الموضوع: عاوز أشتري أسبراتير تنصحوني بأيه

المشاركة الأصلية كتبت بواسطة ehab_mansour

انا اللي بعمله في العربيات دي عموما مبغيرش الأسبراتير كله نهائيا لأن اللي بيتأكل من الشرارة هو الوش اللي بيركب فيه اسلاك البوجيهات و الشاكوش و دول موجودين جديد الاتنين بيعملو حوالي 65 جنيه و انا غيرتهم قبل كده في الابيزا بس اهم شيء تجيب نفس المقاس لأنه موجود بأكتر من مقاس للشاكوش و الوش لأكثر من محرك تابع لفولكس

في رأيي الشخصي ان الوش و الشاكوش مينفعش نشتريهم مستعملين لأنهم أجزاء من دائرة الكهرباء تتأكل أطرافها كما تتأكل أطراف البوجيهات بالضبط و لكن الفرق ان التأكل سريع للبوجهات و لأجزاء الأسبراتير بطيء لاختلاف ظروف التشغيل للاثنين

و بالتوفيق ان شاء الله

أنا فعلا غيرت الوش و الشاكوش و جبتهم جداد بس الميكانيكي قالي ان الاسبراتير نفسه فيه سوست من جوه بتفتح مع السرعه فبتقدم الكهرباء اتوماتيك و هيه دي اللي بايظه و كمان الأسبراتير متقدم على الأخر و العربيه بتبقى عايزه تقديم للكهرباء تاني مع ان المفروض ان الاسبراتير يبقى في النص مع بنزين 92 و الكاتينه مظبوطه

المشاركة الأصلية كتبت بواسطة ehab_mansour

مع كامل احترامي للميكانيكي اللي قالك الكلام ده فهو كلام فتي ليس له أساس من الصحة

الاسبراتير بيتظبط عن طريق فك مسمارين ألانكيه 5 و تقديمه او تأخيره كما تفضلت حضرتك و بس و بعدين تربط المسمارين جيدا حتي لا يحدث تغيير مع حركة المحرك و دورانه و بس
لحد هنا ينتهي وظيفة الأسبراتير في ضبط الكهرباء و يتبقي فيه جزء أخر داخلي وهو حساس ال hall sensor وده وظيفته نقل سرعة دوران المحرك لوحدة الكنترول يونت و ده فيشته موجودة في جنب جسم الأسبراتير الحديد و بس

وبقية الأسبراتير هو جسمة الحديد الداخلي و أكس تثبيته علي عمود الكامات و بس

بعد محاولات كثيرة للتعرف علي الموضع المناسب للتشغيل للأسبراتير حتي لا يحدث تقديم او تأخير للكهرباء بزيادة او بنقص وجدت ان المنتصف هو أفضل مكان لأن التقديم بيخليك تحس بكركرة في المحرك عن الضغط عليه و كذلك مع تغير الغيارات و عدد اللفات القليل للمحرك و كأنك تستخدم بنزين 80 و كذلك التأخير يضعف السحب لذلك حضرتك تضبط الأسبراتير بنفسك في المنتصف وان وجدت السيارة غير مضبوطة فاعلم ان هناك مشكلة أخري و الأسبراتير بريء منها

ممكن تكون الكاتينة او شيء أخر هو اللي مبوظلك ال timing للمحرك لذلك لابد من توضيح المشكلة ايه و ماذا يحدث و عملت ايه لحلها و بدأت امتا و ربنا يوفقك لحلها

أرجو ان اكون قد وضحت ما تريد

كلام سليم 100 %
بس في شوية حاجات مش فاهمها و هي :
1-أن ازاي الاسبراتير متقدم على الأخر و المفروض يكون في نص المشوار
2-و مش ممكن يكون الحساس اللي بتقول عليه ده مش شغال
3-و بعدين في حاجه تاني في خرطوم خارج من الكربراتير و راكب فيالاسبراتير في حاجه أسمها (أبانص) الخرطوم ده كان مقطوع و غيرته و محصلش أي فرق
4- و بعدين ساعات العربيه تجيب لحد 160 بمنتهى السهوله و ساعات تزود فوق 100 بصعوبه جدا لحد 120 و شكرا أيه السبب (مع العلم ان الكربراتير و الوش و الشاكوش و الموينه و المشط و الدبرياج جداد)
و رأيك أغيره ولا لأ