ناس تخاف متشتكيش ف متختشيش

عارفين فيلم 1000 مبروك؟؟؟ فاكرين ف اواخر الفيلم لما احمد حلمي مسك شومة وقرر يغير الواقع بالقوة؟؟؟؟

وبقي ماشي يزعق ويكسر ...علشان ياخد حقه وعلشان الناس تتعلم تععمل حسابه... اهو للاسف الظروف والناس اضطروني ابقي ف الوضع دا بقالي حوالي 4 ايام دلوقتي

ابتداءا بشركة فودافون..فجأة لقيت النت الخدمة مقطوعة عن المودم يوم 8 يناير علما بان معاد الفاتورة اخره 10 يناير عندي.. واتصلت بخدمة العملا استفسر عن اي طريقة للدفع لاني كنت فلبيت ومفيش اي مكان قريب
ادفع منه الفاتورة...والموظف قالي ممكن اجيب كروت شحن بقيمة الفاتورة واحط خط الداتا ف موبايل واشحن من رقم 8821

وفعلا لبست ونزلت جبت كروت لكن جيت اشحنها الخط مشتغلش طبعا..اتصلت تاني بخدمة العملا رد عليا واحد تاني وقالي الكلام دا غلط تماما وطالما فاتورة مفيش اي حل تاني للدفع وبيتأسف جدا عن اللي حصل من زميله..هو قالي كدا وكأنه رمي عود كبريت ف صفيحة سولار

اتحولت تماما ولقتني بزعق جامد يعني ايه سوء فهم؟؟ هونا بكلم كشك موبايلات ولا بكلم خدمة عملا لشركة المفروض انها محترمة؟؟ لوسمحت انا عاوزة اعمل شكوي واديني رقمها عشان اتابعها

هو سمع شكوي وصوته اتلجلج وقعد يتأسف نيابه عن زميله وطلب مني يوصلني بيه يفمني الموقف

قللته مش هفهم حاجة احنا مش اصحاب عشان تفهمني وافهمك .. وهو مش بيجيب الحلول من بيتهم يعني المفروض كله ماشي بنفس السستم واصريت علي شكوي وسجلت شكوتين وواحدة فلموظف والتانية ف الشركة لانهم قطعو الخدمة ف غير ميعادها

ومجرد مقفلت لقيت السوبرفايزور بيكلمني وخد السريال نمبر بتاع الكروت وقالي هوصلك الخدمة لحد بكرة الصبح ميتسدد من كروت الشحن وفعلا حصل

يبقي دا اسمه ايه؟؟؟؟؟؟؟؟؟؟؟؟؟؟؟؟؟؟؟



النهاردة ولأول مرة ف حياتي ف مصلحة خكومية صدق او لاتصدق اخلص كل حاجة ف 3 دقايق بظبط ف الجوازات

ورجعت كنت ف الشغل 9 الصبخ ومش مصدقة فعلا اللي حصل..الاقي الموظفة بتكلمني بتقولي حضرتك فيه ورقة ناقصة....انتي كاتبة العمل طبيبة بشرية انما البطاقة من ايام الامتياز فمكتوب فيها طبيبة امتياز فنا عاوزة شهادة الامتياز بقي ارجعي هاتيهالي بسرعه


قلتلها انععععععععععععععععععععععع ععععععععععععععععععععععععع ععععععععععم؟؟؟ ارجع فين؟؟ انا جية وجيبة كل اوراقي من شهادة ميلاد لحد وصل نور البيت مطلبتيهاش مني ليه ونا عندك؟؟؟

قالتلي حصل خير مش مشكلة مخدتش بالي ارجعي هاتيها...

قلتلها ععلي اساس اني ساكنة فوقك؟؟ انتي بتهرجي طبعا ومش هرجع

قالتلي خلاص جوازك وقف لحد متجبيها انتي مش صغيرة عشان متخديش بالك من كدا

قلتلها ونتي مش قاصر ولاحطينك ورا الشباك طيشة عشان تراجعي الورق وتمضي وبعدين تكلميني تقوليلي ورقة ناقصة..انا مش هجيب ورق ولو جيت هكتب فيكي شكوي واقدمها لرئيس القسم الظابط اللي عندك د ا اسمه تهريج

بصراحة قفلت السكة ف وشي

بعد ساعه لقتها بتكلمني تاني..قالتلي علي فكرة يادكتورة انتي بتكلميني باسلوب وحش ونا بكلمك باحترام..قلتلها ياستي كلميني بقلة احترام وعامليني باسلوب كويس..انا مش قاعدة فلشارع عشان افضل رايحة جية انا عندي شغلي...

قالتلي ونتي جية تخلصي ورقك يبقي تستحملي كل انسان عرضة انه ينسي فانا نسيت

قلتلها تستحملي غلطتك انا لو غلطت ف شغلي محدش هيرحمني..ولولا انك متأكدة انك غلطانة مكنتيش تكلميني فلتليفون ولانتي بتكلمي عادي الناس بعد مبتروح؟؟

قالتلي شفتي اديكي بتغلطي تاني عموم انا هعملهولك علي مسئوليتي بس هاتي الشهادة او صورة منها ونتي جية تستلمي الجواز وتجيلي انا بالاسم عشان اجبهولك بنفسي


بذمتكم الناس اللي بتتعامل معانا كأننا بقايا بني أدمين دول ايه؟؟؟

ونتصرف معاهم ازاي؟...؟

وليه مبيحترموش نفسهم اوي كدا غير لما بيحسوا اننا عارفين حقوقنا كويس..

معلش نا مفروسة حبتين فقلت افضفض معاكم شوية

دا إيه العنف ده
المرة الجاية شكلها هيبقى فيها دم

صعدى موضوع فودافون وهتتقلب الدنيا عليهم كنت عامل حوار برضه وزعقت وقليت ادبى وعملت شكوى وتابعتها النتيحه اعت>ار على الموبايل للمدة ساعه الا تلت تقريبا ومكالمه تانى ربع ساعه بيتعرض تعويض وقلتلهم مش عاوز حاجه تالت مكالمه اتفدعلى اشتراك ال adsl متسكتيش وفعلا الشكاوى بتجيب نتيجه والجوازات حكومه ملهاش حل حتى بالشكوى وقله الادب ملهمش حل غير قله الادب ضيعولى ملف المنشاءة بالكامل فى التائمينات والملف بقاله 8 شهور وعملتلهم مصيبه هناك و الملف طلع متطبق وطالع من بق كلب على رف معفن وسط ورق شركه تانيه كل دة انا لا عارف ادخل ناس التامئينات ولا اخرج حد عاوزين الحرررررررررررررررررررررر ررررررررررررررررررررررررر ق بجاز ولو حس انك مش فاهمه هيلفكك مصر لو حس انك فاهمه بيخاف زى المسمار لازم ياخد على دماغه علشان يمشى لقدام

والله عشرة علي عشرة يادكتورة بدون الدخول في تفاصيل. للاسف لازم الناس ده تفهم انهم بياخدو مرتباتهم لخدمتنا مش لتعذيبنا.

للاسف انا كنت عايشة ف فترة طويلة من العبط ...والتماس الاعذار للغير بس خلاص فاض بيا

انا دلوقتي كل مفتكر اني سكتت علي موظف ابقي هموت واطق

واضح فعلا ان موضوع فودافون هيتصعد لانه كان عمال يتحايل عليا معملش شكوي

هو شايفة بسيط بس انا كان ورايا شغل مهم..ولبست ونزلت بالليل مخصوص اجيب كروت لا وايه يقولي طب وايه يعني متشحنيهم ف اي موبايل...يابرودك يا اخي

اقتباس:

---

المشاركة الأصلية كتبت بواسطة icehearted girl

للاسف انا كنت عايشة ف فترة طويلة من العبط ...والتماس الاعذار للغير بس خلاص فاض بيا

انا دلوقتي كل مفتكر اني سكتت علي موظف ابقي هموت واطق

واضح فعلا ان موضوع فودافون هيتصعد لانه كان عمال يتحايل عليا معملش شكوي

هو شايفة بسيط بس انا كان ورايا شغل مهم..ولبست ونزلت بالليل مخصوص اجيب كروت لا وايه يقولي طب وايه يعني متشحنيهم ف اي موبايل...يابرودك يا اخي

---

انا اللى خلانى محولش فدوافون اللى كلمنى بصراحه اخيارهم ممتاز فى الناس اللى بتتتدخل لحل المشاكل

وهيقلك تحت امرك والجو دة اطلبى الطلبات اللى تعجبك :oho: اوعى متستغليش الموقف استغليه ابشع استغلال :36_2_33:

طيب قوليلي أعمل إيه مع العالم دي

http://www.nilemotors.net/Nile/266228-a.html

:W_022:
الدنيا ملبدة بالغيوم
بصراحة ..... انا خايف اكتب مشاركة:O_stupid[1]:
انا بس كنت داخل اقول كل سنة واني طيبة بمناسبة عيد ميلاد محمود اخويا .... قصدي ابويا .....يوووووه..... ابني.... هو ابني .... محمود ابني

اقتباس:

---

المشاركة الأصلية كتبت بواسطة abdelrahman.h

طيب قوليلي أعمل إيه مع العالم دي

http://www.nilemotors.net/nile/266228-a.html

---

انا مشوفتش موضوعك لسه
بس ممكن تخلي ضحى تتخانق معاهم وهي تجيب لك حقك

اقتباس:

---

المشاركة الأصلية كتبت بواسطة نور القمر

انا مشوفتش موضوعك لسه
بس ممكن تخلي ضحى تتخانق معاهم وهي تجيب لك حقك

---

+1111111111111
هي دي الدكتورات ولا بلاش

فودافون عاملة زي الحمار الي متعلق في عربية كارو
يمشي .. يمشي .. وتلاقيه وقف لوحده .. تقوم لازم تديله بالعصاية تاني
اليو اس بي بتاعتهم ..إشترتها
الموظفة(كانت جميلة جميلة جميلة جميلة رقيقة رقيقة رقيقة...وأشياء أخرى) قالتلي ف الفرع إنها هتشتغل بعد ساعة .. والرصيد الي انا دفعت تمنه هناك هينزل عليها على طول اول ماتشتغل

طبعا
لحد تااااااااااني يوم بالليل ماكنتش اشتغلت .. ولا الرصيد نزل
لحد طبعا
مازعقت ف التليفون .. لما الموظف قالي بكل شياكة .. حضرتك تقدر ترجع الفرع تاني تشوف الرصيد مانزلش ليه

عصبية وزعيق "" يعني أسيب شغلي .. وأركب عربيتي .. وأمشي مسافة 20 كيلو علشان أشوف الموظفة بتاعتكم سرقت الــ 50 ج ولا لأ "
يرد بشياكة .. طيب رقم الوصل كام يافندم؟
" وصل إيه بالظبط؟؟"
وصل الرصيد يافندم
" ماحدش إداني وصل؟"
أه ..كده حضرتك تروح الفرع وتراجع هناك
قفلت في وشه
وطلبت خدمة العملاء تاني .. رد عليا واحد تاني
قلتله .. كل حاجة حصلت + إن الموظفة أخدت 50 جنيه ومادخلتش بيهم الرصيد ولا إداتني وصل..وأنا لو روحت الفرع .. علشان أسيب شغلي وأركب عربيتي وأمشي 20 كيلو .. هروح أكسر الفرع على إلي فيه

طبعا.. بعد إعتذارت وما شابه
بعد نص ساعة .. كان الرصيد وصل
وإتصل بيا واحد تالت يعتذر ويتأكد إن الرصيد وصل


بس أجمل حاجة بقا ف بتوع خدمة العملاء
إنك ممكن تزعق وتشتم .. لكن محدش هيقل أدبه عليك خاااااااااالص هههههههههههههههههه
يعني لو مضايق ونفسك تفش غلك ف حد...كلم أي خدمة عملاء بتاعت اي حاجة .. وإشتم
ههههههههههههههههههههههههه هه
ههههههههههههههههههههههههه ههههههههههه



===============

بصراحة هى الدنيا الايام دى كلها ملخبطة والناس بقت تنرفز انا بخرج كل يوم عن شعورى وببقى عايز ارتكب جناية بس باجى فى الاخر واستغفر ربنا واتحسبن على الظالم

هاتيجى من اللى راكبين عربيات وماشيين غلط ولا اللى واخدين الدنيا عافية ولا موظفين الحكومة اللى مش بيشوفوا شغلهم ومش مراعين شحططة الناس عليهم - انا بقالى شهر بجرى على الضرائب (شغال محاسب) عايز اخلص اى شغل مش عارف الموظفين بيغيبوا والملفات ضايعه وحاجة تطهق.
ربنا يرحمنا جميعا

انا شركه لينك عملت معايا الحركه دي

ميعاد دفع الفاتوره يوم 9 لاقيت النت فصل يوم 4 الساعه 12 بليل

اتصل بخدمه العملاء

مفيش حد بيرد

اتصلت تاني يوم الصبح ردت عليا بنت

قالتلي استفساراتك قولتلها انت شغالين امتي قالتي 24 ساعه

قولتلها يعني لو اتصلت الساعه 3 الفجر تردو

قالتلي تمام

قولتله النت فصل من امبارح تقولي انا شايفه الخط ثابت عندك
ده يبقي عيب راوتر او سلك او سوتش

نزلت بالصدفه ادفع الفاتوره وراجع لاقيت اخواتي بيقولولي النت رجع

عرفت انهم كانو فاصلينه

لو كانو قالو بدري كنت كسرت الفرع

علشان انا بدفع الفاتوره مقدم مش مؤخر

والمفروض بيبقي فيه مهله شهر

بس ناوي اسلخهم الشهر الجاي ان شاء الله

عارفين لو كل شخص حس ان في مسئولية ورقيب عليه ع المدي القريب هيخاف فعلا

بمجرد مطلبت من الراجل رقم الشكوي حس فعلا اني هتابعها

بمجرد مدكتور فارما من الاول كان اخد وصل بالمبلغ اللي دفعه..الموظفة كانت هتخاف وترجع الخدمة

حتي ف الشغل اي حد بيبعتلي ركوست غير امضاء الدكتور بخلي السكرتير اللي منزلة يمضي هو كمان وبلاقي ناس كتير رجعت ف رأيها واخدت الركوست ورجعت بيه...يعني كانوا عارفين ان في غلط او مشكلة وخافوا من المسئولية

لو حد مننا كان ف توكيل وملقاش قطعه غيار وطلب منهم ورقة رسمي بكدا عشان يقدر يتصرف قانونا..اكيد هيخافوا ويعملوا حسابنا

اقتباس:

---

المشاركة الأصلية كتبت بواسطة icehearted girl

عارفين فيلم 1000 مبروك؟؟؟ فاكرين ف اواخر الفيلم لما احمد حلمي مسك شومة وقرر يغير الواقع بالقوة؟؟؟؟

وبقي ماشي يزعق ويكسر ...علشان ياخد حقه وعلشان الناس تتعلم تععمل حسابه... اهو للاسف الظروف والناس اضطروني ابقي ف الوضع دا بقالي حوالي 4 ايام دلوقتي

ابتداءا بشركة فودافون..فجأة لقيت النت الخدمة مقطوعة عن المودم يوم 8 يناير علما بان معاد الفاتورة اخره 10 يناير عندي.. واتصلت بخدمة العملا استفسر عن اي طريقة للدفع لاني كنت فلبيت ومفيش اي مكان قريب
ادفع منه الفاتورة...والموظف قالي ممكن اجيب كروت شحن بقيمة الفاتورة واحط خط الداتا ف موبايل واشحن من رقم 8821

وفعلا لبست ونزلت جبت كروت لكن جيت اشحنها الخط مشتغلش طبعا..اتصلت تاني بخدمة العملا رد عليا واحد تاني وقالي الكلام دا غلط تماما وطالما فاتورة مفيش اي حل تاني للدفع وبيتأسف جدا عن اللي حصل من زميله..هو قالي كدا وكأنه رمي عود كبريت ف صفيحة سولار

اتحولت تماما ولقتني بزعق جامد يعني ايه سوء فهم؟؟ هونا بكلم كشك موبايلات ولا بكلم خدمة عملا لشركة المفروض انها محترمة؟؟ لوسمحت انا عاوزة اعمل شكوي واديني رقمها عشان اتابعها

هو سمع شكوي وصوته اتلجلج وقعد يتأسف نيابه عن زميله وطلب مني يوصلني بيه يفمني الموقف

قللته مش هفهم حاجة احنا مش اصحاب عشان تفهمني وافهمك .. وهو مش بيجيب الحلول من بيتهم يعني المفروض كله ماشي بنفس السستم واصريت علي شكوي وسجلت شكوتين وواحدة فلموظف والتانية ف الشركة لانهم قطعو الخدمة ف غير ميعادها

ومجرد مقفلت لقيت السوبرفايزور بيكلمني وخد السريال نمبر بتاع الكروت وقالي هوصلك الخدمة لحد بكرة الصبح ميتسدد من كروت الشحن وفعلا حصل

يبقي دا اسمه ايه؟؟؟؟؟؟؟؟؟؟؟؟؟؟؟؟؟؟؟



النهاردة ولأول مرة ف حياتي ف مصلحة خكومية صدق او لاتصدق اخلص كل حاجة ف 3 دقايق بظبط ف الجوازات

ورجعت كنت ف الشغل 9 الصبخ ومش مصدقة فعلا اللي حصل..الاقي الموظفة بتكلمني بتقولي حضرتك فيه ورقة ناقصة....انتي كاتبة العمل طبيبة بشرية انما البطاقة من ايام الامتياز فمكتوب فيها طبيبة امتياز فنا عاوزة شهادة الامتياز بقي ارجعي هاتيهالي بسرعه


قلتلها انععععععععععععععععععععععع ععععععععععععععععععععععععع ععععععععععم؟؟؟ ارجع فين؟؟ انا جية وجيبة كل اوراقي من شهادة ميلاد لحد وصل نور البيت مطلبتيهاش مني ليه ونا عندك؟؟؟

قالتلي حصل خير مش مشكلة مخدتش بالي ارجعي هاتيها...

قلتلها ععلي اساس اني ساكنة فوقك؟؟ انتي بتهرجي طبعا ومش هرجع

قالتلي خلاص جوازك وقف لحد متجبيها انتي مش صغيرة عشان متخديش بالك من كدا

قلتلها ونتي مش قاصر ولاحطينك ورا الشباك طيشة عشان تراجعي الورق وتمضي وبعدين تكلميني تقوليلي ورقة ناقصة..انا مش هجيب ورق ولو جيت هكتب فيكي شكوي واقدمها لرئيس القسم الظابط اللي عندك د ا اسمه تهريج

بصراحة قفلت السكة ف وشي

بعد ساعه لقتها بتكلمني تاني..قالتلي علي فكرة يادكتورة انتي بتكلميني باسلوب وحش ونا بكلمك باحترام..قلتلها ياستي كلميني بقلة احترام وعامليني باسلوب كويس..انا مش قاعدة فلشارع عشان افضل رايحة جية انا عندي شغلي...

قالتلي ونتي جية تخلصي ورقك يبقي تستحملي كل انسان عرضة انه ينسي فانا نسيت

قلتلها تستحملي غلطتك انا لو غلطت ف شغلي محدش هيرحمني..ولولا انك متأكدة انك غلطانة مكنتيش تكلميني فلتليفون ولانتي بتكلمي عادي الناس بعد مبتروح؟؟

قالتلي شفتي اديكي بتغلطي تاني عموم انا هعملهولك علي مسئوليتي بس هاتي الشهادة او صورة منها ونتي جية تستلمي الجواز وتجيلي انا بالاسم عشان اجبهولك بنفسي


بذمتكم الناس اللي بتتعامل معانا كأننا بقايا بني أدمين دول ايه؟؟؟

ونتصرف معاهم ازاي؟...؟

وليه مبيحترموش نفسهم اوي كدا غير لما بيحسوا اننا عارفين حقوقنا كويس..

معلش نا مفروسة حبتين فقلت افضفض معاكم شوية

---

للأسف الواحد فعلا ساعات بيبقي متعصب و بيعمل حاجات اول مرة يعملها بس بيبقي مضطر و للأسف الناس اللي بتضطرة لكدة
هو بيبقي رد فعل غريب عن الواحد بس بعد كدة بيبقي هو دة الاسلوب المتبع علي طول
و الخوف من ان دة يغير من شخصية الواحد حتي مع الناس اللي مش مستاهل يتعاملوا بالاسلوب دة

انا ماشى بمبدا يا تدونى حقى يا هعمل لكم فضيحه بجلاجل
والموضوع ده ماشى معايا كويس اوووووووووووووى وبطبقه من زمااااااااااااااااااااااا ااان
انت لسه جديده ف الموضوع ده الى الامااااااااااااااااااااا اااااااااااااااااااام

واضح فعلا ياجماعة إن الموضوع لازم يمشي صوت عالي لفترة .. لحد ماتتعدل لوحدها
علشان كده قولت كل واحد يحفظ الارقام دي على موبايله
الخط الساخة لشكاوى الرشوة 19468
الخط الساخن للشكوى لدى جهاز حماية المستهلك 19588

اقتباس:

---

المشاركة الأصلية كتبت بواسطة icehearted girl

عارفين لو كل شخص حس ان في مسئولية ورقيب عليه ع المدي القريب هيخاف فعلا

بمجرد مطلبت من الراجل رقم الشكوي حس فعلا اني هتابعها

بمجرد مدكتور فارما من الاول كان اخد وصل بالمبلغ اللي دفعه..الموظفة كانت هتخاف وترجع الخدمة

حتي ف الشغل اي حد بيبعتلي ركوست غير امضاء الدكتور بخلي السكرتير اللي منزلة يمضي هو كمان وبلاقي ناس كتير رجعت ف رأيها واخدت الركوست ورجعت بيه...يعني كانوا عارفين ان في غلط او مشكلة وخافوا من المسئولية

لو حد مننا كان ف توكيل وملقاش قطعه غيار وطلب منهم ورقة رسمي بكدا عشان يقدر يتصرف قانونا..اكيد هيخافوا ويعملوا حسابنا

---

فى مثل يادكتورة بيقول اخذ الحق صنعه مش كل حاجه زعيق ونرفزه وضغطك يعلى انتى ممكن تنرفزى الى قدامك ببرودك وتخدى حقك ومن غير ما تتعصبى
ولنا الله فى الايام الى جايه

ههههههههههههههههههههههههه ه

فكرتوني باوحش فترة في حياتي اسمها (فودافون ) .. طبعا كاي خريج جديد و طبعا الشغل في مصر بقي حاجه بقي من المستحيلات و قولت لنفسي اقدم غلي فودافون .. طبعا روحت لشركة اسمها ايكو عشان ديه المنفذ الوحيد عشان في فودافون ... بالمناسبة شركة ليكو ديه شركة توظيف outsourcing ..قولت و ماله روحت و قولت الشغل مش عيب .. قابلت ال hr هناك ... و لغاية دلوقتي معرفش دول متعينين ازاي مفيش presentation و لا لغة و لا اي حاجة .. المهم ..جاتلي واحدة قالتلي قدم نفسك بالانجليزي علي كام سؤال .. و المعاملة كانت ما شاء الله .. تحس انك رايح تستلف منهم فلوس مش رايح تشتغل و طبعا مديح في الشركة و ديه شركة نمبر وان و الكلام الحمصي و انا طبعا من كلامهم حسيت اني رايح اشتغل في الجنة ... المهم عملت 3 انترفيو اتنين في الترجمان و واحد في فودافون كورنيش المعادي ... المهم اتقبلت و بالمناسبة هما عايزين اي حاد عشان ناس كتير جدا بيمشو منها .. اول 10 ايام كان ترينينج في مبني فودافون الرسمي الي في زهراء المعادي ... الصراحة كان روعة وكان ال trainers لذاذ جدا و الحياة وردي ... المهم بعد ما خلصنا ال training روحنا علي كورنيش المعادي و كانت الصدمةةةةةةة .... تحش ان انتا في (عزبة ) ... مش عارف راسك من رجليك و الدنيا زحمة هناك و مفيش اي تنظيم في اي حاجة ... الكمبيوترات هناك بايظة .. قولت لنفسي يا واد استحمل بكرة تتعود ..و كان ماسكنا teamleader ارخم منه مشفتش ...كل مكلم اي عميل و علي فكرة انا صبور جدا مع العملاء مش زي الناس الي بتقلب و حضراكوا اكيد عارفين معاملتهم ... برضوا كلن يقولي شغلك مش عاجبني ...و يقعد يقرفني في شغلي ... و يقعد يحاول باي طريقة يقلل من شاني >>>> ,

في بقي في فودافون ...فن التلبيس للمشكلة للغير : يعني مثلا مشكلة في اليو اس بي و مشكلة الشحن زي ما حصلت ما احد الاعضاء يقولك 10 دقايقو ترجع الخدمة مع انو المفروض يتابع مع العميلبس طبعا لا حياة لمن تنادي
ده غير بقي جهل و غرور الناس القديمة الي بتنقطك بالمعلومة
في بقي حاجة غريبة اوي فودافون تتلخص بباسطة في ان 70 % من الموظفين هناك (منايفة )هههههه مش عارف ليه ... مع احترامي و اعتزازي بكل شعب المنوفية

و اخيرا: الواحد سابها بعد 3 شهور من العذاب بسبب المشاكل الي انا وصفتها فوق + المشواااااار :انا ساكن في مساكن شيراتون في مصر الجديدة و كنت بروح المعادي كل 4 او 5 ايام و في اخر ايامي في الشركة ديه كنت بشتغل اسبوعين و اخد يوم اجازة عشان كانت الناس مشيت و و كان العدد قليل اوي ....ده كان بالنسبالي دمار و كنت بروح علي 750 جنية يعني كلهم رايحين علي الاكل و المواصلات و كمان كانوا بيدوني الفلوس كل شهر ناقصة
الميزة الوحيده الي عملوها هي لو فيه رصيد استحب غلط بيرجع علي طول و ده بالنسبالنا كان عيب ..
نصيحة : الي عايز يشتغل في الشغلانة ديه لازم تكون صبور لابعد الحدود و يفضلشغلانة الكول سنتر تكون تكون مؤقتة ..
و لو عايز حد يعرف تجاربي مع العملاء .. يقولي و انا تحت امره .. ههههههههه ..عشان هتسمع الي عمرك ما سمعته .. بس كده عشان ايدي تعبت

انا معزول عن النت في البيت بسبب سرقة خطوط ال adsl
وبسبب ان شبكة الموبايل زي الزفت بعد طلوع عمارات كتير رغم اني في الدور السادس
بكلم فودافون من شهر 6 يشوفولهم حل انا مابعرفش اكمل مكالمة في البيت مش داتا بس
ومراتي جبتلها خط اتصالات بسبب ان فوادفون ضايعة في البيت
ولما بركن العربية بسمع سكان الادوار الاولي بيتكلمو في الموبايل في البلكونات
6 شهور كل شوية حجة جديد ومعاينة جديدة
ومحدش بيعمل حاجة
اخر ديسمبر قررت اني اقفل الخط
خطي بتعمل فاتورته ما يقرب من 500 جنيه شهريا
وعميل من 12 سنة
يعني فودافون وان اترمي 6 شهور ؟؟
مجرد ما سمعو قفل الخط
اتصل بيا قسم الشبكات لقياس قوة الشبكة وفرت عليهم المشوار وقيستها
لقيتة بيديني ميعاد لتركيب ريبيتر تمنه على كلامة ما يقرب من الفين جنيه ليا لوحدي lol
وفعلا التركيب تم بعد 3 ايام بناء على ميعاد حددتة انا
وزي مانت شايفين الساعة 3 الفجر وانا اخيرا اونلاين :-)

في البلد دي خد حقك بنفسك

كويس بردو يا دكترة احسن ما تقعدى تزعقى فى المسكين الغلبان :)

مقولتليش لقيتى سو؟؟

اقتباس:

---

المشاركة الأصلية كتبت بواسطة yascro

انا ماشى بمبدا يا تدونى حقى يا هعمل لكم فضيحه بجلاجل
والموضوع ده ماشى معايا كويس اوووووووووووووى وبطبقه من زمااااااااااااااااااااااا ااان
انت لسه جديده ف الموضوع ده الى الامااااااااااااااااااااا اااااااااااااااااااام

---

+111111
و بالنسبه لى فضيحه بجلاجل دى مش يعنى زعيق و لا غلط فى حد لكن يعنى شكوى محترمه و متابعتها لحد ما يحلوا الموضوع و يعتذروا كمان و الحكايه دى بتجيب نتيجه كويسه عن تجربه. هو الفكره ان اللى قدامك يفهم انك طيب اه و كل حاجه بس عارف حقك و مش عبيط فيقول ابعد عن المشاكل معاه ده هيقرفنى :nemoflow:.

100 % والله العظيم العالم دى مينفعش معاهم غير كدة

للعلم فعلا كل انسان معرض للنسيان والخطا
اسلوبك ف الحوار مش قادر اتفهمه بصراحه
اعرفي انه كما تدين تدان
قد يكون الغلط فعلا مش من عندك بس هييجي يوم تبقي انتي غلطانه ومفيش حد هيرحمك برده
رفقا بالناس وبلاش الشدة دي
احترامي وتقديري لشخصك الكريم
السلام عليكم

اقتباس:

---

المشاركة الأصلية كتبت بواسطة mustafavet

للعلم فعلا كل انسان معرض للنسيان والخطا
اسلوبك ف الحوار مش قادر اتفهمه بصراحه
اعرفي انه كما تدين تدان
قد يكون الغلط فعلا مش من عندك بس هييجي يوم تبقي انتي غلطانه ومفيش حد هيرحمك برده
رفقا بالناس وبلاش الشدة دي
احترامي وتقديري لشخصك الكريم
السلام عليكم

---

مع احترامي ليك
لازم كل واحد يحاسب علي خطأة مهما كان وانا عن نفسي متقبل عقاب فى حالة خطأي بطيب خاطر ورضا وياما خسرت بسبب خطأي وكنت عارف اني خطأي وتقبلته .
ثانيا موضوع ان وارد انها تنسي وانها كان لازم ترحمها , معاك انها وارد تنسي بس لما تتقدم شكوي للمدير المسئول عنها , مش حيرفدها , هو بقي عارف الموظفة دي لو كانت اول مرة تنسي حيعديها ويقول نسيان عادي انما لو الموظفة متقدم فيها شكاوي كتير وشخصية مهملة فى شغلها يبقي فى الحالة دي مينفعش انها ترحمها او هو يرحمها , لان دا شغل
يبقي موضوع التقدير والادانة نتركة للمدير المسئول وهو يحدد اذا كانت الموظفة تستاهل العقاب والجزاء ولا مجرد هفوه فى تاريخها الوظيفة

فكرتوني من سنه لما مراتي اتسرق محفظتها ورحت اطلعلها بطاقه من ستانلي والمفروض ان ده من انضف الاماكن يعني ويوميها كنت سايب عيالي عند جارتنا عشان اخلص بسرعه وارجع
الباشا الموظف قالي عايزن دمغا ت وحاحاجت كده المفروض انها بتبقي عندهم انا مش بروح اجيبها وقالي انها خلصت ورح جيب من البوسطه وفضلت ماشي مشوار لحد بعد الترام يعني اكتر من كيلو وكل الناس طبعا معايا

وصلنا هناك قالونا مفيش دوول لسه واخدين 5 الاف طابع - ياواقعه منيله - 5000 طابع ومخبينهم بيوقولو مفيش اتحايلت علي الموظفه لحد ماوافقت تديني 10

البشوات بقي طلعو مخبينها عشان الكوسه وعشان يبعيعوها بسعرا اعلي

اعرفوا قاعدة انا اتعلمتها
مفيش مدير صارم وجزءات شديدو
اغلب الموظفين بتبلطج
الا اللى عنده ضمير

اقتباس:

---

المشاركة الأصلية كتبت بواسطة نور القمر

انا مشوفتش موضوعك لسه
بس ممكن تخلي ضحى تتخانق معاهم وهي تجيب لك حقك

---

قصدك ايه يعنى

بخصوص الشكوي للمدير دي

لما جت انقل ملكية العربيه باسمي رحت الشهر العقاري اللي في تعاونيات سموحه وكنت انا ووالدي وامين شرطه معرفه

رحنا وبنتكلم وبيقول حاجه قلتله ليه وكده قالي علي فكره انا ممكن معلمكش حاجه ومش هتعرف تخلص الورق بتاعك وكلام في ما معناه خلي بالك

التوكيل معمول من صاحب العربيه ليا انا وابويا يقوم البيه يقول ايه ؟ مينفعش تنقل العربيه باسمك انت لا زم تنقله باسمك انت وابوك وبعد كده هو يتنازلك وطبعا هندفع فلوس تسجيل في المرتين ياما نجيب المالك الأصلي

رحنا لمديره قالنا لا طبعا عادي ايه المشكله ورجعنا قال مليش دعوه
ياعم المدير بيقول كذا يقولك مليش فيه
بعد اكتر من 3 مرات رحنا دورنا علي البايع وجبناه عملنا التوكيل اللي يعجب ساعته ليا انا بس وخلصنا

انا كل تعاملاتي مع الحكومه زفت وقطران اسود ومفيش حاجه بتخلص في ميعادها
انا قعدت سنتين بطلع في شهاده الاعفا بتاعه الجيش
وبيطلبوا مني اوراق ملهاش لازمه واختام مش واضحه ارجع اعيدها
واصلا المشوار رايح جاي 70 كيلو
لحد ما فاض بيا
وروحت داخل لمدير المنطقه
قولتله لو مش عاوزين تدوني الشهاده قولولي وانا اقطع اوراقي لاني في كل الاحوال مش حستعملها
سالني كام سؤال كده
ويعت جاب ملفي ولقاهم فعلا طالبين حاجات ملهاش لزمه ولا من حقهم اني اجيبها
راح مشبشبهم
واداني ميعاد اجي اخد الشهاده فيه
وروحت فعلا اخدتها
وانا باخدها المفترض تكون في مكتب الامن
وطبعا علشان حظي الحلو مكانتش موجوده برضه
قلبوا الدنيا والمكاتب عليها لحد ما لقوها مقفول عليها في مكتب موظف نسيها
==========================
القيد العائلي بيطلع في يوم
اناطلعته في 6 شهور
وبرضه لما دخلت لمدير المكان وعملت شكوي
علشان الموظفين ضيعوا الورق
البلد دي عاوزه بركان مش عاوزه ثوره وبس

متفكرنيش ياشنوري بالتجنيد
دوول كانو بيجرو ورايا ياراجل وياما اتبهدلت انا وابويا

كفايه انهم اتصلو بامي قبل الترحيل لاني كنت ظابط احتياط وقالولها لو مجاش هنيجي نقبض عليه

رحت 3 ايام ورا بعض وكل يوم اقعد تحت المظله من الساعه 7 الصبح لحد 2 الظهر ونروح واخر يوم نده علي اسامي الناس اللي نزلت عساكر وانا مكنتش منهم وانا عامل كشف عيله وكنت هتصور والبس قمت مزوغ من الطابور اول ماالعقيد دير وشه وهربت
وبعد كده كنت كل اما اروح للوظق يقولي انت هربات اجري ياعسكري هات الواد ده

ايام سوده الله لايرجعها

اقتباس:

---

المشاركة الأصلية كتبت بواسطة shaddadfalcon1

متفكرنيش ياشنوري بالتجنيد
دوول كانو بيجرو ورايا ياراجل وياما اتبهدلت انا وابويا

كفايه انهم اتصلو بامي قبل الترحيل لاني كنت ظابط احتياط وقالولها لو مجاش هنيجي نقبض عليه

رحت 3 ايام ورا بعض وكل يوم اقعد تحت المظله من الساعه 7 الصبح لحد 2 الظهر ونروح واخر يوم نده علي اسامي الناس اللي نزلت عساكر وانا مكنتش منهم وانا عامل كشف عيله وكنت هتصور والبس قمت مزوغ من الطابور اول ماالعقيد دير وشه وهربت
وبعد كده كنت كل اما اروح للوظق يقولي انت هربات اجري ياعسكري هات الواد ده

ايام سوده الله لايرجعها

---

هههههههههههههههههههههههه
يا باشا انا اصلا وحيد ووالدي متوفي
يعني اعفاء نهائي من غير اي مناقشات

واضح ان الموظفة دي جوزها داعي عليها

اتصلت بيا النهاردة تاني ونا باعته واحد يستلمهولي

تقولي انتي باعتة شهادة امتياز انك خلصتي امتياز

وبطاقتك طبيب امتياز

تجبيلي ورقة انك طبيبة امتياز

احلفلها بأيمانات المسلمين ان الامتياز دا فترة تدريبية وتخلص

وهي راسها والف جزمة ان الامتياز دي وظيفة

يا اما اغير بطاقتي بقي اللي مكملتش سنة

انا اخر مزهقت وقرفت... جبتلها ورقة مضروبة بالمعهد بنفس صيغه البطاقة وحسبي الله ونعم الوكيل ف اللي اضطرني اعمل كدا

فكرتيني كنت بغير بطاقتي عشان اطلعها اسكندريه عشان اطلع الرخصه من هناك وكنت معطل خالي من شغله وواخده معايا ضامن

ومكنش معايا قلم فرحت للناس اللي بتكتب بره قلتله اكتبها
كانت البطاقه القديمه مكتوب فيها طالب فقلي روح بقي اختمها من المدرسه قلتله انا خلصت مدرسة قالي روح الكليه قلتله انا شغال قالي النقابه قتلتله مليش نقابه قالي هاتلي شهادة التخرج قلتله ينفع من غير شهاده قالي هكتبهالك لايعمل قلت ماشي ومضيت علي اقرارا اني لم احصل علي اي شهاده علميه بعد الأعداديه واتكتبت في البطاقه بدون عمل

انت متجوز ولا عازب ؟ قلت متجوز قالي فين قسيمة الجواز قلتله عازب

والبطاقه مكنش فيها تقريبا غير الأسم هو اللي صح وبعدها بسنه غيرتها

في المرور بقي قلت اكيد الرخصه هتطلع صح واخدت معايا كل الورق لقيتها برده كاتبه لايعمل
طيب ياستي انا جايبلك كل اروق اهو تقولي لا الورق ده عشان يثبت انك متعلم لكن الرخصه بتطلع زي البطاقه روح غير البطاقه وبعدين غير الرخصه

اقتباس:

---

المشاركة الأصلية كتبت بواسطة icehearted girl

واضح ان الموظفة دي جوزها داعي عليها

اتصلت بيا النهاردة تاني ونا باعته واحد يستلمهولي

تقولي انتي باعتة شهادة امتياز انك خلصتي امتياز

وبطاقتك طبيب امتياز

تجبيلي ورقة انك طبيبة امتياز

احلفلها بأيمانات المسلمين ان الامتياز دا فترة تدريبية وتخلص

وهي راسها والف جزمة ان الامتياز دي وظيفة

يا اما اغير بطاقتي بقي اللي مكملتش سنة

انا اخر مزهقت وقرفت... جبتلها ورقة مضروبة بالمعهد بنفس صيغه البطاقة وحسبي الله ونعم الوكيل ف اللي اضطرني اعمل كدا

---

...
ايه ده ؟؟؟؟
هو انتي امتياز ؟؟؟؟
امال ليه كنتي بتقولي انك دكتورة ؟؟؟؟ ..... لأ بقى انا كدة زعلت عشان بتخبي علينا
دكتورة ولا طبيبة ولا امتياز ولا جيد جدا ..... ومش بعيد كمان تكوني مقبول ومش قايلة .... اعترفي احسن لك يا ضحى بدل ما ابلغ فيكي السجل المدني :nemoflow:

والله انا كنت هتشل يا حج أحمد


بتوقف الموضوع وخلاص وهي شخصيا مش عارفة انا ايه اللي مطلوب مني

اقولها ياستي اعملك بطاقة طبيب حر؟؟

تقولي اتصرفي واعملي اللي تعمليه

انا كنت ماسكة نفسي لآخر لحظة اني مشتمش