الموضوع: مشكلة قانونية مع شبكة إتصالات

بعد إذن صاحب الموضوع أنا بردة فى حاجة غريبة عندى مع إتصالات
دلوقتى أنا معايا خط إتصالات وأما روحت أفعله من فرع إتصالات الراجل اللى هناك خد بطاقتى وقالى إنت فى خطين باسمك شغالين وأنا أصلا مكنش عندى ولا خط بأسمى يعنى الخط اللى كنت رايح أسجله دة أول خط بأسمى ف شبكة إتصالات
قولتله طيب ممكن أعرف الارقام اللى متفعلة بأسمى دى راح قالى الارقام قولتله أنا معرفش ولا واحد منهم قالى ولا يهمك عادى ممكن يكون لخبطة فى إدخال البيانات
طب وإيه الحل أنا عايز أوقف الخطوط دى قالى ليه قولتله مش بتوعى قالى مش مشكلة قولتله قدر عمل مصيبة انا اللى هلبس الليلة قالى لأ متخفش وحبة كلام كدة (الفرع ساعتها كان زحمة وانا كنت منتظر أكتر من نص ساعة)
وكنت مستعجل جدا جدا هو شغلى الخط اللى أنا كنت جايبه وإضطريت أمشى
دلوقتى أنا أعمل إيه ...................... أروح تانى وأقوله عايز أطلع شريحة بدل فاقد (لان فعلا الشريحة ضاعت) وأقوله أنا عايز أعرف فى خطوط تانية متسجلة بأسمى ولا لأ طبعا هيقولى أه
هقوله إزاى وأنا مش مسجل غير الخط دة وأبدا بقى أعمل مشكلة ولا أعمل إيه بالظبط أنا محتار جدا جدا
دلونى يا أولاد الحلال مع العلم إن الفرع قريب من بيتى يعنى 10 دقايق بكون هناك وكدة كدة بكرة أنا هكون ناحية هناك
أنا بصراحة ملسوع من إتصالات كتير أوى وعايز أعمل معاهم أى مشكلة بس يكون ليا حق مش أكون أنا اللى غلطان