أنا ما سافرتش على الطريق ده من ساعة الثورة
و لكن قريبي شغال في شرم الشيخ و قالي أن الطريق أمان و عليه جيش كتير و شرطة .
بالنسبة للمسافة هي تقريبا حوالي 400 كم أول 380 كم مش فاكر كام بالظبط .
الطريق سرعته الرسمية 90 كم -س قبل الثورة كان بيكون عليه رادارات خصوصا عند منطقة رأس سدر
بس بصراحة مش عارف هو عليه رادرات دلوقتي و لا لاءة .
بس الطريق ضيق و حارة رايح و حارة جاي
و احنا عندنا 85 مليون شوماخر و كله بيعمل تخطي في نفس اللحظة و محدش عنده صبر خالص .
عايز تركيز عالي لو الطريق زحمة علشان مفيش حاجز في النص و ممكن تلاقي نفسك في وش مع حمار جاي في وشك وش لوش بيتخطى أتوبيس مثلا .
أنا قلتلك نبذة عن خبرتي مع الطريق السنتين اللي فاتوا قبل الثورة
من ساعة الثورة ما سفرتش بالعربية خالص .
المفضلات