هوندا 1991 ومشكلة السحب بعد تغير جوان وش السلندر
السلام عليكم ورحمة الله وبركاته
اصدقائي صاحبي الخبرة الكبيرة في الهوندا انا كان عندي مشكلة في السخونية وفضلت ماشي وراها لغاية ما تأكدت انها نتيجة جوان للاسف ورحت للميكانيكي وعملت الجوان بس هو قاللي ان الوش متاخد منه نضافه قبل كده.
المهم مرديش يخرط تاني وقالي مينفعش نوديه للخراط وقاللي هنحط عدد 2 جوان وكمان مش هينفع نحط الاصلي قلتلة ماشي
المشكلة معايا دلوقتي هي في سحب العربية في الضيق ولغاية الغيار الثالث زي الفل لكن الغيار الرابع مش بييجي بسهوله وكمان عزمها بعد 120 وحش وبحس اناالعربية صوتها بينعر مع العلم انا سحب العربية الاول كان احسن انا بجد مش عارف اعمل اية هل في حاجة اتعملت غلط في الجوان ولا اية
علي فكرة انا غيرت فلتر بنزين وهواء وبوجيهات اصلي من التوكيل وكمان بحط بنزين 95 كل فترة مع 92 وكمان منظف الكربراتير وبرده مفيش فايدة
لو سمحتم اللي عنده تفسيير للي بقوله يرد عليا