كافيه كيا يرحب بأعضائه .....ادخل برجلك اليمين

**ابو ليلى** · 13-01-2012 02:26 AM

السلام عليكم ورحمة الله وبركاته

حبيت فى الموضوع ده اننا نتجمع فى بيتنا نتكلم ندردش نتعرف على بعض ونخرج بره جو العربيات شوية ...
انا بقالى فى المنتدى حوالى سنتين خلاص بقى بيتى التانى فعلا واليوم اللى مش بخش فيه المنتدى
بحس ان فى حاجه غلط بكون تعبان ومرهق من الشغل بس لاازم اخش اشوف ايه الجديد
فى خلال الوقت ده اتعرفت على ناس تفرح فعلا شباب وكبار كلهم يجتمع فيهم صفات ممتازة كان فى
اعضاء كتير فى القسم وظروف الحياة بعدتهم ولكن الذكرى الحلوة موجوده ودايما بيكون فى تواصل بنا.
وماشاء الله قسم كيا كل يوم فى اعضاء جدد ناس بشوف مواضعهم ومشاركتهم بس نفسى اعرفهم.

علشان كده فى الموضوع ده هتعرفنا بنفسك الاول اسمك وسنك وبتاكل كام مرة فى اليوم عندك مشكلة
قول متتكسفش ...هنتكلم فى كل حاجه وياريت كمان اللى عنده صورة يحطها علشان تكون المعرفة كاملة
وهتقلنا دخلت المنتدى ازاى وايه اللى شجعك تستمر فيه وايه اللى بيعجبك فى قسم كيا
وايه اللى نفسك يكون فى القسم
فى ناس انا عارف انهم بيقرو بس مش بيشاركو ...
ياريت تشاركو معانا عرفنا بنفسك يمكن من كل الموجودين دول هتلقيه جارك ويمكن
كمان ساكن فى نفس عمارتك .
خدو راحتكو خالص انتو فى بيتكم وسط اخواتكم .......
على بركة الله نبدا

انا اسمى وائل محمد فوزى ( ابوليلى )
بقالى 37 سنة عايش عندى مكتب للدعاية والاعلان فى بدايته
ومتزوج وعندى بنتين اه والله وساكن فى فيصل والنعمة الشريفة

والبنت التالتة سوسو الشهيرة بالسيراتو اللى لسه مش معترفه انى ابوها
دخلت المنتدى لما كنت بدور على عربية لفيت فى مواقع كتير ملقتش اللى
انا عايزه غيرهنا ناس بتخدم من غير مقابل همها الاول انها توصلك
المعلومة لحد عندك ومعلومة عن تجربة مش مجرد انه سمع وبس

**Donzi** · 13-01-2012 02:46 AM

السلام عليكم

كاعادة موضوع جميل و مميز من حضرتك يا استاذ وائل و يشرفني اني من اسرة كيا و يشرفني اشارك في الكافيه دا بس بشرط اني اقعد في ركن غير المدخنين عشان الكحة و كرشة النفس بتاعة الدخان

الاسم دينا ................... ( دونزي )
ربنا رزق اهلي بيا من يجي 27 سنة كدا و لسة عايشة الحمد لله
المهنة اخصائية مشتريات ( بس حاليا ربة منزل لظروف صحية ) بس الوضع دا ان شاء الله مش هايستمر كتير ( قولو امين )
الحالة الاجتماعية لسة عالبر و الحمد لله

دخلت المنتدى برضو لما كنت ببحث على صفحات الشبكة العنكبوتية اللعينة عن معلومات عن التقسيط الاسلامي و طبعا لقيت كمية معلومات و موضوعات كبيرة جدا في المنتدى و اشتركت فيه و دي كانت اول مرة اعرف يعني ايه منتدى

اول ما اشتركت كنت فاكرة ان المنتدى دا خاص و الناس كلهم عارفين بعض من كتر ما المشاركات كانت ودودة جدا و الناس بيهرجوا و تحس ان كلهم عارفين بعض و مكنتش بشارك عشان مكنتش فاهمة و بعدين اكتشفت ان الناس متعرفش بعض ولا حاجة بس كله بيساعد و بيخدم

و من يومها و انا ملتزمة بهذه العادة الحميدة المجيدة بالمشاركة في المنتدى و محاولة الاستفادة و الافادة قدلا المستطاع و خاصة ان انا غاوية عربيات جدا - على غير عادة البنات - و لقيت اللي بدور عليه هنا في المنتدى سواء من معلومات قيمة او التعرف على اشخاص محترمين زي حضراتكم و تكوين صدقات جميلة كمان

و ربنا يديم المعروف و تتمسوا بالخير

**ابو ليلى** · 13-01-2012 03:03 AM

منورة يا دونزى وسط اخواتك ....اللى يدخل ياجماعة يطفى السجارة الله يكرمهم
مينفعش يبقى انا وانتم

محمد رشدى باشا لالالالا الكلام ده مينفعش ... عاوزين معلومات اكتر عن شغلك هويتك
رايك فى المنتدى والقسم وايه اللى نفسك فيه فى المستقبل ( ماعدا الفلوس علشان كلنا نفسنا فيها )

اللى يكتب ياجماعة من غير كسوف ده كافيه يعنى رغى وزن وصوت عالى ودوشة

فى الخلفية صوت ام كلثوم وهى بتغنى .....عبير حياتى ( اصل امل اتجوزت عقبال عندكو )

**ashouhdy** · 13-01-2012 03:13 AM

انا جى بس بكرة الصبح او باليل ... عشان بكرة الجمعة ولازم اطلع ع حماتى بعدين أمى ... الخ الخ هههههه المتزوجين اكيد فاهمين الجمعة ماشى أذاى

**تامر.محمد** · 13-01-2012 03:34 AM

هو انا مش من اعضاؤه بس جاي احييك استاذ وائل على الفكرة و احيي الجميع :)

تحياتي :)

**ابو ليلى** · 13-01-2012 03:59 AM

المشاركة الأصلية كتبت بواسطة ashouhdy

انا جى بس بكرة الصبح او باليل ... عشان بكرة الجمعة ولازم اطلع ع حماتى بعدين أمى ... الخ الخ هههههه المتزوجين اكيد فاهمين الجمعة ماشى أذاى

ماشى يادكتور منتظرينك وبالمرة استغلك فى استشارة طبية

المشاركة الأصلية كتبت بواسطة ls1090

بالنسبة للقسم عايز شوية شغل وتنظيم

طيب زى ايه لو عندك افكار قول ....وده دورنا ده بيتنا ومحدش هينظمه غيرنا

المشاركة الأصلية كتبت بواسطة تامر.محمد

هو انا مش من اعضاؤه بس جاي احييك استاذ وائل على الفكرة و احيي الجميع :)

تحياتي :)

تامر باشا منورنا وكفاية انى خرجتك من الاحوال ياراجل بقى تقعد فى الشارع
فى السقعة دى

**ahmed_su** · 13-01-2012 04:13 AM

سلام عليكو ...

انت لسه فاتح الكافيه يا ابو ليلى ولا بتقفل بدرى

انا جيت ... ايه اخبار المشروبات السخنة ...!!!!!

الفكرة حلوة ان شاء الله تكمل والكافيه يتملى زباين

**ابو ليلى** · 13-01-2012 04:33 AM

المشاركة الأصلية كتبت بواسطة ahmed_su

سلام عليكم ...

انت لسه فاتح الكافيه يا ابو ليلى ولا بتقفل بدرى

انا جيت ... ايه اخبار المشروبات السخنة ...!!!!!

الفكرة حلوة ان شاء الله تكمل والكافيه يتملى زباين

الكبير وصل يعنى انت صاحب الكافيه واحنا اللى ضيوف عندك
فى ناس كتير نفسها تتعرف عليك .

-

-

الموضوع: كافيه كيا يرحب بأعضائه .....ادخل برجلك اليمين

LinkBack

أدوات الموضوع

عرض

كافيه كيا يرحب بأعضائه .....ادخل برجلك اليمين - انشر الموضوع فى :

-

-

-

-

-

-

المواضيع المتشابهه

قول دستور و انت داخل و اقلع الجذمة و شمر البنطلون و ادخل برجلك اليمييين

مشروع عربية لو تقدر تساعد خش برجلك اليمين

عتريس ومغامرة جديدة مع التوكيل - خش برجلك اليمين :)))))))))))))))))))

تأكيد حضور مقابلة كيا ( خش برجلك اليمين )

منور يا ممدوح الكل يرحب

الكلمات الدلالية لهذا الموضوع

المفضلات

المفضلات

ضوابط المشاركة