من A113 للـ m11 فيه فرق كبير ولا فلوس وخلاص

السلام عليكم ورحمة الله وبركاته أولاً
وبسم الله الرحمن الرحيم والصلاة والسلام على سيدنا محمد

معلش سؤال غريب
أنا الحمد لله معايا a113 وكويسه جدا وهي موديل 2008 وكنت شاريها مستعملة وقعدت معايا سنة ، لاكن حاليًا بفكر في بيعها وأزود على تمنها بتاع 35 ، أو 40 ألف واشتري الـ m11، لكني متردد جدًا ومش عارف الخير فين وخاصة إن العربية مش مغلباني وكويسه جدا..

السؤال هو هلا فعلا الفرق بين العربيتين يستحق إني أدفع الفلوس ودي ، ولا بعد ما أبعها واشتري الـ m11 هندم وأقول يارتني ماكانت العربية القديمة مقضيه وخلاص...

أنا عارف سؤال غريب بس أتمنى ألقي جواب وخاصة عند أي حد واجه نفس المشكلة أو فعلا بدل العربية قبل كده...

والسلام عليكم مرة تنيه، ياريت ما تبخلوش عاليا بالمشورة

و الله انا شايف ان ال 113 جميلة جداً و مش ضيقة و عالية عن الأرض و فيها كل الأوبشنز
مالهاش لزمة تجيب m11 لو العربية ماشية معاك كويس و فيها كل متطلباتك
لأنك فعلا ممكن تجيبها و تندم .. و ممكن ماتندمش
و المثل بيقول عصفور في اليد خير من 10 على الشجرة

حسب احتياجاتك من العربيه
لو انت غاوي وعاوز عربيه اكبر في الحجم وموتور اكبر علشان الجري والحركات
واكيد صالونها اكبر من ال 113 وشنطتها اوسع
انما لو ال 113 مقضيه الغرض المطلوب منها ومفيش معاناه من استخدامها
مش قصدي علي عيوب في العربيه
انما قصدي علي استخدامك الشخصي ليها لو عندك اسره مثلا واولاد
يبقي خليها

ألف شكر لكل من قدم النصيحة
من الحاجات إلي مخلياني أفكر في تغييرها إني سافر بيها مرة لمرسى مطروح، يعني بتاع 400 كيلو رايح بس، فكانت أول مرة أحس إن العربية ممكن تكون ضعيفة في موضوع السفر الطويل زي ده

حرام تخسر الفرق ما بين الزيرو و المستخدم بالذات و العربية زي ما بتقول مش مايقاك و برضه بتقول مفيش سبب للتغيير ....
طبعا ال 1600 اقوي بس ما العربيات ال 1300 مالية البلد و مقالتش حاجة ..غير يعني انها هتفرق ايه ؟؟؟؟ عزم اعلي حبة ولا توب سبيد اعلي حبة ......؟؟؟؟؟
انا معايا m11 و الحمد لله كويسة بعد اكتر من سنتين بس عقلك في راسك تعرف خلاصك