السلام عليكم ورحمة الله وبركاته
لو ممكن حد يفيدنى، انا عاوز انظف دورة مياه التبريد لعربيتى واغير مياه الردياتير بنفسى ممكن وللا صعب مع العلم ان خبرتى فى السيارة 50%
Vectra B 97 CD A/T
شكرا
عرض للطباعة
السلام عليكم ورحمة الله وبركاته
لو ممكن حد يفيدنى، انا عاوز انظف دورة مياه التبريد لعربيتى واغير مياه الردياتير بنفسى ممكن وللا صعب مع العلم ان خبرتى فى السيارة 50%
Vectra B 97 CD A/T
شكرا
وعليكم السلام ورحمه الله وبركاته..
الموضوع سهل جدا..
-هتجيب زجاجتين خل ابيض من بتاع المطبخ بس يكون تركيزه عالي او خل خام وتحطهم في القربه علشان يدوبوا الصدا اللي في الدوره
-خد مشوار جامد علشان الخل يشتغل
-لما تبرد العربيه فك الخرطوم الرفيع اللي جاي من الرادياتير وداخل ع القربه ودلدله لبره حوض الموتور
-هات خرطوم ميه حنفيه وحطه جوه القربه
-دور الموتور هتلاقي الميه المصديه نازله من الخرطوم الرفيع وتعوضها ميه الخرطوم اللي في القربه
-استمر وزود بنزين من الاكسراتير لغايه ماتلاقي الميه نازله نظيفه
-ركب الخرطوم الرفيع وظبط منسوب القربه واقفل الغطا وشكرا
لاحظ الاتي...
-ممكن تستبدل الخل باي منتج منظف رادياتير من السوق بس انا بفضل الخل علشان المنتجات التانيه كيماويه
-بعد مالدوره تنظف كرر نفس اللي عملته بس زود ميه مقطره من جراكن علشان ميه الحنفيه ضاره علي المدي البعيد
-بعد وضع الخل واثناء عمليه التنظيف شغل التكييف السخن علشان تفتح طريق ميه التبريد للوصول لسربنتينه السخن وتنظيفها بالمره..
-ممكن كمان تفك القربه وتنظفها لو كانت مش نظيفه هتفك ال2 خرطوم الرفيعين اللي فوق والخرطوم التخين اللي تحت وتحررها من الكلبس اللي في الجنب بزحزحتها للامام وتحط فيها شويه رمل مباني اصفر وميه واي حد عنده كمبروسر هوا تحط طرفه في القربه بعد سد مخارجها باي وسيله والرمل هينظف كل الرواسب وهو بيتحرك بالهوا..ربنا يوفقك ,تحياتي
اخى الفاضل
اعجز عن الشكر لسرعة الرد والاهتمام
ارغب فقط فى السؤال عن موضوع الخل، مستوى المياه فى القربة حاليا مضبوط
هل اقوم بتفريغ المياه الموجودة بالكامل ثم أضع الخل وماء جديد، ام اقوم بتفريغ حجم زجاجتى الخل فقط .
هل يجب عمل مشوار طويل ام يمكن ترك المحرك نصف ساعة فى وضع التشغيل يعمل بدون حركة
اعتذر عن كثرة الاسئلة
وشكرا مرة اخرى يا أ/فادى
فى حاجة مش فاهمها
انا عربيتى فى خرطوم واحد بس طالع من القربه من تحت ووصل للراداتير من فوق
فاذاى بقى هفك الخرطوم الرفيع ده وبعدين احط خرطوم مياه فى القربة
ما هو كده المياه هتطلع من القربة وتقع على الارض بدون الوصول لدورة التبريد
عربيه سيادتك موديل كام ؟؟
لو دوره التبريد مضغوطه هتلاقي للقربه خراطيم دخول وخرطوم خروج وده اللي بنتعامل معاه في المثال
لو دوره التبريد مش مضغوطه يعني القربه مجرد احتياطي للرادياتير فحضرتك هتفك العصفوره اللي في نهايه الرادياتير من تحت وتحط خرطوم الميه في القربه عادي بس ماتشغلش الموتور..
والله تسلم ايدك يا فادى ..... بجد ربنا يجزاك خير ... أنا هجرب إن شاء الله الموضوع ده وربنا يوفقنا
ماشاء الله الاستاذ الفاضل فادي كفى ووفى وما قصر