيس الجديد . وحتى لو قررت تجيب واحد قديم يبقى برضه هتدفع تقريباً نفس المبلغ ، يبقى الجديد أحسن طبعاً .
وبالنسبة للكنترول والضفيرة ، مش كل الكنترولات هتحتج تتغير على فكرة ، فيه حاجات هتفضل هي هي وفيه حاجات هتحتاج فقط تتبرمج وفيه حاجات هتتغير ، وإلي هيتغير بس هو إلي هيحتاج ضفيرة جديدة ، يعني برضه مش كل الضفيرة ، وحتى لو جبت الضفيرة كلها مش هتكون غاية قوي في مقابل إن العربية تكون مظبوطة .
المشكلة إلي ممكن تقابلك بقى مين إلي ممكن يحدد إيه إلي محتاج يتغير وإيه لأ ويعرف يغير بظبط المطلوب مش مجرد غير غير كل حاجة والسلام ، وفي نفس الوقت يكون فاهم هو بيعمل إيه عشان يبرمج إلي محتاج يتبرمج ويغير إلي محتاج يتغير ويسيب الباقي عشان يوفر في التكاليف .
في النهاية أعتقد النتيجة هتكون مرضية جداً وهتكون راكب عربية 528i كاملة بماكنة جديدة وكل حاجة سليمة وهتستمتع بيها ، وحتى بعض المصاريف دي هتلاقي سعرها مش هيوصل لسعر ال 525i موديل ال-2002 ، وحتى لو وصل لنفس التكلفة ، يوم ما تحب تبيع ونفترض خسرت فيها شوية يبقى برضه ركبت بيهم واستمتعت ب-528i .
دة رأيي وربنا يوفقك للصواب إن شاء الله
المفضلات