اقتباس المشاركة الأصلية كتبت بواسطة bmya مشاهدة المشاركة
تمام يا باشا يبقى احنا كده متفقين ان اسبرانزا مايتقالش واسعه لانها ضيقه من وره يمكن اضيق من الصني !! جايزاللي بيدي احساس انها ضيقه اكتر ان السقف بتاعها من وره واطي جدا والزجاج بتاع الشباك صغير اوي انا لما قعدت فيها احسيت اني خنوق ومتكتف مش عارف ليه !!
بالنسبه للشارك بما نها دخلت في الموضوع طبعا المواتير المايفيك القديمه احسن من الايفيك بتاع الشارك بس ده لو بتتكلم في مايفيك قديم سي سي عالي لاكن اللي نازل في الشارك ده معمول كعربيه اقتصاديه اداء معقول في نفس الوقت موفر في الاستهلاك وانباعاثاته اقل عشان البيئه
لكن لو هتقارن بقه قارن المايفيك الجديد الرياضي بجد بالمايفيك القديم الرياضي هتلاقي اكيد المايفيك الجديد افضل يعني من الاخر المايفيك اللي في الشارك مايفيك صغير كده :) ده في رأي طبعا والله اعلم
تمام ياباشا انا عارف ان ال m11 ضيقة من ورى , وفعلا انخفاض السقف بيخلى العربية ضيقة حتى لو ذات قاعدة عجلات طويلة عموما

بالنسبة للشارك حضرتك لو شوفت ان المحرك بتاع المايفك القديم ال1600 سى سى بيخرج 172 حصان لكن الجديد بقى 1500 سى سى وبيخرج 109 والمعلومات الجديدة عن المحرك ال1600 هيخرج 116 حصان تقريبا يعنى فرق كبير وبردة نسبة الاستهلاك فى الجديد عالية + ان العزم مش عالى عملوا بالظبط زى الهوندا نزلت محركات SiR بقوة 174 حصان من 1600 سى سى ودلوقتى بقى بينزل 2000 سى سى بقوة 197 حصان ومحركات ال SI كانت 137 حصان ودلوقتى محركات السيفيك 2006-2012 بتخرج 123 حصان والاستهلاك زى بعض تقريبا يمكن احسن فى الاجيال القديمة

فعموما هو واضح كدة ان الشركات اصبحت تعتمد اعتماد كلى على المحركات الكبيرة لان دية المطلوبة دلوقتى فى اوروبا وبيخلولنا احنا المحركات الصغيرة اللى تتوائم مع جماركنا واسعا ر البنزين والدخل

وبالنسبة للمايفك القديم الرياضى يعنى لو مثلا اللى راكب فى الايفو هقولك تمام ومحرك عفى وقوى جدا واكيد طبعا هو اللى هيكسب بدون نقاش