** الإعـــلان عن فتـــح أقــــسام جديـــدة فى المنتــدى **

صباح الخير على الجميع :)

أرجوا من الله أن يكون بداية يوم طيب علينا كلنا

تم اليوم بحمد الله فتـــح قســـميــــن جداد لينضموا لأقسام نايل موتورز الحالية من أجل خدمة و إرضاء كافة الأزواق لجميع الأعضاء

و بناء على إقتراحاتكم تم فتح :

1- قســـــم ألبوم صور سيــارات الأعـــضاء (يعنى محدش يحط فيه صور سيارة أحلامه أو إللى بيحبها :) صور عربيته بس )

2- قســـم الدراجات النارية (هو لسه مش متقسم صح بس هايتقسم لو ظهر محبين و رواد ليه و بناء على طلباتهم مشاركاتهم إن شاء الله

3- قــــسم الصور و مقاطع الفيديو للسيارات (مش مقاطع ترفيهيه أو غيره):)

مشكور على المجهود يا استاذ/ محمود ( وبقية الاداره ).


بس فيه طلب كان احد الاعضاء طالب بيه ( مش فاكر اسمه ) . انه يكون فيه مكان او قسم مختص بمقاطع الفيديو

والصور وذلك لامكانية الرجوع اليها وانزالها فى اى وقت . ياريت تنفيذ الاقتراح ده

ولكم جزيل الشكر.
السلطان ابو النجا الاول

الله ينور يا رجال (الأدارة)

تـــــــــم أيضــــــا إضافة قســـــــم الفيديو و الصور يا أستاذ خــالد :)

الف شكر على المجهود الرائع ده

طب انا زعلان بقى هو فين منتدى الشيفوليه ياريت يكون لها منتدى خاص بيها و تلم المواضيع بتاعة الشيفورليه بدل ماهى متنتورة فى المنتديات كده ختى و لو تحت اسم اوبترا و افيو علشان محدش يقول هنعملها فى المنتدى الكورى و لا الامريكى

أديك إنت قولت !! كورى ولا أمريكى ؟؟؟؟

عموما هاضيفه تحت الأمريكى نسبة للشركة الأم ولا تزعل نفسك

لا يا باشا احنا كد يبقى بنضحك على الناس فكرة انى قولت نحطه تحت اسم اوبترا و افيو ان كده احنا فصلناها عن الامريكى علشان محدش يقول ان اوبترا امريكى ياريت تكون فهمت قصدى نحطه تحت الكورى عادى خالص بس بأسم ( اوبترا و افيو ) مش شيفورليه
شكرا على الاستجابة السريعه و المنتدى الجديد :D

صباخ الفل يا ميمو و فكره ممتازه و الف شكر

صباح الفل حازم باشا :) منور
------------
هوكو باشا
مش ينفع تحت أوبترا و أفيو :) كده الموضوع مش ضحك على حد بس العلامة علامة شيفى و شيقى أمريكى بتجمعها فى الهند ولا الصين دى حاجة تانية ما التيدا تجميع صينى و الكرولا من السنة القادمة هاتتعمل فى جنوب أفريقيا
و فيه بى إم و مرسيدس مصرى ؟ أفتحلهم قسم مصرى ؟ لأ بيندرجوا تحت الماركة الأم :)

قبل كده مكنش فيه قسم شيفى أساسا و أنا ضيفته بناء على طلبك :)
========

ياريت تصغر حجم التوقيع بتاعك لأنه أكبر من اللازم

واحدة واحده المنتدى بيكبر ربنا يكتر صفحاته
مستنين كل جديد

فكرة ممتازة والف مبروك على الاقسام الجديدة

الف الف شكر على الاقسام الجميله المفتتحة

مبروك

متشكرين على الاستجابة السريعة يا حفناوى باشا

ألف ألف مبروك والى الامام دائما .....

شكرا على المجهود المبزول و يارب دايما كده يبقى فى جديد :D

اية رأيكم نفتح قسم اسمه ورشة المنتدى و دة يبقى كل واحد عندة مشكلة يسأل فية ؟؟؟

صباح الفل ياميمو باشا ..
جميل أن الحياة بتستمر .. والحركة شغالة ... مبروك علي الأقسام الجديدة..
وأنا مع فكرة الأخ : فهد .. في عمل قسم الورشة ده ...

تقبل تحياتي

يا ريت بس تكملوا نقل مواضيع بايو الجميلة المصورة اللى كان عاملها, زى بتاعت كبير مشجعى الاهلى و الرق 3, و الباقى

السلام عليكم

أعلن عن اعجابى الشديد بهاذا المنتدى الاجتماعى الجميل ....

و لانى عضو جديد فى منتداكم الجميل .. فانى ترددت كثيرا فى تقديم اقتراحى ..
ولكن شجعنى على ذلك رؤيتى لاهتمامكم باراء الاعضاء ...

أقترح ان يكون فى هذا المنتدى الاجتماعى قسم خاص بناسبات الاعضاء ..
يتم فبه ذكر كل المناسبات اللتى تحدث لنا جميعا ليتم متابعة أخبار بعضنا البعض ....

وعلى سبيل المثال وليس الحصر :

(1) : جواز

( 2) : جواز تانى وتالت و رابع هههههههههههه

( 3) : خطوبه

( 4) : مولود ( نلمله النقطه هههههههه )

( 5) : شراء سيارة جديدة

( 6) : ترقيه فى العمل

(7) : انتقال السكن الى مكان جديد

(8) : افتتاح مشروع ( زى درش كده الف مبروك ..... )

(9) : طهور ( لامؤاخذه ..... هههههههه .... )


المهم بكون المكان ده خاص لمعرفة اخر اخبار الاعضاء الاجتماعية لاقدر الله لاقدر الله ... حالة وفاة .
يبقى الواحد لازم يكون بجانبه حد من الاعضاء فى الافراح و الافراح برضه ......

وشكرااااا وأرجو التعليق .....

فكرة صور سيارات الاعضاء فكرة ممتازة

وكمان وقسم الصور والفيديو جميلة جداااا

اشكرك يا محمود على الاقسام الممتازة

أولا إقتراح الورشة فعلا مفيد و سيتم تفعيله من الآن إن شاء الله :)

أما إقتراح مهندس بهاء :) إحنا بنرحب بكل الآراء و منورنا يا باشمهندس:)

بس هو فى ملحوظة حضرتك ذكرت إن إحنا منتدى إجتماعى - أحب أوضح إحنا منتدى سيارات :) و عندنا قسم إجتماعى و فى القسم الإجتماعى إحنا فعلا أى مناسبة الأعضاء بتمر بيها بتكتبها هناك و على سبيل المثال كريم منير لما جاب عربيته الجديدة كتب هناك و الكل باركله و هناه :) و هكذا :)

أرجو أن ينال هذا الإقتراح بعض المناقشه هنا حيث إنها فرصه جيده لفتحه مره أخرى :


(1)
http://www.nilemotors.net/Forum/viewtopic.php?t=922

(2)
http://www.nilemotors.net/Forum/viewtopic.php?t=581

وشكرا

:) محمد باشا منورنا

الإقتراح الثانى سيتم تنفيذه فعلا فى وقت قريب جدا

الإقتراح الأول للأسف معندناش حد بيفهم فى الميكانيكا غير سبعاوى (ده على حدود علمى) حتى الآن لكن لو تعرف معانا أعضاء يقدروا يقدموا الشوحات و الكلام إللى إنت ذكرته قولى و أنا أفتح القسم فورا :)

اقتباس:

---

المشاركة الأصلية كتبت بواسطة memo_hefnawy

:) محمد باشا منورنا

الإقتراح الثانى سيتم تنفيذه فعلا فى وقت قريب جدا

الإقتراح الأول للأسف معندناش حد بيفهم فى الميكانيكا غير سبعاوى (ده على حدود علمى) حتى الآن لكن لو تعرف معانا أعضاء يقدروا يقدموا الشوحات و الكلام إللى إنت ذكرته قولى و أنا أفتح القسم فورا :)

---

محمود باشا . المكان منور بصحابه والناس اللي فيه كلهم

أنا من وجهة نظري عندما أقترحت هذا الأقتراح هو أن يدخل المنتدى في مرحلة جديده من عمره وأن يقفذ إلى مستوى أخر تماما والذي سوف يساعد كثيرا كثيرا في إحياء هذا المنتدى وجعله ذو قيمة لا تضاهى

عندما تحدثت عن فتح قسم جديد عن مكانيكا هندسة السيارات وأن يكون خاص فقط لجميع مهندسي المكانيكا وأساتذة الجامعات وكذلك قسم للوظائف المتاحه في مجال السيارات فقط هنا وفي العالم العربي فأن ذلك سيتطلب الآتي :

1: عمل حصر شامل عن مهنة الأعضاء الموجودين هنا في المنتدى وذلك عن طريق دعوة أي مهندس خاص في مكانيكا السيارات بأن يعرف نفسه ويكتب ما هي الكليه التابع لها . وكذلك أيضا بوضع شرط عام في ال application التي يملئها العضو وهو أن يكتب مهنته في المكان الخاص بها وألا تمنح العضويه إلا أن يملئ طالبها هذا المكان .

2: من خلال من يتم التعرف عليهم هنا من أعضاء المنتدى الموجودين حاليا ( إذا كان مهندس ميكانيكا السيارات ) أو إذا كان من سيلتحق بهذا المنتدى فيما بعد ويتم التعرف عليه على أنه مهندس مكانيكا السيارات . نطلب منهم بان يبدئوا في نشر أسم المنتدى إما عن طريق المحادثات فيما بينهم أو بوضع ستيكر خاص بالمنتدى في أماكن خاصه بالأقسام لديهم .

3: حث أساتذة الجامعات على الأشتراك هنا في المنتدى إما عن طريق تلاميذهم أو عن طريق الأعضاء هنا

4: حث الطلبه على مناقشة مشاريع التخرج الخاصه بهم هنا وبدل من أن يكون هناك مجموعة آراء فيما بينهم سيكون هناك مئات الأراء التي قد يستفيدوا منها

5: البحث عن الوظائف المتاحه في مجال السيارات هنا أو في الوطن العربي وأن يستفيد منها كل من سوف يتخرج من جامعته

الربط بين الحياه النظريه مع الحياه العمليه سيعطي قيمه كبيره لهذا المنتدى وسيفيد كثيرا كل من ليس لهم درايه بالمفاهيم العلميه في مجال السيارات

مع إحترامي الكبير جدا للأستاذ سبعاوي ولأراءه التي يستفيد منها الجميع . دعونا نبني مجموعة كامله يكون مقامها جميع المهندسين والطلبه الموجودين في الجامعات والمتخصصين في مجال السيارات وفي جميع التخصصات والتي قد تنير الطريق أمام الكثيرين

مثال على ذلك. وجدت السنه الماضيه في معرض السيارات مجموعة من شباب الخريجين عندهم موهبة فذه في تصميم السيارات وعمل أسكتشات لها وعندما ذهبت هذه السنه للأسف الشديد لم أجد لهم مكان وكنت أتمنى أن يكون لهم مكان هنا

العقول المصريه عقول جباره ولا نستطيع ان نستهان بها أبدا لأنكم إذا دخلتم في عالم هؤلاء الطلبه ستجدون عالم أخر يختلف تماما عن الواقع ولكن للأسف الشديد أحلامهم تصطدم بجدار واقع الحياه والذي يجبرهم على أن يسلكوا طريقه وليس طريقهم

وإذا كنا نأمل في سيارة مصرية الصنع يجب علينا ان نوحد جميع طلبة الجامعات وأساتذتها هنا أولا ومن ثم قد تكون لنا الفرصة العظيمه في مناقشة مثل هذا الحلم. ولا تنسوا أن الفرق بين الحلم والواقع هو طريق له بدايه وله نهايه ويجب أن تكون بدايته سليمه حتى نستطيع أن نحصل على نهايه مرجوه كما نريد

أرجو ألا تستهينوا بهذا الموضوع وأن يكون هدف يجب أن نتعاون جميعا في تحقيقه لأنه سينقل هذا المنتدى من مستوى إلى مستوى أخر تماما


أرجو ذلك

وشكرا