السلام عليكم اعضاء منتدانا الكرام

انا كان نفسي اشتري GPS من زمان و اقعدت ادور و اقرأ كتير في الموضوع لحد ما لقيت الموضوع الي عامينة الاخوة هنا في المنتدي عن ال GPS بتاع كارفور فا عجبني جدا
و خصوصا ان الاعضاء الكرام هنا في المنتدي عملوا في الجهاز حجات و نزلوا علية برامج خلت الجهاز قمة و ممكن تاخد منة كل الي انت عايزة و اكتر

و خصوصا تركيب اكتر من برنامج ملاحة علي نفس الجهاز علشان لو في برنامج مقصر في جزئية يكون البرنامج التاني مغطيها

بس علي موصلت لاخر الموضوع زعلت جدا لاني اكتشفت ان الدفعة دي الي عند كارفور خلصت و كمان توكيل الجهاز اتصلت بية و قال انة مش ها ينزل تاني

و فضلت اتابع الموضوع و عرفت ان الاجهزة الغالية الي بـ 1500 و 3000 جنية اشتغالات لان اهم حاجة برنامج الملاحة و بدام معاك جهاز بتقدر تنزل علية اكتر من برنامج يبقي انت كدة خدت الي انت عايزة و اي مصاريف تانية ملاهاش داعي

و علشان اعضاء كتير هنا في المنتدي كانو بيدورو علي الجهاز زي

اول ما لقيت الجهاز دة قلت اجي اعمل الموضوع دة علي طول لانة يكاد يكون نسخة من جهاز كارفور

معلش طولت عليكما

ندخل بقة في مواصفات الجهاز و نظام تشغيلة و البرامج الي بتركب علية و خافة.

1-الجهاز صيني

2- بيقبل كارت مموري لحد 2 جيجا (بس بيجي من غير الكارت)

3- ذاكرة داخلية 64 ميجا.

4- مساحة تخزينية ثابتة في الجهاز (غير الكارت) 1.6 جيجا.

5-يستقبل اشارة من 12 قمر صناعي (كحد اقصي).

6- ينزل مع الجهاز برنامج اي جو 8 بخرائط 2008.

7- شاشة 5.5 بوصة

8- FM ترانسميتر (يعني ممكن تشغل علية ملفات صوت علي كاسيت السيارة)

9- يشغل ملفات الفيديو (الامتدادات الشهيرة) بس بطيئ الفديو بتاعة شوية.

10-ىحتوي علي حامل للسيارة (يتم تركيبة في الباربريز الامامي).

11- يحتوي علي شاحن سيارة.

12- يحتوي علي شاحن ووصلة USB (بيشحن من اليو اس بي + ممكن توصلة علي اللاب توب)

13-يحتوي علي سماعة اذن.


دي المواصفات الي حاضرة في ذهني دوقتي.

قمت بتحديث الخرائط و ملف الPOI لـ 2010 من هنا من المنتدي من موضوع الاخوة الافاضل

gps xtreem

و بشكر بالاخص العضوا ASKAFRAWY لانة اثري الموضوع لاقصي درجة و افاد الاخوة الي اقصي درجة

و و بطلب منة طلب انة يرفع برنامج ال polnav6 علشان نقدر نستبة علي الجهاز لانة مغطي محافظات اكثر من مصر

لان و الوصلا الي هو كان منزلها خلصت.

اخيرا

الجهاز جبتة من عند اسبيرو كار و هو موجود عنده في كل الفروع

اتمني يكون الموضو مفيد و نستيد منة كلنا و الي يعرف حاجة او برنامج يقولنا و ينزلها هنا في الموضوع دة