الموضوع: محتاج لراى دكتور مخ واعصاب

المشاركة الأصلية كتبت بواسطة ashoub

السلام عليكم .....
انا عندى 28 سنه بقالى فتره طويله من حوالى 3 سنين بحس بفقدان فى الوعى وعدم التركيز وضعف شديد بالذاكره بمعنى اصح بحس كانى لسه صاحى من النوم او شارب خمرا او وجهى ودماغى كانى واخد حقنه بنج بحس انى مش دارى بالدنيا والحاله ده كانت بتجيلى وانا خارج من الشغل دلوقتى الحكايه ده زادت عندى من حوالى 6 اشهر وبقيت صبح وليل يعنى على طول بحس انى متخدر وصداع شديد ورعشه فى جفن العين اليمنى فروحت لدكتور مخ واصاب كتبلى على دواء اركاليون فورت ودواء اخر لتنشيط الدوره الدمويه المخيه لمده شهر ونصف ومفيش اى تاثير فروحت ليه تانى فكتبلى حقن نيوروتون واكتيمار وجنكوبيلوبا لمده شهر ونصف وبرده الحكايه زى ماهيه بس بعد مخلص الكورس الحكايه زادت خالص وبقيت عامل زى السكران ومش عارف افوق فعملت صوره دم كامله طلعت النتيجه كويسه فالدكتور الباطنى قالى روح لانف واذن ممكن يكون فى حاجه فى الاذن روحت كشفت وعملت مقياس سمع وضغط واتزان والنتيجه كانت ممتازه فذهبت تانى لدكتور المخ والاعصاب فكتبلى على علاج اركاليون فورت وجنكوبيلوبا واسيتا وحقن بيتولفكس لمده شهرين فبقالى شهر كامل باخد الدواء ومفيش اى تحسن فانا مش عارف انا عندى ايه مع العلم ان الحمد لله مفيش اى مشاكل نفسيه او ارهاق فى الشغل انا مش عارف هو كتبلى دواء مضاد لاكتئاب ليه فياريت حضرتك يادكتور تقولى اروح اكشف ايه تانى ولا انا عندى ايه لانى خلاص تعبت من الادويه ومعلش طولت عليكم وشكرا.........

أنا استشارى فى الطب النفسى, والحقيقة لا يمكن تشخيص حالتك من العبارات اللى ذكرتها فقط. إنت محتاج لطبيب نفسى يسمعك كويس ويفحصك وده مش عيب ولا معناه إنك مجنون. جايز يطلب لك أشعة للمخ مثلا أو جايز تكون الصورة أوضح له فيعالجك بأى طريقة من طرق العلاج النفسى. نصيحتى لا تتردد فى زيارة الطبيب النفسى

متشكر جدا على رد حضرتك بس انا الدكتور الى روحتله دكتور مخ واعصاب ونفسيه وعصبيه وكان كتبلى على الروجته neurasthenia فلما قرات عن الوهن العصبى لقيه بينتج عن الضغط العصبى او المشاكل الاسريه وانا الحمد لله معنديش اى مشاكل اسريه بالعكس حياتى مفهاش اى مشاكل وعلى طول بضحك مع اصحابى مفيش اى حاجه مضيقانى فهل ممكن يكون عندى الوهن العصبى وده علاج صحيح ولا فى علاج تانى حضرتك تنصحنى بيه ومعلش طولت على حضرتك وشكرا

المشاركة الأصلية كتبت بواسطة ashoub

متشكر جدا على رد حضرتك بس انا الدكتور الى روحتله دكتور مخ واعصاب ونفسيه وعصبيه وكان كتبلى على الروجته neurasthenia فلما قرات عن الوهن العصبى لقيه بينتج عن الضغط العصبى او المشاكل الاسريه وانا الحمد لله معنديش اى مشاكل اسريه بالعكس حياتى مفهاش اى مشاكل وعلى طول بضحك مع اصحابى مفيش اى حاجه مضيقانى فهل ممكن يكون عندى الوهن العصبى وده علاج صحيح ولا فى علاج تانى حضرتك تنصحنى بيه ومعلش طولت على حضرتك وشكرا

مافيش ياأخى طبيب متخصص فى التلات تخصصات مع بعض وأنا متأكد من طريقة تعامله مع حالتك إنه مايعرفش فى الطب النفسى, وعموما سأعطيك بعض نصائح قد تساعدك وإن كانت لا تغنى عن استشارة طبيب نفسى. أولا: نظم حياتك يعنى نوم فى مواعيد ثابته ولمدة كافية, ممارسة رياضة بانتظام, أكل صحى فى مواعيد شبه ثابتة وابتعد عن أكل السوق والمشروبات الغازية, واستغل أجازاتك بشكل مفيد, وقلل من قعدة الكمبيوتر. ثانيا: المرض النفسى لا ينتج بالضرورة عن أسباب أو مشاكل مباشرة. ثالثا: لا يوجد فى أى من الأدوية التى ذكرتها أى مضاد للقلق أو الإكتئاب